الماتى وبلىسىنىڭ اكىمى ارداگەرلەرمەن كەزدەستى

جىلداعى ءداستۇر بويىنشا وبلىس اكىمى اماندىق باتالوۆ جەتىسۋ ءوڭىرىنىڭ ارداگەرلەرىمەن جاڭا جىل قارساڭىندا كەزدەسۋ وتكىزدى, دەپ حابارلادى قازاقپارات. شاراعا سانالى عۇمىرىن وبلىستىڭ الەۋمەتتىك-ەكونوميكالىق دامۋىنا ارناعان ازاماتتار قاتىستى. الماتىدا وتكەن كەزدەسۋدە وبلىس اكىمى ا. باتالوۆ وڭىردە تاۋەلسىزدىكتىڭ 25 جىلدىعى شەڭبەرىندە وتكىزىلگەن شارالارعا, «25 جۇلدىزدى كۇن» اياسىندا اتقارىلعان ىستەرگە, 2016 جىلى ءوڭىردىڭ جەتكەن جەتىستىكتەرىنە توقتالدى. «قۇرمەتتى ارداگەرلەر! ءبىزدىڭ تىرەگىمىز دە, ماقتانىشىمىز دا - سىزدەر. سىزدەرمەن كەزدەسىپ, اڭگىمەلەسۋ ءبىز اسىعا كۇتەتىن ەرەكشە وقيعا. سىزدەردىڭ ەلجاندىلىقتارىڭىز, ومىرلىك ۇستانىمدارىڭىز, كوپ جىلدىق تاجىريبەلەرىڭىز ەلىمىزدىڭ, ونىڭ ىشىندە وبلىسىمىزدىڭ وركەندەۋىنە ءالى دە قىزمەت ەتەتىنىنە سەنىمدىمىن. جاڭا 2017 جىلمەن شىن جۇرەكتەن قۇتتىقتاپ, سىزدەرگە مىقتى دەنساۋلىق, ۇزاق عۇمىر, وتباسىلارىڭىزعا باق-بەرەكە تىلەيمىن!» - دەدى ا. باتالوۆ.