جارقىن كەلەشەك جولىنداعى رۋحاني ءنار

تاۋەلسىزدىگىمىزدىڭ 25 جىلدىعىن تويلاۋدىڭ ەڭ ۇلكەن ءمانى – جاسامپازدىق جولىمىزدىڭ ۇلگىلەرىن پايىمداپ, حالىققا ۇسىنۋ جولىمەن ەلدىڭ اسىل رۋحىنىڭ سالتاناتىن پاش ەتۋ. مۇنىڭ ءوزى, تۇپتەپ كەلگەندە, جاس ۇرپاققا ىزگى ونەگە. مىنە, وسى تۇرعىدان قازاقستان رەسپۋبليكاسىنىڭ پرەزيدەنتى, كوشباسشىمىز ن.نازارباەۆتىڭ – « ۇلى دالا ۇلاعاتتارى» تول­عاۋ – ەسسەلەرى حالقىنا دەگەن ءسۇيىس­پەن­شىلىككە تولى پەرزەنتتىك, ونىڭ جە­­ڭىمپاز رۋحىنا رۋح قوساتىن ازا­مات­تىق, جارقىن جولىن نۇسقاعان كو­­سەمدىك تارتۋ بولدى. مەن ءوزىم ۇستاز بولعاندىقتان, نۇرسۇلتان ءابىش ۇلىنىڭ جاڭا ەڭ­بەگىنىڭ حالقىمىزدىڭ دانالىق ال­تىن قازىناسىن جاڭا بيىككە كوتەرگەنىنە شەكسىز قۋاندىم. ءويت­كە­نى, مۇعالىم كەز كەلگەن ىزگىلىكتى دۇنيەدەن جاس ۇرپاق جانىنا رۋحاني ازىق بولاتىن ءنار ىزدەيدى. قاراپايىم ورنەكتەرىمەن ءور­بى­تىل­گەن ەڭبەكتەگى قۇندىلىق­تار­دىڭ قاي­سىسىن اڭگىمە ەتسەك تە, وزەك­تى مانگە يە. سونىڭ ىشىندە جاس­تار ءتار­بيەسىنە تىكەلەي ارنالعان «جاڭ­عى­رىپ كەلەر جاس تولقىن» تاراۋى تول­قىتتى. تاراۋدا «بولاشاق» باع­دار­لا­ماسىنىڭ جەمىستى جۇزەگە اسىپ جات­قا­نىنىڭ ماڭىزى ايقىن اشىلعان. جال­پى جاس ۇرپاق تاربيەسىندەگى اعا بۋىن ۇلگىسى, وتباسىنىڭ باعا جەت­پەس ورنى, كىتاپتىڭ يگى ىق­پالى, مۇعالىمدەردىڭ ۇستازدىق جاۋاپ­كەرشىلىگى, مەكتەپ پەن وتبا­سى ىنتىماقتاستىعى, حالىقتىق پە­دا­گوگيكانىڭ قۇندىلىعى, ادەبيەت – تاريح – ءتىل قۇدىرەتى – ءبارى-ءبارى ءوزارا ورىمدەسە قامتىلىپ, ادامي جاندىلىقتا, ادامي زارۋلىكتە, ادامي قۇرمەتتە بەرىلىپ, جانعا ازىق, جۇرەككە جىلۋ, ءاربىر تاعدىرعا جارىق نۇرىن قۇيعانداي سەزىلەدى. « ۇلى دالا ۇلاعاتتارىن» بۇكىل ادامزاتتىق دانالىقتىڭ ءححى عا­سىر­­دىڭ جاڭا بيىككە كوتەرىلگەن تۇ­س­ى دەر ەدىم. ءححى عاسىر – جاستار عا­سىرى» دەگەن الەم كەڭىستىگىندەگى قا­ناتتى ناقىلدى جاستاردىڭ ۇنەمى جاڭ­عىرىپ كەلەر جاڭا ساپاسىن مەرەي­لەپ, عاسىر سالتى دەڭگەيىندە كورسەتكەن كەمەڭگەر ەڭبەك رەتىندە ءالى باعاسىن الارى ءسوزسىز. قازىرگى ەلىمىزدەگى جاڭا ءبىلىم رەفورماسىنا وتپەلى شاعىمىزدا « ۇلى دالا ۇلاعاتتارى» اتتى ەڭبەك «ماڭگىلىك ەلدىڭ» ماڭگىلىك ۇر­پاعىنا ءبىلىم مەن تاربيە بەرۋدە ۇستاناتىن بىردەن-ءبىر باستى قۇرال بولاتىنىنا كامىل سەنەمىن. العىسىمىز شەكسىز! اياگۇل ميرازوۆا, قازاقستاننىڭ ەڭبەك ەرى, قازاقستاننىڭ ەڭبەك سىڭىرگەن قايراتكەرى   الماتى