بەيبىتشىلىك پەن بەرەكە باستاۋى

پارلامەنت پالاتا­لارى­نىڭ بىرلەسكەن وتىرىسىندا دەپۋتاتتار قابىلداعان ەل تاۋەل­سىز­دىگىنىڭ 25 جىل­دىعىنا ار­نالعان دەك­لاراتسيانىڭ تولىق ءماتى­نىن ەل گازەتى «ەگەمەن قازاق­ستان» باسىلىمىنان وقىپ شىق­تىم. الەمنىڭ وركە­­نيەت­تى دامىعان 30 ەلىنىڭ قاتارىنان وزىندىك ورنى­مىز­دى الۋعا تالپىنىپ وتىرعان قازاق­ستان­نىڭ شيرەك عاسىردا جەتكەن جەتىس­تىكتەرىن قالاي دارىپتەسەك تە ەش ارتىقتىعى جوق. قازاق­تا «جاقسى ءسوز – جارىم ىرىس» دەگەن ءسوز بار. سون­دىقتان ەكسپو-2017 حالىقارالىق مامان­داندىرىلعان كورمەسىن ەلور­دامىزدا وتكىزۋگە ءمۇم­كىندىك العانىمىزدىڭ ءوزى نەگە تۇرا­دى؟! ەندى سول سىندارلى ساتتەن جاقسى ءوتىپ الەم حالىقتارىنىڭ الدىندا بەدەلى­مىزگە بەدەل قوسساق, نۇر ۇستىنە نۇر بولارى انىق. نەگىزى, بۇل كورمە جاعرافيالىق ورنالاسۋ ىڭعايلىلىعى ەۋروپا مەن ازيانىڭ ورتا تۇسى بولىپ تا سانالاتىن باس قالامىزدىڭ باعىن اشا تۇسەتىنىنە كامىل سەنەمىز. ەڭ باس­تىسى, ەلدىگىمىزدى تانىتار يگىلىكتى ىسكە جاناشىر بولىپ, قولداۋ ءارى تىلەۋقورى بولا ءبىلۋ دە كەرەك. اقىل تارازىسىنا سالىپ, ەكونوميكالىق تۇرعىدان قاراپايىم عانا تالداۋ جاساساق, بۇگىن­دە بىرقاتار ەلدەر ءوز ونىمدەرىن وسى حالىق­ارالىق كورمەدە كورسەتۋ ءۇشىن وزدەرىنە بولىنگەن ورىندارىن الۋدا. بۇل – ءىستىڭ ىلگەرىلەۋىنە سەبەپشى بولاتىن قادام.سەبەبى, قاتىسۋشىلار سانى ارتقان سايىن ءوزارا باسەكەلەسۋ پايدا بولادى. ول كورمەنىڭ اتىن شىعارىپ قانا قويماي, سان سالا بويىنشا قازاقستانعا كەلۋشىلەر­دىڭ قىزىعۋشىلىعىن دا تۋدىرادى. سوندا ساپالى قىزمەت كورسەتۋ ارقىلى دا كىرىس كوزى تابىلارى انىق. تىزبەلەي بەرسەك, ەكسپو-2017 حالىقارالىق مامان­دان­دىرىلعان كور­مە­­سى­نىڭ بىزگە بەرەتىن پايداسى وتە كوپ. تەك سونى ۇتىم­دى ءارى ءادىل پايدالانا ءبىلۋ مىندەت. سوندا قازاق­ستاننىڭ اتى بەيبىت تە, بەرەكەلى ەل رەتىندە حالىق جادىندا ساقتا­لا بەرەدى دەپ ويلايمىن. «ىرىس الدى ىنتىماق» دەگەن دانالىقتى بەرىك ۇستانعان ەلىمىزدىڭ كۇندەلىكتى ومىرىندە تاتۋلىقتىڭ سان ۇلگىسى كورىنىس تابۋدا. ايتالىق, 130 ەتنوس وكىلى تۇراتىن ەلىمىزدەگى تى­نىش­تىقتى كەيبىر مەملەكەتتەردە تۇرا­تىن حالىقتار ارمانداپ جۇرگەنىن دالەل­دەپ وتىرۋدىڭ ءوزى ارتىق. شەتەلدىك ينۆەس­تورلاردىڭ دا قازاقستانعا كەلىپ بيزنەستەرىن وركەندەتۋگە تالپىناتىنى دا ەلىمىزدەگى تىنىشتىقتىڭ جەمىسى بولىپ تابىلادى. بىلە بىلسەك, قازاق­ستاننىڭ 2017-2018 جىلدارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانعانى دا تاۋەل­سىزدىكتىڭ شيرەك عاسىرىندا جەتكەن سۇبەلى جەتىستىگى بولىپ سانالادى. سەرىكباي نۇرعيساەۆ, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ باسشىسى   تالدىقورعان