پارتيا قاتارى تولىقتى

عابيت مۇسىرەپوۆ اۋدانىندا اۋدانارالىق تۋبەركۋلەزگە قارسى كۇرەس ديسپانسەرىنىڭ اشىلعانىنا كوپ بولا قويعان جوق. قازىر مۇندا جۇزگە جۋىق ادام ەڭبەك ەتەدى. «نۇر وتان» حدپ-نىڭ جەرگىلىكتى بەلسەندىلەرىن ديسپانسەرگە اۋدان اكىمى مارات تاسماعانبەتوۆ باستاپ كەلدى. ول ءوز سوزىندە توراعاسى ەلباسى بولىپ تابىلاتىن ساياسي ۇيىمنىڭ ەل ومىرىندەگى باستى قوز­عاۋشى كۇشكە اينالعانىن, حالىق الدىندا بەدەلدى ەكەنىن اتاپ كورسەتتى. ودان كەيىن جەرگىلىكتى جاع­داي­عا كەڭىنەن توقتالدى. «نۇروتان­دىق­تاردىڭ» بەلسەنە ارالاسۋىمەن الەۋمەتتىك-ەكونوميكالىق سالالاردا تابىستار تولىسا تۇسكەن. ەگىن وراعى قورىتىندىلانىپ, 1,5 ميلليون توننادان استام استىق جينالعان. 3271 پارتيا مۇشەلەرى 18 باستاۋىش پارتيا ۇيىمدارىنا, 125 پارتيا توپتارىنا توپتاسا وتى­رىپ, ۇلگى بولارلىق ىستەر اتقا­رىپ كەلەدى. بيىلدىڭ وزىندە 232 ادام پارتياعا مۇشەلىككە ءوت­كەن. ولاردىڭ 186-سى ناقتى سەكتوردا جۇمىس ىستەيدى. جيىن سوڭىندا ءبىر توپ ادامعا پارتيا بيلەتتەرى تابىس ەتىلىپ, پارتيالىق توپ قۇرىلدى. ءومىر ەسقالي, سولتۇستىك قازاقستان وبلىسى.