جەلتوقسان تۋرالى جاڭا جيناق

جەلتوقسان وقيعاسىنىڭ تاريحي ءمانى مەن حالىقارالىق سايا­سي ماڭىزى استانادا, قا­زان ايىنىڭ اياعىندا بولعان عىلىمي-پراكتيكالىق كونفەرەنتسيادا جوعارى دەڭگەيدە ساراپتالعان بولاتىن. ونىڭ جۇمىسىنا وتان­دىق عالىمدار مەن ساياساتكەرلەردەن باسقا جيىرمادان استام ەلدەردەن كەلگەن ساراپشىلار مەن ماماندار, بۇرىنعى مەملەكەتتىك باسشى قىزمەتتە بولعاندار جانە عىلىمي-زەرت­تەۋ ۇيىمدارىنان كەلگەندەر قاتىستى. مىنە, وسى حالىقارالىق عى­لىمي-پراكتيكالىق كونفەرەنتسيادا سويلەنگەن بارلىق ءسوز­دەر مەن ايتىلعان ويلار ۇيىم­داستىرۋشىلاردىڭ ەرەن ەڭبەك­تەرىنىڭ ارقاسىندا اس­تانا قالالىق ىشكى ساياسات دە­پارتامەنتىنىڭ قولداۋىمەن «قازاق­ستانداعى جەلتوقسان (1986) كوتەرىلىسىنىڭ تاريحي جانە حالىقارالىق ماڭىزى» دەگەن اتپەن جۋىردا 500 بەتتىك جە­كە جيناق بولىپ شىقتى. ءوت­كەن جۇما كۇنى ل.ن.گۋميلەۆ اتىنداعى ەۋرازيا ۇلتتىق ۋني­ۆەرسيتەتىندە وسى كىتاپتىڭ تۇساۋ­كەسەر ءراسىمى بولدى. شارانى وسى ۋنيۆەرسيتەتتىڭ پروفەسسورى زيابەك قابىلدينوۆ اشىپ, جۇرگىزىپ وتىردى. سۇيەكتى باسىلىم ءبىر مىڭ دانالىق تيراجبەن شىققان. شىعىپ سويلەگەندەردىڭ ءبارى دە وسىن­شالىق قۇندى ەڭبەك­تىڭ جارىق كورۋىن ۇيىم­داستىرعاندارعا شىنايى العىس­تارىن ايتتى. ەندى ونى اعىلشىن تىلىنە اۋدارۋ ماسەلەسى الدا تۇر. سونىمەن قاتار, «جەلتوقسان» اتتى سايت اشۋ مىندەتى دە كۇن تارتىبىنە ەنگىزىلگەن. كونفەرەنتسياعا قا­تى­سۋشىلار 9-سىنىپتىڭ تاريح وقۋلىعىنداعى جەلتوقسان كوتەرىلىسى تۋرالى ماتەريالدىڭ شاعىن عانا ەكەنىن ەسكەرىپ, ءبىلىم جانە عىلىم مينيسترلىگىنە ونى ارنايى پاراگراف قىلىپ ەنگىزۋ تۋرالى ۇسىنىس جاساعان. سونداي-اق, جىل سايىن «جەلتوقسان وقۋلارى» وتكىزىلىپ تۇرۋى قاجەتتىگى دە اي­تىلعان. زيابەك قابىلدينوۆ ءوز سوزىندە جەلتوقسان كوتەرىلىسىنىڭ 30 جىلدىعىنا ارنالعان شارالار تۋرالى دا جينالعانداردى حاباردار ەتتى. سونىڭ ىشىندە استانا قالا­سىنىڭ اكىمى اسەت يسەكەشەۆ جەلتوقساندىقتارمەن كەزدەسۋ وتكىزىپ, ولارعا مەرەكەلىك مەدالدار تاپسىرعانى, الماتىدا بولعان شارالار قالا اكىمى باۋىر­جان بايبەكتىڭ قاتىسۋىمەن وتكەنى, ال اقتوبە قالاسىندا قايرات رىسقۇلبەكوۆكە ەسكەرتكىش اشىل­عانى ايتىلدى. ءسويتىپ, حح عاسىر­دىڭ اياعىندا قازاق ساناسىن ءدۇر سىلكىنتكەن وقيعانىڭ ەكىنشى ءومىرى جاڭا قىرعا شىعىپ, قارىشتى قادامعا باسقانداي بولدى. جاقسىباي سامرات, «ەگەمەن قازاقستان»