ەلىمىزدە 500 مىڭ جۇمىس ورنى قۇرىلادى

قازاقستاندا ناتيجەلى جۇمىس جانە جاپپاي كاسىپكەرلىكتى دامىتۋدىڭ جاڭا باعدارلاماسى اياسىندا جارتتى ميلليون جۇمىس ورىندارى قۇرىلادى. «وسى ءۇش  باعىتتى جۇزەگە اسىرۋ كەم دەگەندە 500 مىڭ جاڭا جۇمىس ورىندارىن قۇرۋعا, ءوزىن جۇمىسپەن قامتىعاندار تابىسىن 36 پايىزعا ارتتىرۋعا, سونداي-اق ءجىو 0,8 پايىزعا وسۋىنە الىپ كەلەدى دەپ كۇتىلۋدە. 2017-2018 جىلدارى باعدارلامانى جۇزەگە اسىرۋعا نەگىزدەلگەن شىعىستار 66,8 ملرد تەڭگەنى قۇراماق. وسى جىلدارى قوسىمشا شىعىستار قاجەت بولمايدى. تەك 2019 جىلى قوسىمشا قاجەتتىلىك 13 ملرد تەڭگەنى قۇراۋى مۇمكىن جانە بۇل ماسەلە بيۋدجەتتىك مۇمكىندىكتەر ەسەبىنەن قارالادى», – دەدى دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا. ايتا كەتەيىك, جاڭا باعدارلاما اياسىندا ۇبت تاپسىرماعان مەكتەپ تۇلەكتەرى ءبىرىنشى كاسىبىن تەگىن الادى. سونىمەن قاتار جەكە بيزنەس اشۋ ءۇشىن شاعىن نەسيلەردىڭ قولجەتىمدىگى جەڭىلدەيدى. قۇجات اياسىندا تابىسى تومەن تۇرعىنداردى بيزنەس نەگىزدەرىنە وقىتۋ, جۇمىس ىزدەۋدىڭ بىرىڭعاي بازاسىن قۇرۋ سەكىلدى قادامدار ەسكەرىلىپ وتىر.