وبلىستىڭ 9 اۋدانىنان ارتىنىپ-تارتىنىپ جەتەتىن ەڭبەككەرلەر جيناعان ونىمدەرىن تەز وتكىزىپ ءجۇر. ولار ارنايى بولىنگەن ورىنداردا جەڭىلدىكپەن ساۋدا جاساپ, ازىق-ت ۇلىك تۇرلەرىن تومەن باعاعا ساتادى. سەنبى كۇنگى وسى ايداعى ەكىنشى جارمەڭكەدە 40 توننا ەت, 300 توننا كارتوپ, قيار, پياز, ءسابىز, ونداعان توننا ءسۇت ونىمدەرى قاراعاندىلىقتارىڭ قىسقى قورىن تولىقتىردى. تەمىرتاۋ, جەزقازعان, بالقاش, قاراجال, شاحتينسك قالالارىنىڭ تۇرعىندارى دا داستارقان بايلىعىن مولىقتىردى. الداعا سەنبى تاعى جارمەڭكە كۇنىنە اينالماق.
ايقىن نەسىپباي, قاراعاندى.
التىنسارين مۇراسى بۇگىن دە ومىرشەڭ. اقتوبە مەملەكەتتىك پەداگوگيكالىق ينستيتۋتىندا قازاقستان تاۋەلسىزدىگىنىڭ 20 جىلدىعىنا ارنالعان «ىبىراي ءالتىنساريننىڭ پەداگوگيكالىق مۇراسى جانە قازىرگى كەزدەگى ەتنومادەني ءبىلىم مەن تاربيە بەرۋ ماسەلەلەرى» تاقىرىبىندا رەسپۋبليكالىق عىلىمي-تاجىريبەلىك كونفەرەنتسيا ءوتتى. بۇل شارا ۇلى پەداگوگتىڭ تۋعانىنا 170 جىل تولۋىنا وراي ۇيىمداستىرىلدى. وعان قازاقستان جوعارى وقۋ ورىندارىنىڭ وقىتۋشى-عالىمدارى, وبلىستىق ءبىلىم باسقارماسىنىڭ, ءبىلىم قىزمەتكەرلەرىنىڭ بىلىكتىلىگىن كوتەرۋ جانە قايتا دايارلاۋ ينستيتۋتىنىڭ قىزمەتكەرلەرى, مەكتەپ مۇعالىمدەرى, ماگيسترانتتار مەن ستۋدەنتتەر قاتىستى. عىلىمي-تاجىريبەلىك كونفەرەنتسيادا ى.ءالتىنساريننىڭ پەداگوگيكالىق مۇراسىنىڭ قازىرگى ءبىلىم بەرۋ جۇيەسىندەگى ورنى, ۇلى پەداگوگتىڭ شىعارمالارىن وقىپ-ۇيرەنۋدىڭ ادىستەمەسى ماسەلەلەرى ءسوز بولدى.
ساتىبالدى ءساۋىرباي, اقتوبە.
كوكشەتاۋ «كينوگەرمانيانى» قارسى الدى. «كوكشەتاۋ» مادەنيەت سارايىندا ءبىر جۇماعا سوزىلعان «كينوگەرمانيا-2011» فەستيۆالى اياقتالدى. ونى استاناداعى گفر ەلشىلىگى, گەرمانيانىڭ الماتىداعى باس كونسۋلدىعى, شۆەيتساريا ەلشىلىگىنىڭ قولداۋىمەن قازاقستانداعى گەتە ينستيتۋتى ۇيىمداستىردى. تۇڭعىش فەستيۆال بارىسىندا كوكشەلىكتەر حالىقارالىق جانە ۇلتتىق بايقاۋلاردىڭ جۇلدەگەرلەرى ساپىنان كورىنگەن ۇزدىك شىعارمالارمەن تانىستى. ولاردىڭ اراسىندا ايگىلى بەرلين كينوفەستيۆالىنىڭ باس جۇلدەسىن يەمدەنگەن «دجۋليانىڭ جوعالۋى», «جۇماق تورىندەگى تىعىرىق», ء«تورت مينۋت», «حانىمدار باسسەينى» سياقتى ەڭبەكتەر بار. ءسويتىپ, قازاقستان تاۋەلسىزدىگىنىڭ 20 جىلدىعى اياسىندا ىنتىماقتى بايلانىس جالعاسىن تابۋدا. قازاقستاننىڭ 16 قالاسىندا «كينوگەرمانيا» فەستيۆالىن وتكىزۋ جوسپارلانىپ وتىر.
باقبەرگەن امالبەك, اقمولا وبلىسى.
