جەتىمدەردى جەبەيىك

استانا قالاسىنىڭ بالالار ۇيىندە «قۋان, ءسابي» دەگەن اتپەن اشىق ەسىك كۇنى ءوتتى. ءبىلىم جانە عىلىم مينيسترلىگى بالالار قۇ­قى­عىن قورعاۋ  جونىندەگى كوميتە­تى­نىڭ ۇيىمداستىرۋىمەن وتكىزىلىپ وتىرعان شاراعا جەتىمدەردى قام­قور­لىعىنا الۋعا نيەتتەنگەن ازاماتتار قاتىستى دەسەك, جەتىم با­لا­لارعا پانا بولىپ كەلە جاتقان ۇيدە بۇگىندە 209 بالا ءتالىم-ءتار­بيە الىپ جاتىر. ولار 15-20 با­لا­­د­ان تۇراتىن 13 وتباسىعا ءبولى­نىپ, اعايىندى  بالالاردىڭ ءبىر ۇيدە  تۇرۋىنا مۇمكىندىك جاسال­عان. 2009-2010 جىلدارى عيمارا­تى­نا كۇردەلى جوندەۋ جۇمىستارى جۇرگىزىلگەن بالالار ۇيىندە 74 مىڭنان استام كىتاپ قورى بار كىتاپحانا دا جۇمىس ىستەپ تۇر. مۇن­داعى ءاربىر بالانىڭ  دەنساۋ­لىعىنا دا اسا زور ءمان بەرىلەدى. ەمدەۋ, ستوماتولوگيا, فيزيو, ماسساج كابينەتتەرى جۇمىس ىستەيدى. جەتكىنشەكتەر ونەردەن دە قۇر الا­قان ەمەس. حالىقارالىق دارە­جەدە وتكەن  ءتۇرلى كونكۋرستاردا  جۇلدەلى ورىندارعا يە. بۇگىنگى شارادا ۇرمەلى اسپاپتار وركەسترى, بي ۇجىمدارى  ءوز ونەرلەرىن ور­تاعا سالىپ, كەلۋشىلەردىڭ كوڭىلىن ءبىر سەرپىلتىپ تاستادى. جەتىمدەر ءۇيىنىڭ ماقتانىشى – ول مەكتەپ تۇلەكتەرى. ولار بۇگىندە  ل.ن گۋميلەۆ اتىنداعى ەۋرازيا ۇلتتىق ۋنيۆەرسيتەتىندە, مۋزىكا اكادە­مياسىندا, مەديتسينا ۋنيۆەرسيتەتىندە وقىپ جاتىر. بالالار ءۇيى­نەن «وتباسىن قورعاۋ قىز­مەتى» اتتى كابينەت اشىلىپ, بالا اسى­راپ الام دەۋشىلەرگە پسي­حولو­گيا­لىق كومەك كورسەتىلەتىن بولعان. جەتىمدەردىڭ  تاعدىرىنا بەيجاي قارامايتىن ازامات­تار­دىڭ وسى شاراعا كوپتەپ كەلۋى قۋانتتى ءبىزدى. دينارا جامشيتوۆا, جۋرناليست.