قازاقستاندا مەملەكەتتى باسقارۋدىڭ مىقتى جۇيەسى بار - سيۋ تسزيان

بۇگىن «قازاقستان رەسپۋبليكاسىنىڭ تاۋەلسىزدىگىنە 25 جىل: ناتيجەلەر, جەتىستىكتەر, كەلەشەك كوكجيەگى» تاقىرىبىنداعى xالىقارالىق كونفەرەنتسيادا ءسوز سويلەگەن قحر سىرتقى ىستەر مينيسترلىگى جانىنداعى حالىقارالىق قاتىناستار ينستيتۋتى باسشىسىنىڭ ورىنباسارى سيۋ تسزيان قازاقستاندى «اۆتوريتارلى مەملەكەت» دەپ اتاپ, قازاقستاننىڭ 25 جىل ىشىندەگى قارقىندى ەكونوميكالىق دامۋىن, سونداي-اق ايماقتاعى ۇلتارالىق جانە كونفەسسياارالىق تۇراقتىلىق ايماعىنا اينالعانىن ەرەكشە اتاپ ءوتتى. «ىشكى جالپى ءونىم 23 ەسەگە كوبەيدى. وسىنىڭ ارقاسىندا xالىقتىڭ ءال-اۋقاتى كوتەرىلدى. ءسويتىپ, قازاقستان تمد اۋماعىندا ەكىنشى ورىنعا شىقتى. وعان نە سەبەپ بولدى؟ ارينە, وعان بارلىق فاكتورلار اسەر ەتتى. دەگەنمەن, ءبىرىنشى كەزەكتە مەملەكەتتى باسقارۋدىڭ مىقتى جۇيەسىن ەرەكشە اتاپ وتكەن ءجون. ءبىز ونى «اۆتوريتارلى باسقارۋ» دەيمىز. الايدا ول ءسوزدىڭ ماعىناسىن جاقسى جاعىنان ءتۇسىنۋ كەرەك. وسىنىڭ ءبارى الەۋمەتتىك تۇراقتىلىق پەن تۇراقتى ەكونوميكالىق دامۋعا نەگىز بولدى. سوندىقتان قازاقستاننىڭ «اۆتوريتارلىق ساياساتى» پارلامەنتتىك جانە كوپپارتيالى دەموكراتيانىڭ جالپى فاكتورى بولىپ سانالادى. مىنە, وسىنداي مىقتى پرەزيدەنتتىك جۇيەنىڭ ارقاسىندا نۇرسۇلتان نازارباەۆ تۇراقتى قازاقستاندى, الەم مويىنداعان مەملەكەتتى قالىپتاستىرا ءبىلدى», - دەدى سيۋ تسزيان. ايتا كەتەيىك, بۇگىنگى كونفەرەنتسياعا تۇركيا, رەسەي, فينليانديا, سونداي-اق ەۋروپالىق وداقتىڭ وكىلدەرى قاتىسۋدا.