28 جەلتوقسانعا ارنالعان اۋا رايى

بۇگىن قازاقستان اۋماعىنىڭ باسىم بولىگىندە اتموسفەرالىق اعىنداردىڭ وتۋىنە بايلانىستى قار جاۋادى, رەسپۋبليكانىڭ وڭتۇستىك-شىعىسىندا تاۋ جانە تاۋ بوكتەرلى اۋداندارىندا قاتتى جاۋىن-شاشىن كۇتىلەدى. كەي جەرلەردە بۇرقاسىن, تۇمان, كوكتايعاق بولىپ, جەل كۇشەيەدى, دەپ حابارلايدى قازگيدرومەت. شىعىس قازاقستان وبلىسىنىڭ كەي جەرلەرىندە تۇمان, كوكتايعاق كۇتىلەدى, جەلدىڭ ەكپىنى 15-20 م/س. جارما اۋدانىندا ەكپىنى 25 م/س كۇشەيەدى. جامبىل, قىزىلوردا, ماڭعىستاۋ, اتىراۋ, باتىس قازاقستان, قاراعاندى وبلىستارىنىڭ كەي جەرلەرىندە تۇمان, كوكتايعاق كۇتىلەدى. قاراعاندى وبلىسىنىڭ كەي جەرلەرىندە تۇندە بۇرقاسىن بولادى. جامبىل, باتىس قازاقستان وبلىستارىندا جەل 15-20 م/س, جامبىل وبلىسىندا تۇندە ەكپىنى 23 م/س كۇشەيەدى. اقمولا, قوستاناي, پاۆلودار وبلىستارىنىڭ كەي جەرلەرىندە بۇرقاسىن بولىپ, جەل 15-20 م/س كۇشەيەدى. الماتى, وڭتۇستىك قازاقستان وبلىستارىنىڭ كەي جەرلەرىندە تۇمان بولىپ, كەي جەرلەرىندە تۇندە جەل 15-20 م/س كۇشەيەدى. سولتۇستىك قازاقستان وبلىسىنىڭ كەي جەرلەرىندە جاياۋ بۇرقاسىن بولىپ, كۇندىز كەي جەرلەرىندە جەل 15-20 م/س كۇشەيەدى.