«استانا» - پەلوتونداعى ەڭ ۇلكەن جانە تانىمال كوماندالاردىڭ ءبىرى. الداعى ەكى جىلدا بۇل جوبادا ونەر كورسەتۋ مەن ءۇشىن ۇلكەن مارتەبە بولماق. سوڭعى ەكى ماۋسىمدا ءوزىمنىڭ كاسىبي دامۋ جولىمدا العا ۇلكەن قادام جاسادىم. «استانادا» دا بۇل ءۇردىستى جالعاستىرا الامىن دەپ ويلايمىن. «استانانىڭ» ءستيلى مەن ونىڭ «گراند-تۋرعا» ماقساتتى ءتاسىلى ماعان قاتتى ۇنايدى», - دەدى ومار فرايلە.
ومار فرايلە (27-تە) 2013 جىلدان باستاپ كاسىبي دەڭگەيدە ونەر كورسەتىپ كەلەدى. 2015 جىلعى ماۋسىمدا «يسپانيا ۆۋەلتاسىن» جانە «باسكوۆ ەلدەرى تۋرىندا», سونداي-اق «دجيرو دەلل'اپپەننينو» بىركۇندىك جارىستا جانە «ديۋنكەركتىڭ ءتورت كۇنى» كەزەڭىندە جەڭىسكە جەتىپ, العاش رەت ءوزىنىڭ مىقتى سپورتشى ەكەنىن دالەلدەدى.
«ول ءوزىن كەز كەلگەن تاۋ جارىسى كەزەڭىندە سەنىمدى سەزىنەدى. سونىمەن قاتار كوماندالىق جارىستا مىقتى بۋىن. بۇل سپورتشىنى باياعىدان باقىلاپ ءجۇرمىز, بيىل ءبىزدى ول «دجيرو د'يتاليانى» قالاي ءجۇرىپ وتكەنى ەرەكشە تاڭعالدىردى. فرايلە ءبىزدىڭ كوماندادا ءوز الەۋەتىن تولىقتاي اشا الاتىنىنا سەنىمدىمىن», - دەدى «استانانىڭ» باس مەنەدجەرى الەكساندر ۆينوكۋروۆ.