تاۋەلسىزدىك شامشىراعىنىڭ 15 جىلدىعى. ەل تاۋەلسىزدىگىنىڭ مەرەيتويى قارساڭىندا پەتروپاۆل قالالىق قازاق گيمنازياسىنىڭ 15 جىلدىعى كەڭىنەن اتالىپ ءوتتى. وبلىستىق مادەنيەت ورتالىعىنا جينالعان كوپشىلىك ايتۋلى ءبىلىم ورداسىنىڭ قۋانىشىنا ورتاقتاستى. پەتروپاۆل قالاسىنىڭ اكىمى نۇرجان اشىمبەتوۆ ۇجىمعا وبلىس اكىمىنىڭ اتىنان جەڭىل كولىكتىڭ سەرتيفيكاتىن تابىس ەتىپ, مۇعالىمدەر مەن قىزمەتكەرلەرگە ءبىر ايلىق جالاقى مولشەرىندە سىياقى بەرىلەتىنىن جاريا ەتتى. 320 ورىندى گيمنازيا شاڭىراق كوتەرگەن جىلى 266 عانا وقۋشى جينالسا, بۇگىندە ولاردىڭ سانى 800-دەن اسادى. وسى مەرزىم ىشىندە 17 تۇلەك «التىن بەلگى» يەگەرى اتاندى.
ءومىر ەسقالي, سولتۇستىك قازاقستان وبلىسى.
جۋرناليستەردى مارقايتقان كۇن. شىرايلى شىعىستىڭ ءۇنى «ديدار» گازەتىنە 80 جىل تولدى. ءوڭىر باسشىسى بەردىبەك ساپارباەۆ رەداكتسيادا بولىپ, جۋرناليستەردى مەرەيتويىمەن قۇتتىقتاپ, ولاردىڭ اتقارعان ىستەرىنە جوعارى باعا بەردى. ءباسپاسوز – بيلىك پەن حالىقتىڭ اراسىن جالعاپ تۇراتىن التىن كوپىر. قانداي زامان بولسا دا ونىڭ الاتىن ورنى ەرەكشە. ەل بىرلىگى مەن ىنتىماعى جايلى قالام تەربەپ كەلە جاتقان سىزدەرگە الداعى ۋاقىتتا دا جەمىستى ەڭبەك تىلەيمىن, دەدى وبلىس اكىمى. بۇدان كەيىن ءوڭىر باسشىسى جۋرناليستەردىڭ بارلىعىنا نوۋتبۋك پەن فوتواپپارات تارتۋ ەتتى. گازەت تاريحىندا تۇڭعىش رەت رەداكتسيا ۇجىمىنا «نيۆا» اۆتوكولىگىن جانە ءبىر پاتەردىڭ كىلتىن تاپسىردى.
وڭداسىن ەلۋباي, وسكەمەن.
قوس تۇرسىنعا كورسەتىلگەن قۇرمەت. بيىلعى جىلى ەكى دوس – ءبىرى ادەبيەت پەن عىلىمنىڭ, ءبىرى ءان مەن ساز ونەرىنىڭ حاس شەبەرىنە اينالعان تۇرسىن جۇرتباي مەن تۇرسىنعازى راحيموۆتىڭ تۋعانىنا 60 جىل تولىپ وتىر. وتكەن اپتادا ولاردىڭ بۇل جارقىن مەرەيتويلارى سەمەيدە كەڭىنەن اتالىپ ءوتتى. بەلگىلى عالىم-جازۋشىعا ارنالعان شارالار وسىنداعى اباي قورىق-مۇراجايى مەن شاكارىم اتىنداعى سەمەي ۋنيۆەرسيتەتىندە ۇيىمداستىرىلدى. ت.جۇرتباي اباي جانە شاكارىم مەدالدارىمەن ماراپاتتالدى. ال ت.راحيموۆتىڭ مەرەيتويىنا وراي اباي تەاترىندا جاس تالانتتاردىڭ رەسپۋبليكالىق بايقاۋى وتكىزىلدى. مۇندا دا 60-تان استام ءان شىعارعان ءانشى-سازگەرگە تيىسىنشە قۇرمەت كورسەتىلدى.
داۋلەت سەيسەن ۇلى, سەمەي.
كۆارتەت رەپەرتۋارىندا – قازاق اندەرى. وبلىس ورتالىعىنا امەريكالىق «پول بودري مەن «Pathways» دجاز كۆارتەتى كەلدى. ەلىمىزدىڭ باسقا دا قالالارىنا شىققان ونەر توبىنىڭ ساپارىن ەلىمىزدەگى اقش ەلشىلىگى ۇيىمداستىردى. الىستاعى ەلدىڭ مۋزىكا مادەنيەتىن جۇرتشىلىققا تانىستىرۋ ماقساتىندا جۇرگەن دجازمەن-مۋزىكانتتار سۇلتانماحمۇت تورايعىروۆ اتىنداعى وبلىستىق كىتاپحانادا وقىرماندارمەن جۇزدەسىپ, پىكىرلەستى. پول بودري, تيم ارماكوست, توني دجەفەرسون, بەننەت پاستەر وزدەرىنىڭ توبىن 2008 جىلى نيۋ-يوركتە قۇرعان ەكەن. دجازمەن جىگىتتەر ەلىمىزگە العاش رەت كەلىپ وتىر. توپتىڭ رەپەرتۋارىندا دجاز جانرىنا يكەمدەلگەن قازاق اندەرى دە بار بولىپ شىقتى.
فاريدا بىقاي, پاۆلودار.
