قازاقستان رەسپۋبليكاسى ۇكىمەتىنىڭ قاۋلىسى  №759

  2016 جىلعى 2 جەلتوقسان استانا, ۇكىمەت ءۇيى قازاقستان رەسپۋبليكاسىنىڭ قۇرلىقتىق قايراڭىندا ورنالاسقان كەلىسىمشارت اۋماعىنداعى جەر قويناۋىن پايدالانۋ جونىندەگى وپەراتسيالارعا تارتىلعان قازاقستاندىق جانە شەتەلدىك تەڭىز كەمەلەرى مەن قازاقستاندىق اۋە كەمەلەرىنە باقىلاۋدى جۇزەگە اسىرۋ قاعيدالارىن بەكىتۋ تۋرالى «قازاقستان رەسپۋبليكاسىنىڭ مەملەكەتتىك شەكاراسى تۋرالى» 2013 جىلعى 16 قاڭتارداعى قازاقستان رەسپۋبليكاسىنىڭ زاڭى 55-بابىنىڭ 12-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قازاقستان رەسپۋبليكاسىنىڭ قۇرلىقتىق قايراڭىندا ورنالاسقان كەلىسىمشارت اۋماعىنداعى جەر قويناۋىن پايدالانۋ جونىندەگى وپەراتسيالارعا تارتىلعان قازاقستاندىق جانە شەتەلدىك تەڭىز كەمەلەرى مەن قازاقستاندىق اۋە كەمەلەرىنە باقىلاۋدى جۇزەگە اسىرۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ب.ساعىنتاەۆ قازاقستان رەسپۋبليكاسى ۇكىمەتىنىڭ 2016 جىلعى 2 جەلتوقسانداعى №759 قاۋلىسىمەن بەكىتىلگەن قازاقستان رەسپۋبليكاسىنىڭ قۇرلىقتىق قايراڭىندا ورنالاسقان كەلىسىمشارت اۋماعىنداعى جەر قويناۋىن پايدالانۋ جونىندەگى وپەراتسيالارعا تارتىلعان قازاقستاندىق جانە شەتەلدىك تەڭىز كەمەلەرى مەن قازاقستاندىق اۋە كەمەلەرىنە باقىلاۋدى جۇزەگە اسىرۋ قاعيدالارى 1-تاراۋ. جالپى ەرەجەلەر 1. وسى قازاقستان رەسپۋبليكاسىنىڭ قۇرلىقتىق قايراڭىندا ورنالاسقان كەلىسىمشارت اۋماعىنداعى جەر قويناۋىن پايدالانۋ جونىندەگى وپەراتسيالارعا تارتىلعان قازاقستاندىق جانە شەتەلدىك تەڭىز كەمەلەرى مەن قازاقستاندىق اۋە كەمەلەرىنە باقىلاۋدى جۇزەگە اسىرۋ قاعيدالارى (بۇدان ءارى – قاعيدالار) «قازاقستان رەسپۋبليكاسىنىڭ مەملەكەتتىك شەكاراسى تۋرالى» قازاقستان رەسپۋبليكاسىنىڭ زاڭى (بۇدان ءارى – زاڭ) 55-بابىنىڭ 12-1) تارماقشاسىنا سايكەس ازىرلەندى جانە قازاقستان رەسپۋبليكاسىنىڭ قۇرلىقتىق قايراڭىندا ورنالاسقان كەلىسىمشارت اۋماعىنداعى جەر قويناۋىن پايدالانۋ جونىندەگى وپەراتسيالارعا تارتىلعان قازاقستاندىق جانە شەتەلدىك تەڭىز كەمەلەرى (بۇدان ءارى – تەڭىز كەمەلەرى) مەن قازاقستاندىق اۋە كەمەلەرىنە (بۇدان ءارى – اۋە كەمەلەرى) كورسەتىلگەن كەمەلەردىڭ قازاقستان رەسپۋبليكاسىنىڭ ۇكىمەتى بەكىتەتىن قۇرلىقتىق قايراڭدا