جيىنعا بايدىبەك, قازىعۇرت, ورداباسى, سارىاعاش, سايرام, تۇلكىباس جانە تولەبي اۋداندارى مەن شىمكەنت, ارىس قالالارىنىڭ باسشىلارى, ساۋلەت جانە قالا قۇرىلىسى, وبلىستىق باسقارما باسشىلارى قاتىستى.
جيىندا ءسوز العان رەسپۋبليكالىق مەملەكەتتىك قالا قۇرىلىسىن جوسپارلاۋ جانە كاداستر ورتالىعىنىڭ باس ديرەكتورى تۇرلىبەك مۇساباەۆ شىمكەنت اگلومەراتسياسىن اۋماقتىق دامىتۋدىڭ وڭىرارالىق سحەماسى ازىرلەنگەنىن جەتكىزدى.
«ازىرلەنگەن جوباعا سايكەس شىمكەنت اگلومەراتسياسىنىڭ اۋماعى 1573,5 مىڭ گەكتاردى قۇرايدى. شىمكەنت اگلومەراتسياسىنىڭ اۋماعىندا 1,8 ملن. تۇرعىنى بار 367 ەلدى مەكەن ورنالاسقان. بۇدان بولەك, 5 مىڭنان استام تۇرعىنى بار 35 ەلدى مەكەننىڭ باس جوسپارى جاساقتالىپ وتىر», - دەدى تۇرلىبەك تۇرىكپەن ۇلى.
جاڭا ازىرلەنگەن جوباعا سايكەس 2020 جىلعا قاراي شىمكەنت اگلومەراتسياسىنا جاتاتىن اۋماقتا حالىق سانى 185093 ادامعا نەمەسە 10,3 پايىزعا ارتىپ, 1 986 087 ادامدى قۇرايدى دەگەن بولجام جاسالىپ وتىر. ال 2030 جىلعا قالاداعى حالىق سانى 534 779-عا كوبەيىپ, 2 ملن 335 مىڭ 773 ادامدى قۇرايدى دەپ بولجامدانۋدا.
ازىرلەنگەن جوباعا قانىققان ءوڭىر باسشىسى ءتيىستى سالا باسشىلارىنا وزگەرىستەر مەن ۇسىنىستاردى ەگجەي-تەگجەيلى تاعى دا پىسىقتاپ شىعۋعا تاپسىرما بەردى.
«شىمكەنت قالاسىنىڭ اگلومەراتسياسى وسىعان دەيىن بىرنەشە رەت كەڭ كولەمدە تالقىلانعان بولاتىن. وسى ماقساتتا وبلىسىمىزداعى ءتيىستى باسقارمالار تىڭعىلىقتى جۇمىس جۇرگىزىپ, وزگەرىستەر مەن ۇسىنىستاردى ەنگىزىپ شىقتى. ەندى بۇل جوبامىزدى الداعى جەلتوقسان ايىندا ۇكىمەتتىڭ وتىرىسىنا بەكىتۋگە ۇسىناتىن بولامىز. سوندىقتان اتتەگەن-اي دەيتىندەي ماسەلەلەر بولماۋى ءتيىس» , - دەدى جانسەيىت تۇيمەباەۆ.
ايتا كەتەيىك, شىمكەنت قالاسىن اۋماقتىق دامىتۋدىڭ وڭىرارالىق جوباسىن قر ينۆەستيتسيالار جانە دامۋ مينيسترلىگىنە قاراستى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى ازىرلەگەن بولاتىن. اتالعان جوباعا سايكەس كونترماگنيتتەر رەتىندە اۋدانداردىڭ دا اكىمشىلىك ورتالىقتارى انىقتالعان. وڭتۇستىك باعىتىندا – سارىاعاش قالاسى, باتىس باعىتىندا – ارىس قالاسى, شىعىس باعىتىندا – ت.رىسقۇلوۆ سەلوسى بولىپ بەلگىلەنگەن.
