ءبىر سۋرەتتىڭ سىرى

سايرامسۋ وزەنىنىڭ بويىنا ەل ەرتە زاماننان قونىستانعان. ەگىن ەگۋگە, مال وسىرۋگە قولايلى ايماق. سولاردىڭ ءبىرى – تولەبي اۋدانى كوكسايەك اۋىلدىق وكرۋگىنە قاراستى قازاقستان اۋىلى. بۇل ەلدى مەكەننىڭ تاريحى باي. وسى جەردەن كەزىندە 3 ەڭبەك ەرىنىڭ شىققاندىعىنىڭ ءوزى كوپ جايدى اڭعارتسا كەرەك. 1959 جىلى ءبىز ءسوز ەتىپ وتىرعان قازاقستان اۋى­لىنا زامانىمىزدىڭ زاڭعار جازۋشى­سى مۇحتار اۋەزوۆ كەلگەن. بۇل وقيعا قا­لام­گەردىڭ وڭتۇستىككە جاساعان ساپارى جايلى جازىلعان ەستەلىكتەرىندە ايتى­لادى. جازۋشى اۋىل ارداقتىسى ءارى ابى­رويلى ازامات سىپابەك تىلەۋوۆتىڭ شا­ڭى­راعىنا كەلىپ تۇسكەن. اناسى كوركەم اپا جاس كەزدە تۇرار رىسقۇلوۆپەن بىرگە ءوسىپ­تى. وسى تۋرالى قالامگەرگە كوپتەگەن ماع­لۇمات ايتىپ بەرگەنگە ۇقسايدى. ال كور­كەم اپانىڭ بالاسى سىپابەك «اباي جو­لىنىڭ» ءبىرىنشى كىتابىنداعى «قيادا» دە­گەن ءبولىمىنىڭ ءتورتىنشى تاراۋىنان ءۇزىن­دى وقىپ بەرگەندە مۇحاڭنىڭ كوڭىلى كو­تەرىلىپ, ريزا بولعان ەكەن. بۇل جايىندا مەن ۇلاعاتتى ۇستاز سەيىلبەك الپاەۆتان, كەنجە جولىمبەكتەن ەستىگەن ەدىم. ...سودان بەرى قانشاما ۋاقىت ءوتتى. ال يمپەريا كۇيرەپ, ەگەمەندىك العا­نى­­­مىزعا شيرەك عاسىرعا جۋىقتادى. قا­­زاق ەلى تاۋەلسىزدىككە قول جەتكىزدى. قازاقستان اۋىل­ىن­دا جاڭا دەربەس مەكتەپ سالىنعانىنا بىرنەشە جىلدىڭ ءجۇ­زى بولدى. ونىڭ جانىنان ەسكەرتكىش ورنا­تىلىپ, ۇلى وتان سوعىسىندا جات جەر­دە قالعان جانە ەلگە امان-ەسەن ورا­لىپ, بەيبىت ومىردە قايتىس بولعان ماي­دان­گەر­لەردىڭ اتى-جوندەرى ءمارمار تاسقا قا­شا­لىپ جازىلعان. مەك­تەپ­­تە ولكەتانۋ مۋ­زەيى جۇمىس ىستەيدى. وندا ۇلى جازۋشى مۇحتار اۋەزوۆتىڭ وسى ءوڭىر­دەگى ساپارىنان بەلگى رەتىندە ءبىز ءسوز ەتىپ وتىر­عان سۋ­رەت تە كورنەكى جەرگە قويىلعان. سەرىكقالي جەكسەنباەۆ وڭتۇستىك قازاقستان وبلىسى, تولەبي اۋدانى سۋرەتتە: جازۋشى م.اۋەزوۆ قازاق­ستان اۋىلىنىڭ تۇرعىنى كوركەم اجەمەن اڭگىمەلەسۋدە. 1959 جىل