اتىراۋدا 32 جاستاعى ءماسليحات دەپۋتاتى قايتىس بولدى

اتىراۋ وبلىستىق ءماسليحاتىنىڭ دەپۋتاتى اسقار بوپىلدىقوۆ (اسقار تورەباي) قايتىس بولدى. ول جەلتوقساننىڭ 27-سىنەن 28-ىنە قاراعان ءتۇنى سىرقاتتان قايتىس بولدى. الەۋمەتتىك جەلىدە ونىمەن جاقىن دوس-جاراندارى, بەلگىلى جۋرناليستەر, وبلىس جاستارى كوڭىل ايتىپ جاتىر. «ءومىر ءبىز ويلاعاننان دا تىم قىسقا, ءارى قاتال! بۇگىن مەنىڭ باۋىرىم, ارىپتەسىم, اعام اسقار تورەباي بوپىلدىقوۆ دۇنيەدەن وزدى. جاس بولسادا, باس بولىپ تاۋەلسىز ەلىمىزدىڭ دامۋىنا وزىندىك ۇلەسىن قوسىپ جۇرەتىن جان ەدى. وزىنە ءتان ازىلدەرى دە ەرەكشە بولاتىن. اتىراۋ وبلىسى «جاس وتان» جاستار قاناتىنىڭ توراعاسى, وبلىستىق ماسليحات دەپۋتاتى بولاتىن. باۋىرىم جانىڭ ءجانناتتا بولسىن! سەن ءۇشىن دۇعا قىلامىن!امين!» – دەپ جازادى قىزىلوردا وبلىستىق «جاس وتان» جاستار قاناتى پارتياسىنىڭ جاۋاپتى حاتشىسى ابىلايحان سابانباەۆ. «وتكەن شاق. ەندى كەلمەيتىن شاق. جىگىتتىڭ تورەسى ەدى عوي... قىسقا عانا ۋاقىتتا قالالىق ءماسليحات دەپۋتاتى قىزمەتىن ابىرويمەن اتقارىپ ءبىتىرىپ, تۇيەدە قوم, اتتا جالسىز-اق وبلىس ءماسليحاتىنىڭ دەپۋتاتى بولىپ ەدى. ءسوزى مەن ءىسى قاتار جۇرەتىن. كوپتەن كۇتكەن ۇلى توي, شاڭىراقتى بولعانىنا دا قۋانعانبىز. ونىڭ ءاربىر قۋانىشىنا شاتتانىپ وتىراتىنبىز... ءيا, ەندى (مەنىڭ دەمەيىن) ءبىزدىڭ التىن باۋىرىمىز اسحات تورەباي تۋرالى تەك وتكەن شاقتا عانا ءسوز قوزعايتىن بولامىز. اجال قاشان سۇراپ كەلسىن, اللانىڭ بەرگەن سىزىعىنان ءبىر ءسات ەرتە دە ءھام كەش تە ەمەس كەلەدى-داعى... تەك جۇرەگىڭ سىزدايدى. «قالايشا؟ قالايشا؟ ول ءالى جاس ەمەس پە ەدى؟ جالىنداپ تۇرعان شاعى ەدى عوي؟ ونىڭ ءالى الاتىن اسۋى الدا ەدى عوي؟ بالا-شاعاسى شە؟ قالايشا؟..» دەگەن سۇراق وزەگىڭدى ورتەگەندە كۇيدىرىپ جىبەرەدى», – دەدى بلوگەر تيمۋر بەكتۇر. «اتىراۋ ءوڭىرىنىڭ كەلەشەگىنەن ءۇمىت كۇتتىرگەن اسقارداي ۇلى باقيلىق بولدى. ىسكەر, ھəم سوزشەڭ بوپىلدىقوۆ اسقار تورەباي جاس بولسا دا, توپ جارىپ, حالىق قالاۋلىسىنا اينالىپ ۇلگەرگەن-ءدى. اسقار باۋىرىمنىڭ جاقىندارى مەن اتىراۋلىق əرىپتەستەرى ھəم بۇتكىل قازاق ەلىندە تۇرىپ جاتقان دوس-جاراندارىنا قايعىرىپ, كوڭىل ايتامىز. اللا مارقۇمعا يمان بايلىعىن بەرگەي!» – دەدى ءدىنتانۋشى قانات جۇماعۇل. «...تىك مىنەزدى, جاعىمپازدانۋدى بىلمەيتىن, ۇلتىنا دەگەن سۇيىسپەنشىلىگى ەرەك ازاماتتى سۇم اجال ورتامىزدان الىپ كەتتى. ماڭدايعا جازعان از عانا ۋاقىتىن ەل جاستارىنا, قالا بەردى, ءوڭىر جاستارىنا ارناعان اسەكەڭ ەدى. ورنىڭ ويسىراپ قالدى-اۋ. ءاردايىم, جارقىراعان اق جارقىن جۇزىڭمەن جادىمىزدا ساقتالاسىن! قوش, اسقار!» – دەپ ەسكە الدى دوسى روللان قۇسپان. ايتا كەتەيىك, اسقار تورەباي 1984 جىلى دۇنيەگە كەلگەن. مارقۇم «جاس وتان» جاستار قاناتىنىڭ اتقارۋشى حاتشىسى قىزمەتىن اتقارعان.