سابيلەرگە تارتۋ

قايىرىمدىلىق كومەك اياسىندا بولات وتەمۇراتوۆتىڭ «اسىل ميراس» قايىرىمدىلىق قورى الماتىداعى اكۋشەرلىك, گينەكولوگيا جانە پەريناتولوگيا عىلىمي ورتالىعىنا ومىرلىك ماڭىزعا يە جاڭا جابدىقتار تابىستادى. اتاپ ايتار بولساق, قايىرىم­دىلىق قورى نارەستەلەرگە ين­تەنسيۆتى تەراپيا جاسايتىن ءبو­لىمشەگە 2 ەلەكترلىك اسپيرا­تسيا­لىق سورعىنى, ورتالىقتان­دى­رىلعان مەديتسينالىق گازبەن جابدىقتاۋ جۇيەسىنە ارنالعان قوندىرعىنى, نارەستە وكپەسىندەگى اۋانى جاساندى جولمەن الماستىراتىن اپپارات پەن فوتوتەراپياعا ارنالعان 4 شامدى تابىس ەتتى. – بۇگىن ءبىزدىڭ اكۋشەرلىك, گينەكولوگيا جانە پەريناتولوگيا عىلىمي ورتالىعىنا تابىس­تاپ وتىرعان جابدىقتار كەشەنى شالا تۋعان نارەستەلەرگە جوعارى ساپالى مەديتسينالىق كومەك كورسەتۋ, ولارعا كۇتىم جاساۋ ءۇشىن اسا قاجەت. انا مەن بالا ءومى­­رى­نىڭ دەنساۋلىعىن ساقتاۋعا كىشىگىرىم بولسا دا ۇلەس قوسىپ وتىرعانىمىزعا قۋانىشتىمىز جانە دە بۇل ءبىز ءۇشىن ۇلكەن قۇر­مەت, – دەدى «اسىل ميراس» قايى­رىم­دىلىق قورىنىڭ ديرەكتورى مارات ايتماعامبەتوۆ. ءيا, اتالعان ورتالىق قازاق­ستاندا اكۋشەرلىك-گينەكولو­گيالىق جانە پەريناتالدىق قىزمەتتى ۇيلەستىرەتىن عىلىمي-زەرتتەۋ, ەمدىك, ءبىلىم بەرەتىن جەتەكشى ۇيىم بولىپ تابىلادى. عىلىمي ورتالىقتىڭ نەگىزگى قىزمەتى پەريناتالدىق مەديتسينا, جوعارى قاۋىپ-قاتەر توبىنا جاتاتىن جۇكتى ايەلدەردى بوساندىرۋ, ايەلدەردىڭ رەپرو­دۋكتيۆتىك دەنساۋلىعىن ساقتاۋ, پەريناتالدىق جانە انالار اراسىنداعى اۋرۋ-سىرقاۋ مەن ءولىم-ءجىتىم كورسەتكىشىن ءتو­مەن­دەتۋ ماسەلەلەرىن شەشۋگە باعىتتالعان. ورتالىقتا جىل سايىن 7 مىڭنان اسا ەمدەلۋشىگە, سونىڭ ىشىندە جوعارى قاۋىپ-قاتەر توبىنا جاتاتىن 3 مىڭعا جۋىق نارەستەگە مەديتسينالىق كومەك كورسەتەدى. وڭالتۋ بولىمشەسىندە دەنە سالماعى ايرىقشا از جانە جەتكىلىكسىز 350-گە دەيىن نارەستەگە ەم جاسالدى. رەسپۋبليكادا «انا اتانۋدىڭ قاۋىپسىز جولى», «نارەس­تەلەردى وڭالتۋ», «شالا تۋعان نارەستەلەرگە كۇتىم جاساۋ» سەكىلدى ءتيىمدى كومەك كورسەتۋ تەحنولوگيالارى ەندىرىلۋدە. «اسىل ميراس» قورىنىڭ ار­قاسىندا وسى باعدارلامانىڭ ناتيجەلى قىزمەت كورسەتىپ, ءجۇز­دەگەن بالانىڭ ءومىرىن امان ساقتاپ قالۋعا كومەكتەسەتىن جاڭا جابدىق ساتىپ الىندى», دەدى ءباسپاسوز ءماسليحاتىندا اكۋ­شەرلىك, گينەكولوگيا جانە پەريناتولوگيا عىلىمي ورتالى­عىنىڭ ديرەكتورى, مەديتسينا عىلىمدارىنىڭ دوكتورى ءلاززات اقتاەۆا. ايتا كەتۋ كەرەك, بولات وتە­مۇ­راتوۆتىڭ «اسىل ميراس» قايى­رىمدىلىق قورىنىڭ نەگىزى 2014 جىلى قالانعان. قوردىڭ ماقساتى – بالا مەن ونىڭ وتباسى­نىڭ ءومىر ءسۇرۋ ساپاسىنا, تۇل­عا بولىپ قالىپتاسۋىنا جانە سونىڭ ءناتي­جەسىندە بۇكىل مەملەكەتىمىزدىڭ تابىستى دامۋىنا ۇلەس قوسۋ. گۇلزەينەپ سادىرقىزى, «ەگەمەن قازاقستان» الماتى