الەمدە – ءتورتىنشى, ال تمد بويىنشا – ءبىرىنشى

بۇل ەلىمىزدىڭ ءبىلىم بەرۋدى دامىتۋ يندەكسى باعىتىنداعى قول جەتكەن كورسەتكىشى كەشە ساعىنبەك تۇرسىنوۆتىڭ توراعالىعىمەن قازاقستان رەس­پۋب­ليكاسى پرەزيدەنتىنىڭ جانىن­داعى ادام قۇقىقتارى جونىندەگى كوميسسيانىڭ كەڭەيتىلگەن وتىرى­سى بولىپ ءوتتى. بۇل وتىرىس ءبىلىم جانە عىلىم مينيسترلىگىنىڭ ازا­مات­تاردىڭ ءبىلىم الۋعا كونستي­تۋ­تسيالىق قۇقىقتارىنىڭ ساقتالۋى جانە ءبىلىم بەرۋ ۇيىمدارى ۇسى­نا­تىن ءبىلىم بەرۋ قىزمەتىنىڭ جو­عا­رى ساپاسىن قامتاماسىز ەتۋ سا­لا­سىندا اتقارىپ جاتقان جۇ­مىس­تارىن تالقىلاۋعا ارنالدى. اتالعان تاقىرىپ بويىنشا  ءبىلىم جانە عىلىم مينيسترلىگىنىڭ جاۋاپتى حاتشىسى بولاتبەك ءابدىراسىلوۆ بايانداما جاسادى. قازاقستان تاۋەلسىزدىگىنىڭ 20 جىلدىعى اياسىندا ءوتىپ جاتقان بۇل تالقىلاۋدا ءبىلىم بەرۋ سالا­سى­نىڭ مەملەكەت دامۋىنىڭ ما­ڭىزدى ستراتەگيالىق رەسۋرسى بولىپ تانىلعان جانە تاۋەل­سىز­دىكتىڭ ءبىرىنشى كۇنىنەن باستاپ ءبىلىم بەرۋدى دامىتۋ, ادام كاپي­تا­لىن جەتىلدىرۋ ماسەلەلەرى پرەزيدەنت ن.نازارباەۆ باستاما كوتەر­گەن مەملەكەتتىك ساياساتتىڭ تۇراق­تى باسىمدىعى بولىپ تابى­لا­تىنى اتاپ كورسەتىلدى. ءبىلىم بەرۋ قىزمەتتەرىنە تەڭ قولجەتىمدىكتى, پەداگوگ كاسىبىنىڭ  بەدەلىن ارتتىرۋدى, ءبىلىم بەرۋ پروتسەسىنىڭ بارلىق قاتىسۋ­شى­لارى­نا ۇزدىك ءبىلىم بەرۋ رەسۋرس­تارى مەن تەحنولوگيالارعا تەڭ قولجەتىمدىلىكتى, ساپالى مەكتەپكە دەيىنگى تاربيەلەۋ جانە وقىتۋ مەن بالالاردى تولىق قامتۋدى, با­لالاردى مەكتەپكە دايىنداۋ ءۇشىن مەكتەپكە دەيىنگى تاربيەلەۋ مەن وقىتۋ جونىندەگى ءتۇرلى باع­دار­لامالارعا ولاردىڭ تەڭ قول­جەتىمدىگىن قامتاماسىز ەتۋگە با­عىت­تالعان قارجىلاندىرۋ جۇيە­سىن جەتىلدىرۋ ماقساتىندا رەسپۋبليكا پرەزيدەنتىنىڭ 2010 جىلعى 7 جەلتوقسانداعى №1118 جارلى­عى­مەن 2011-2020 جىلدارعا ار­نال­عان قازاقستان رەسپۋبلي­كا­سىندا­ ءبىلىم بەرۋدى دامىتۋ مەملەكەتتىك باعدارلاماسى بەكىتىلدى. يۋنەسكو-نىڭ مالىمەتى بويىن­شا, بۇگىنگى