قازاقستان رەسپۋبليكاسى ۇكىمەتىنىڭ قاۋلىسى №1054

2011 جىلعى 14 قىركۇيەك, استانا, ۇكىمەت ءۇيى ماقتا جانە ودان جاسالاتىن بۇيىمداردى اكەلۋگە قاتىستى قورعاۋ شارالارىن ەنگىزۋ تۋرالى «تاۋارلار يمپورتى جاعدايىندا ىشكى رىنوكتى قورعاۋ شارالارى تۋرالى» قازاقستان رەسپۋبليكاسىنىڭ 1998 جىلعى 28 جەلتوقسانداعى زاڭىنىڭ 21-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. كەدەن وداعىنىڭ سىرتقى ەكونوميكالىق قىزمەتى تاۋار نومەنكلاتۋراسىنىڭ 5601 21 100 0, 3005 90 100 0 كودتارىمەن جىكتەلەتىن ماقتادان جاسالعان گيدروسكوپيالىق ماقتانى جانە ماقتا مەن ودان جاسالاتىن بۇيىمداردى اكەلۋگە قاتىستى كەدەندىك قۇنىنىڭ 19%-ى, بىراق 1 كگ ءۇشىن كەمىندە  2,8 ەۆرو مولشەرىندە 3 جىل مەرزىمگە قورعاۋ باجدارى ەنگىزىلسىن. 2. قازاقستان رەسپۋبليكاسى قارجى مينيسترلىگىنىڭ كەدەندىك باقىلاۋ كوميتەتى كەدەندىك دەكلاراتسيالاۋ كەزىندە وسى قاۋلىنىڭ 1-تارماعىندا كورسەتىلگەن قورعاۋ باجىن السىن. 3. قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگى قازاقستان رەسپۋبليكاسى سىرتقى ىستەر مينيسترلىگىمەن بىرلەسىپ, بەلگىلەنگەن تارتىپپەن مۇددەلى شەت مەملەكەتتەردى, سونداي-اق ەۋرازيالىق ەكونوميكالىق قوعامداستىقتىڭ ينتەگراتسيالىق كوميتەتىن وسى قاۋلىنىڭ 1-تارماعىندا كوزدەلگەن قورعاۋ شارالارىن قازاقستان رەسپۋبليكاسىنىڭ  ەنگىزگەنى تۋرالى حاباردار ەتسىن. 4. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ  پرەمەر-ءمينيسترى    ك.ءماسىموۆ.