وسىعان وراي بەي-بەرەكەتسىز سالىنعان نىسانداردى باسقا جاققا كوشىرۋگە شەشىم قابىلدانعان. تىزىمگە «دانيال» ءدامحاناسى دا ىلىگىپ, ونى بۇزۋ كەزىندە قۇرىلىسشىلار پاتشا زەڭبىرەگىن كەزىكتىرگەن. ولكەتانۋشىلاردىڭ ايتۋلارىنشا, زەڭبىرەك بۇرىن وسى جەردەگى ءدوڭ ۇستىنە ورناتىلىپ, بالالار قىزىقتايتىن ورىنعا اينالعان. تاريحى ارىدەن باستالاتىن كونە ارتەفاكت قيلى-قيلى كەزەڭدى باستان وتكەرگەن ءتارىزدى. ويتكەنى, 2000 جىلدارى ءۇشتى-كۇيلى جوعالىپ كەتىپ, تۇرعىندار ونى «قولدى بولدىعا» جورىپ جۇرگەن.
– كەيىن ءدوڭ ۇستىنە ءدامحانا تۇرعىزىلىپ, استىندا قالا بەرسە كەرەك. نىسان زاڭسىز بوي كوتەردى مە, الدە يەلەرى باسقا جاققا اۋىستىرۋدى قيىنسىندى ما − ايتۋ قيىن. جوبالاۋىمىزشا پەتروپاۆل قامالى سالىنعان 1752 جىلدارى اكەلىنگەنگە ۇقسايدى. ءبىز ءوز تاراپىمىزدان ونى مۇراجايعا ىڭعايلى ورنالاستىرۋ جولدارىن ويلاستىرۋدامىز, – دەدى تەلەفون ارقىلى حابارلاسقانىمىزدا مادەنيەت جانە قۇجاتتامالار باسقارماسى باسشىسىنىڭ مىندەتىن اتقارۋشى زاۋرە نۇرمۇقانوۆا.
پەتروپاۆلدىقتار كوزدەن بۇل-بۇل ۇشقان ەسكىلىكتىڭ كونە جادىگەرىمەن قايتا تابىسقاندارىنا قۋانۋلى. قازىر جەرگىلىكتى مۇراجايدا ەكى زەڭبىرەك تۇر. بۇل ءۇشىنشى ەكسپونات رەتىندە قوسىلادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
