ەلباسى نۇرسۇلتان نازارباەۆتىڭ ۇستىمىزدەگى جىلى قازاقستان حالقىنا جولداۋىندا شەتەلدىك ينۆەستورلاردى تارتۋعا باسا نازار اۋدارىلعان بولاتىن. ناۋرىز ايىندا «Kazakh Invest» ۇلتتىق كومپانياسى» اكتسيونەرلىك قوعامى قۇرىلىپ, ول ەلىمىز اتىنان ترانسۇلتتىق كومپانيالارمەن جانە ءىرى ينۆەستورلارمەن جۇمىس ىستەي باستادى.
ەندى ۇلتتىق كومپانيا وڭىرلەرمەن دە جۇمىس ىستەيدى. ولىس اكىمى ارحيمەد مۇحامبەتوۆ وڭىرلەردە شەتەلدىك ءىرى ينۆەستورلار ءۇشىن ەڭ الدىمەن جاعداي جاسالۋى, ينفراقۇرىلىم جاقسارتىلۋى كەرەكتىگىن, سونىمەن قاتار ينۆەستورلار ءتۇرلى رۇقسات قاعازدارمەن, كەلىسىمدەرگە ۋاقىتىن كەتىرمەيتىندەي ەتىپ, جەڭىلدەتۋ كەرەكتىگىن ەسكە سالدى. ول ءۇشىن پروكۋراتۋرا, ىشكى ىستەر دەپارتامەنتى, ادىلەت باسقارماسى جانە باسقا دا ءتيىستى ۆەدومستۆولار جۇمىس ىستەۋى كەرەك. ينۆەستورلاردى قوستانايدان ءتۇسىپ جاتقان يندۋستريالىق ايماق قىزىقتىرۋعا ءتيىس. سونىمەن قاتار, وبلىستا بۇرىن تۇرىپ قالعان كاسىپورىنداردىڭ, عيماراتتاردىڭ ءتىزىمى جاسالدى, ولاردى دا ءىرى ينۆەستورلارعا ۇسىنۋعا بولاتىنىن ايتتى اكىم.
ءنازيرا جارىمبەتوۆا,
«ەگەمەن قازقستان»