ورنالاسقان كەلىسىمشارت اۋماعىنداعى جەر قويناۋىن پايدالانۋ جونىندەگى وپەراتسيالارعا تارتىلعان تەڭىز كەمەلەرى مەن اۋە كەمەلەرىنىڭ قازاقستان رەسپۋبليكاسىنىڭ مەملەكەتتىك شەكاراسىن بىرنەشە مارتە كەسىپ وتۋىنە رۇقسات بەرۋ تارتىبىنە سايكەس قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى (بۇدان ءارى – شەكارا قىزمەتى) بەرگەن قازاقستان رەسپۋبليكاسىنىڭ مەملەكەتتىك شەكاراسىن بىرنەشە مارتە كەسىپ وتۋگە رۇقساتتاردىڭ (بۇدان ءارى – رۇقسات) شارتتارىن ساقتاۋى بولىگىندە عانا باقىلاۋدى جۇزەگە اسىرۋ ءتارتىبىن ايقىندايدى. 2. رۇقسات العان تەڭىز كەمەلەرىنە قاتىستى باقىلاۋدى شەكارا قىزمەتى جۇزەگە اسىرادى. رۇقسات العان اۋە كەمەلەرىنە قاتىستى باقىلاۋدى شەكارا قىزمەتى قازاقستان رەسپۋبليكاسىنىڭ قارۋلى كۇشتەرىمەن بىرلەسىپ جۇزەگە اسىرادى. زاڭنىڭ 70-بابى 1-تارماعىنىڭ 1) تارماقشاسىنا سايكەس قازاقستان رەسپۋبليكاسى قارۋلى كۇشتەرىنىڭ اۋە قورعانىس كۇشتەرى مەملەكەتتىك شەكارانى اۋە كەڭىستىگىندە كۇزەتۋ كەزىندە مەملەكەتتىك شەكارانى كەسىپ ءوتۋ ءتارتىبىنىڭ ساقتالۋىن باقىلاۋدى جۇزەگە اسىرادى. 3. قازاقستان رەسپۋبليكاسىنىڭ قۇرلىقتىق قايراڭىندا جەر قويناۋىن پايدالانۋ جونىندەگى وپەراتسيالارعا تارتىلعان تەڭىز جانە اۋە كەمەلەرىمەن تاسىمالداناتىن جولاۋشىلار دارا كاسىپكەر نەمەسە زاڭدى تۇلعا ۇسىناتىن جولاۋشىلار تىزىمىنە سايكەس باقىلاۋدان وتەدى, وعان شەكارا قىزمەتىنىڭ لاۋازىمدى ادامى باقىلاۋدان وتكەنى تۋرالى بەلگى قويادى. 4. قازاقستان رەسپۋبليكاسىنىڭ قۇرلىقتىق قايراڭىندا جەر قويناۋىن پايدالانۋ جونىندەگى وپەراتسيالارعا تارتىلعان تەڭىز جانە اۋە كەمەلەرى تاسىمالدايتىن جۇكتەر مەن تاۋارلار قازاقستان رەسپۋبليكاسىنىڭ اۋماعىنا كەدەن وداعى مەن قازاقستان رەسپۋبليكاسى كەدەن زاڭناماسىنىڭ تالاپتارىن ساقتاي وتىرىپ اكەلىنەدى. كەدەن وداعى مەن قازاقستان رەسپۋبليكاسى كەدەن زاڭناماسىنىڭ تالاپتارىن ساقتاي وتىرىپ, قازاقستان رەسپۋبليكاسىنىڭ اۋماعىنا اكەلىنگەن جۇكتەر مەن تاۋارلاردى قازاقستان رەسپۋبليكاسىنىڭ اۋماعىنان قۇرلىقتىق قايراڭ ايماقتارىنا وتكىزۋ كەدەندىك باقىلاۋسىز جۇزەگە اسىرىلادى. 