كۇنى قازاقستان ءبىلىم بەرۋدى دامىتۋ يندەكسى بويىنشا دۇنيە جۇزىندەگى 129 ەلدىڭ ارا­سىندا العاشقى تورتتىككە ەنەدى, تۇتاس وقىتۋمەن قامتۋ بويىنشا تمد ەلدەرى اراسىندا ءبىرىنشى ورىندا. ەقىۇ جانە بۇۇ ءمۇ­شەسى رەتىندە قازاقستان ءۇشىن ءبىلىم بەرۋ ۇيىمدارىنىڭ ازامات­تار­دىڭ ساپالى ءبىلىم الۋعا قۇ­قىق­تارىن جۇزەگە اسىرۋعا باعىت­تالعان ءبىلىم بەرۋ سالاسىنداعى دۇنيەجۇزىلىك ستاندارتتارى تار­تىم­دى, ولار ءبىزدىڭ زاڭنامانىڭ ەرەكشەلىكتەرىن ەسەپكە الىپ, بىرتىندەپ سارالانادى. وتىرىستا ءبىلىم بەرۋ مەن عىلىمنىڭ قۇقىق­تىق بازاسىن جەتىلدىرۋ, پەداگوگ كاسىبىنىڭ ءيميدجىن جوعارىلاتۋ قاجەتتىلىگى, ونىڭ ىشىندە ولاردىڭ ەڭبەگىن ىنتالاندىرۋ, ءبىلىم بەرۋ ساپاسىن ارتتىرۋ ماقساتىندا ينتەگرالدى ينكليۋزيۆتى ءبىلىم بەرۋدى, اقپاراتتىق-تەحنولوگيا­لار­دى دامىتۋ, وقىپ جاتقان جاس­تار­دىڭ ۇزدىك دۇنيەجۇزىلىك ءبىلىم بەرۋ رەسۋرستارىنا قولجەتىمدىگىن قامتۋ ماقساتىندا ەلەكتروندى وقىتۋ جۇيەسىن ەنگىزۋ, شاعىن­ كوم­پلەكتى دەپ اتالاتىن مەكتەپتەر جۇمىس ىستەيتىن شالعايداعى ەلدى مەكەندەردە ساپالى ءبىلىم الۋعا قولجەتىمدىلىك پروبلەمالارىن شەشۋ, ءبىلىم بەرۋدى جۇيەلى جاڭ­عىر­تۋ ماسەلەلەرى, ءبىلىم الۋ قۇ­قى­عى سالاسى بويىنشا اقپارات الۋدى ارتتىرۋ ماسەلەلەرى تالقى­لانىپ, انىقتالدى. كۇن ءتارتىبىنىڭ ەكىنشى ماسە­لە­سى بويىنشا ادام قۇقىقتارى جونىندەگى كوميسسيانىڭ حاتشىسى تاستەمىر ابىشەۆ ءسوز سويلەدى. ول وتىرىسقا قاتىسۋشىلاردى ەلىمىز تاۋەلسىزدىگىنىڭ 20 جىلدىعىنا ار­نالعان ادام قۇقىقتارى سالا­سىن­داعى بىرقاتار ماڭىزدى شارالار قاراستىرىلعان كوميسسيانىڭ  2011 جىلعى ءتورتىنشى توقسانعا ار­نالعان جۇمىس جوسپارىمەن تانىستىردى. كوميسسيانىڭ ازاماتتاردىڭ ءبى­لىم الۋعا قۇقىقتارىن قامتا­ما­سىز ەتۋ سالاسىنداعى زاڭ­نامانى جانە قۇقىق قولدانۋ پراك­تيكاسىن ودان ءارى جەتىلدىرۋ جونىندەگى ۇسىنىستاردان تۇرا­تىن ۇسىنىم قورىتىندىسى قا­زاقستان رەس­پۋب­ليكاسى ۇكىمەتى مەن پارلامەنتىنە جولداناتىن بولادى. شارافاددين ءامىر.