«تازا بولسا تابيعات – امان بولار ادامزات»

اتتى قازاقستان رەسپۋبليكاسى پرەمەر-ءمينيسترىنىڭ ديپلومىنا رەسپۋبليكالىق كونكۋرسى ءوز مارەسىنە جەتتى تاۋەلسىزدىك – كيەلى ۇعىم جانە ەكىنىڭ بىرىنە بۇيىرا بەرمەيتىن باق. ونىڭ قازاقستاندىقتار ۇعى­مىندا قالىپتاسقانىنا بيىل 20 جىل. ەگەمەندىگى مەن تاۋەلسىزدىگى تۋى استىندا قازاقستاننىڭ جيىر­ما جىل ىشىندە دامۋ جولى ەل­باسى ساياساتىنىڭ دۇرىس ەكەندىگىن دالەلدەدى. قازاقستان رەسپۋبلي­كاسى حالقىنىڭ ءوز تاۋەلسىزدىگىن ساقتاۋعا, نىعايتۋعا بەلىنىڭ بەكەمدىگىن تانىتتى. ادامدارى­مىز­دىڭ ۇلكەندەرىنىڭ دە, كىشىلەرىنىڭ دە, جاستارىمىزدىڭ دا ءوز بولا­شاعىنا دەگەن سەنىمدەرىنىڭ زور ەكەندىگىن ولاردىڭ بۇگىنگى بەت الىسى, كەلبەتى كورسەتىپ وتىر. ءيا, اتا-بابالارىمىز سان عا­سىرلار بويى ارمانداعان تاۋەل­سىزدىگىمىزگە وسى كۇنى قول جەتكىزدىك, ەندى ەل تۇعىرىن مىقتاپ ۇس­تاپ, ونىڭ شارىقتاۋىنا بولاشاق جاستاردىڭ ىقپال ەتۋى ءبىز ءۇشىن ۇلكەن سەنىم. وسى تۇرعىدا تاۋەل­سىزدىگىمىزدىڭ 20 جىلدىعىن توي­لاۋ­عا ورايلاستىرىلىپ, قازاق­ستان رەسپۋبليكاسىنىڭ قورشاعان ورتانى قورعاۋ مينيسترلىگىمەن ۇيىمداستىرىلعان «تازا بولسا تابيعات – امان بولار ادامزات» اتتى قازاقستان رەسپۋبليكاسى پرەمەر-ءمينيسترىنىڭ ديپلو­مى­نا رەسپۋبليكالىق كونكۋرسى بۇگىندە ءوز مارەسىنە جەتتى. «ۇزدىك سۋرەت», «ۇزدىك تاق­پاق», «ۇزدىك ماقالا», «ۇزدىك  بەي­نەتۇسىرىلىم», «ۇزدىك اڭگىمە», «ۇزدىك زەرتتەۋ جۇمىسى», «ۇزدىك فوتوسۋرەت», «ۇزدىك بەينەفيلم», «ۇزدىك ساۋلەت جۇمىسى» اتتى 9 نوميناتسيا بويىن­شا وتكى­زىلگەن كونكۋرسقا قازاقستاننىڭ 5040 جالپى ءبىلىم بەرۋ مەكتەپتەرىنەن 4379 وقۋشى قاتىسىپ, 5641 شىعارماشىلىق جۇمىستار ۇسى­نىلدى. كوميسسيا مۇشەلەرىمەن شىعارماشىلىق تۋىندىلارعا باعالاۋ جۇرگىزىلىپ, 63 جەڭىمپاز انىقتالدى. «ەل مەن جەردى قۇرمەتتەۋ – ازاماتتىق پارىز» دەگەندەي, مەكتەپ وقۋشىلارى وزدەرىن جان-جاقتى قىرىنان كورسەتىپ, بۇگىنگى ەلدىڭ جاستارى ءبىلىمدى, جىگەرى مەن سۇيىسپەنشىلىگى زور, ءارى قوعامنىڭ دامۋىنا ءۇن قوساتىن تالاپشىل ەكەندىگىنە وسى كونكۋرس بارىسىن­دا ءبىزدىڭ كوزىمىز ابدەن جەتتى. اۋىز تولتىرىپ ماقتانارلىققا تۇرارلىقتاي تۋىندىلار بارشى­لىق ەكەن. قازىرگى ۋاقىتتا, قازاقستان تاۋەل­سىز­دىگىنىڭ 20 جىلدى­عىنا ار­نالعان وقۋ­شىلاردىڭ ۇزدىك شى­عارماشىلىق تۋ­ىن­­دىلارىنىڭ كى­تاپ-جيناعىن شىعارۋ بويىنشا جۇ­مىستار ءجۇر­گىزى­لۋدە. ال كونكۋرس جەڭىمپاز­دا­رىن سال­تاناتتى تۇردە ما­راپات­تاۋ ءىس-شاراسىن استانا قالا­سىندا ۇستىمىزدەگى جىلدىڭ جەل­توقسان ايىندا وتكىزۋ جوسپار­لانىپ وتىر. «تاۋەلسىزدىك – ءبىزدىڭ الدى­مىزدان جارقىن بولاشاققا جول اشىپ بەردى. ءبىز سول جولدان ەشقايدا بۇلتارماي, العا باسا بەرەمىز», – دەگەن ەلباسىنىڭ ال­تىن ءسوزى وسكەلەڭ ۇرپاق ءۇشىن ونە­گەگە تولى. بابالاردىڭ دانا­لىق ءداستۇرىن, اعا ۇرپاقتىڭ ىزگى جولىن جالعاستىرۋ, قيىندىق اتاۋلىنى جەڭە ءبىلۋ, حالىق يگىلىگى ءۇشىن ايانباي ەڭبەك ەتۋ قاسيەتتەرىن قالتقىسىز ساقتاۋ – بۇگىنگى بۋىننىڭ بەرىك ۇستانار قاعيداتى بولۋعا ءتيىس. قازاقستان رەسپۋبليكاسى تاۋەل­­سىزدىگىنىڭ 20 جىلدىعى قارساڭى­ندا ۇيىمداستىرىلعان وسىنداي كونكۋرس ەلىمىزدىڭ جاس جەتكىنشەكتەرىنە جاسالعان تاماشا تارتۋ بولدى. ەلىمىزدىڭ ەكولوگيالىق ماسە­لەلەرىن كوتەرەتىن, جاستاردى ءبىر­لىك پەن بىلىمگە, تاۋەلسىز ەلى­مىزدىڭ داۋلەتىن قۇرايتىن مول ىرىسقا اينالدىراتىن ەكولو­گيالىق ءبىلىم بەرۋ جونىندەگى مۇنداي كونكۋرستار الداعى ۋاقىتتا دا جالعاسىن تابا بەرەدى. قازاق ءۇشىن وڭىنان تۋعان جاڭا عاسىردا دوستىق پەن جاراستىقتىڭ, ورنىقتىلىق پەن كەلىسىمنىڭ, جاسامپازدىق پەن بولاشاققا دەگەن زور سەنىمنىڭ بار جۇگىن ارقالايتىن ءبىلىمدى جاستارىمىز كوبەيە بەرسىن دەمەكپىن! عاليا كارىبجانوۆا, قورشاعان ورتانى قورعاۋ مينيسترلىگى ەكولوگيالىق ساياسات جانە ورنىقتى دامۋ دەپارتامەنتىنىڭ ديرەكتورى.