جامبىلدا قانت زاۋىتى سالىنادى

جامبىل وبلىسىندا «Taraz Invest – Agro|Chemical Day 2016» حالىقارالىق ينۆەستيتسيالىق فورۋمى بارىسىندا 120 ملرد تەڭگەگە 12 مەموراندۋمعا قول قويىلدى, دەپ حابارلادى وبلىس اكىمدىگى. فورۋمنىڭ  باستى ماقساتى – شاعىن جانە ورتا بيزنەس سۋبەكتىلەرى مەن بيزنەسمەندەر ءۇشىن ايماقتىڭ ينۆەستيتسيالىق تارتىمدىلىعىن كورسەتۋ. سونداي-اق جامبىل وبلىسىنىڭ اگروحيميالىق سالاسىن دامىتۋ ءۇشىن «تاراز حيميالىق پاركى» ارنايى ەكونوميكالىق ايماعى قۇرىلعان. ارنايى ەكونوميكالىق ايماقتا جۇمىس ىستەيتىن كاسىپورىندار ءۇشىن جەڭىلدەتىلگەن سالىقتىق رەجيم كورسەتىلەدى. «جىل سايىن جامبىل وبلىسى يندۋستريالىق الەۋەتىن ارتتىرىپ كەلەدى, جەرگىلىكتى ءوندىرىستى دامىتۋدا ينۆەستيتسيانى تارتۋ ءۇشىن قولايلى كليمات قۇرىلادى. «Taraz Invest – Agro|Chemical Day 2016» حالىقارالىق ينۆەستيتسيالىق فورۋمىن وتكىزۋ ونەركاسىپتىك جانە حيميالىق-تەحنولوگيالىق ءوندىرىس سالاسىنداعى ارىپتەستىك قاتىناستى نىعايتۋعا تاعى ءبىر قادام بولۋى مۇمكىن»,- دەدى وبلىس اكىمى كارىم كوكرەكباەۆ. «Taraz Invest – Agro|Chemical Day 2016» اياسىندا قاتىسۋشىلار «بحك» جشس, «دامۋ» كاسىپكەرلىكتى دامىتۋ قورى, ەكسپورت جانە ينۆەستيتسيا بويىنشا «KAZNEX INVEST» ۇلتتىق اگەنتتىگى, تەحنولوگيالىق دامۋ بويىنشا ۇلتتىق اگەنتتىگى, قازاقستاندىق مەملەكەتتىك جەكە مەنشىك سەرىكتەستىك ورتالىعى جانە جەرگىلىكتى ماعىناداعى NADLoC دامىتۋ بويىنشا ۇلتتىق اگەنتتىك وكىلدەرىنەن مالىمەت العان كاسىپكەرلەرگە قىزمەت كورسەتۋ ورتالىعىنىڭ جۇمىسى قۇرىلعان. فورۋم بارىسىندا جامبىل وبلىسىندا قانت زاۋىتى سالىناتىنى بەلگىلى بولدى.