جاڭا مەكتەپتىڭ قۇرىلىسىنا ۇلتتىق قوردان جانە جەرگىلىكتى بيۋدجەتتەن 897 ملن تەڭگە قارجى ءبولىندى. ايتا كەتەيىك, بۇعان دەيىن ۇشتەرەك اۋىلىندا باستاۋىش مەكتەپ قانا بولعان. ونىڭ وزىندە وقۋشىلار ءۇش اۋىسىممەن وقىپ, ال جوعارى سىنىپتاعىلار كورشى ۇشقوڭىر اۋىلىنا بارىپ ءبىلىم الاتىن. ەندى جاڭا زاماناۋي مەكتەپتە وقۋشىلاردىڭ تولىققاندى ءبىلىم الۋىنا جاعداي بار, دەيدى مەكتەپ ديرەكتورى انار ايدىنباەۆا.
«4 لينگافوندىق-مۋلتيمەديالىق كابينەت, 100 ادامعا ارنالعان اسحانا, 72 ورىندىق ءماجىلىس زالى, فيزيكا, حيميا, ينفورماتيكا جانە سپورت زالى بار. جالپى جاڭا مەكتەپتىڭ اۋماعى 5236 شارشى مەتر», – دەيدى ا.ايدىنباەۆا. اتالعان نىساننىڭ قۇرىلىسى 2015 جىلدىڭ ناۋرىز ايىندا باستالعان. جاڭا جىل قارساڭىندا پايدالانۋعا بەرىلگەن ءبىلىم ورداسىنىڭ اشىلۋىنا وبلىس اكىمىنىڭ ورىنباسارى عالىمجان ءابدىرايىموۆ قاتىستى.
