مۇز ايدىنىنا – 44 جىل

الماتىداعى «مەدەۋ» مۇز ايدىنىنىڭ رەسمي تۇردە پايدالانۋعا بەرىلگەنىنە 44 جىل تولدى. ول 1972 جىلعى 28 جەلتوقساندا اشىلعان ەدى. مەدەۋ – ىلە الاتاۋى باۋرايىندا تەڭىز دەڭگەيىنەن 1691,2 مەتر بيىكتە ورنالاسقان ءىرى سپورتتىق كەشەن. ونىڭ قۇرىلىسى 1949 جىلدىڭ كۇز ايىندا باستالىپ, العاشقى رەسمي ويىندار 1951 جىلدىڭ 4 اقپانىندا وتكەن. ستاديونعا جاساندى مۇز تەك 1972 جىلى عانا توسەلدى. مەدەۋ – قىسقى سپورتتىق ويىن­­دارعا ارنالعان مۇز ايدىنى, جاساندى مۇز الاڭىنىڭ اۋماعى 10,5 مىڭ شارشى مەتردى, اي­دىن­د­اعى مۇز جابىندىسىنىڭ قالىڭ­دىعى 2,3 مەتردى قۇرايدى. تاۋ بوك­تەرىندەگى جايلى كليمات, كۇن را­ديا­تسياسىنىڭ قولايلى دەڭ­گەيى, تومەن اۋا قىسىمى جانە تازا تاۋ سۋى مۇزدىڭ جوعارى سا­پ­ا­لى بولۋىن قامتاماسىز ەتە­دى. مۇندا وسى كەزگە دەيىن الەم­­نىڭ 120-دان استام رەكوردى جاڭار­تىلدى. مۇز ايدىنى 2011 جىلعى ءVىى قىسقى ازيا ويىندارى قارساڭىندا قايتا جوندەۋدەن ءوتتى. سپورتتىق ويىندار­دىڭ ناتيجەلەرىن كورسەتۋگە, تەلەۆي­زيالىق باعدارلامالاردى, تاقىرىپتىق جانە جارناما­لىق روليكتەردى ترانسلياتسيالاۋ­عا مۇمكىندىك بەرەتىن الاڭى 200 شارشى مەترلىك جاڭا مۋلتيمەديالىق تاقتا ورناتىلدى. قايتا جوندەۋدەن كەيىن مىنبەلەردەگى وتىرعىشتاردىڭ سانى ارتىپ, 7200-دەن 8500-گە جەتتى. جاڭادان ورناتىلعان قازىرگى زامانعى توڭازىتقىش قۇرىل­عىلارى مۇزدى 1 قازاننان 1 ساۋىرگە دەيىن ۇستاپ تۇرادى. ءبىر مەزگىلدە مۇز ايدىنىنا 2 مىڭنان 3 مىڭعا دەيىن ادام سىيادى. دەمالىس كۇندەرى كونكيمەن سىرعاناۋ كوپتەگەن جىلدار بويى تەك تۇرعىندار ەمەس, قالا قوناقتارى ءۇشىن دە جاقسى داستۇرگە اينالعان. «مەدەۋ» اتاۋى ءحىح عاسىر­دىڭ سوڭىندا ءومىر سۇرگەن قوعام قايراتكەرى, قازاق حالقىن كوش­پەلى وتىرىقشىلىققا بەيىمدەۋ جۇمىستارىمەن اينا­لىسقان, قازاق بالالارىنا ارناپ پانسيونات اشقان مەدەۋ پۇسىرمانوۆتىڭ قۇرمەتىنە بەرىلگەن. «مەدەۋدىڭ» اينالاسىن 21 مىڭ گەكتار ورمان-توعاي القابى قورشاپ جاتىر. وندا قايىڭ, كوكتەرەك, قاراعاي مەن شىرشا, دولانا, شەتەن اعاش­تارى وسەدى. مۇز ايدىنىنان بولەك, مۇندا عارىش ساۋلەلەرى عىلىمي ستانساسى, ۇلكەن الماتى كولى, جوعارعى گورەلنيك سار­قىراماسى, الماتىنى سەلدەن قورعاپ تۇراتىن بوگەتتەر, تەر­رەن­كۋر جانە سەگىز جۇزدەن استام ساتىسى بار باسپالداق بار. الداعى جىلعى 29 قاڭتار مەن 8 اقپان ارالىعىندا ال­ماتى­­دا وينالاتىن XXVIII قى­س­قى ۋنيۆەرسيادا ويىندارى جارىس­تارىنىڭ ءبىر بولىگى «مەدەۋ» مۇز ايدىنىندا وتەدى. تالعات رايىمبەك, «ەگەمەن قازاقستان»