قازاقستاندىق ەلدوس قابدەنوۆ دجيۋ-دجيتسۋدان الەم چەمپيونى اتاندى. بۇل سپورت تۇرىنەن الەم چەمپيوناتى پولشانىڭ ۆورتسلاۆ قالاسىندا ءوتىپ جاتىر, دەپ حابارلادى قازاقستاننىڭ دجيۋ-دجيتسۋ اسسوتسياتسياسىنىڭ ءباسپاسوز قىزمەتى.
"جارىسقا 46 مەملەكەتتەن 2000-عا جۋىق سپورتشى قاتىسۋدا. قازاقستان كومانداسىندا 25 ادام بار. قازاقستان قۇراماسىنداعى العاشقى التىندى ەلدوس قابدەنوۆ الدى", دەلىنگەن حابارلامادا.
56 كگ سالماق دارەجەسىندە ەلدوس فايتينگ-سيستەم بولىمىندە جەڭىسكە جەتتى. سونىمەن قاتار ونىڭ بۇل جارىستاعى ناتيجەسى ءوزىنىڭ جانە باپكەرىنىڭ رەكوردى بولىپ وتىر.