2-تاراۋ. قازاقستان رەسپۋبليكاسىنىڭ قۇرلىقتىق قايراڭىندا ورنالاسقان كەلىسىمشارت اۋماعىنداعى جەر قويناۋىن پايدالانۋ جونىندەگى وپەراتسيالارعا تارتىلعان تەڭىز كەمەلەرىنە باقىلاۋدى جۇزەگە اسىرۋ ءتارتىبى 5. تەڭىز كەمەسى تەڭىز پورتىنان (ورنالاسۋ پۋنكتىنەن) قۇرلىقتىق قايراڭ ۇستىندەگى سۋ كەڭىستىگىنە شىعار الدىندا, بىراق ودان بۇرىن ءتورت ساعاتتان كەشىكتىرمەي, تەڭىز كەمەسىنىڭ قازاقستان رەسپۋبليكاسىنىڭ قۇرلىقتىق قايراڭى ۇستىندەگى سۋ كەڭىستىگىنە شىعۋىن جوسپارلايتىن دارا كاسىپكەر نەمەسە زاڭدى تۇلعا نەمەسە تەڭىز كەمەسىنىڭ كاپيتانى (كاپيتاننىڭ اۋىسىمدىق كومەكشىسى) جاۋاپكەرشىلىك ۋچاسكەسىندە تەڭىز پورتى (ورنالاسۋ پۋنكتى) ورنالاسقان شەكارا قىزمەتىنىڭ اسكەري بولىمىنە تەڭىز كەمەسىنىڭ شىعۋعا دايىن ەكەنىن تۋرالى كەز كەلگەن بايلانىس قۇرالدارى ارقىلى اۋىزشا حابار بەرەدى جانە رۇقسات بەرۋگە قۇجاتتاردى تاپسىرعان كەزدە مالىمدەلگەن ءجۇرۋ جولى وزگەرگەن جاعدايدا, تەڭىز كەمەسىنىڭ ءجۇرۋ مارشرۋتىن ناقتىلايدى. 6. شەكارا قىزمەتىنىڭ لاۋازىمدى ادامدارى تەڭىز كەمەسىنە كەلگەننەن كەيىن تەڭىز كەمەسىن بايقاۋدى جانە تەكسەرىپ-قاراۋدى ۇيىمداستىرادى. تەڭىز كەمەسىنىڭ كاپيتانى (كاپيتاننىڭ اۋىسىمدىق كومەكشىسى) شەكارا قىزمەتىنىڭ لاۋازىمدى ادامدارىنا رۇقساتتى, شەكارا قىزمەتى اسكەري ءبولىمىنىڭ كومانديرى كۋالاندىرعان تەڭىز كەمەسى ەكيپاجىنىڭ قۇرامىن, كەمە جولاۋشىلارىنىڭ ءتىزىمىن جانە تەڭىز كەمەسى ەكيپاجىنىڭ مۇشەلەرى مەن جولاۋشىلاردىڭ جەكە باسىن كۋالاندىراتىن قۇجاتتاردى ۇسىنادى. شەكارا قىزمەتىنىڭ لاۋازىمدى ادامدارى قۇجاتتاردى ونداعى مالىمەتتەردىڭ دۇرىستىعى مەن ولاردىڭ دۇرىس رەسىمدەلۋى تۇرعىسىنان تەكسەرىپ, ولاردى تەڭىز كەمەسىنىڭ كاپيتانىنا (كاپيتاننىڭ اۋىسىمدىق كومەكشىسىنە) قايتارادى. 7. شەكارا قىزمەتىنىڭ لاۋازىمدى ادامدارى, سونداي-اق مىناداي قۇجاتتاردىڭ بولۋىن تەكسەرەدى: 1) تەڭىز كەمەسىنىڭ قازاقستان رەسپۋبليكاسىنىڭ مەملەكەتتىك تۋىن كوتەرىپ ءجۇزۋ قۇقىعى تۋرالى كۋالىك; 2) كەمە جۋرنالى; 3) تەڭىز كەمەسىنىڭ جابدىقتالۋ مەن جاراقتالۋ قاۋىپسىزدىگى تۋرالى كۋالىك. 8. شەكارا قىزمەتىنىڭ لاۋازىمدى ادامدارى تەڭىز كەمەسىنىڭ كاپيتانى (كاپيتاننىڭ اۋىسىمدىق كومەكشىسى) مەن ەكيپاجى مۇشەلەرىنە اۋىزشا سۇراۋ جۇرگىزەدى, سونداي-اق كاپيتانمەن (كاپيتاننىڭ اۋىسىمدىق كومەكشىسىمەن) بىرلەسىپ, تەڭىز كەمەسىن تەكسەرىپ-قاراۋدى جۇرگىزەدى. 9. باقىلاۋ اياقتالعاننان كەيىن شەكارا قىزمەتىنىڭ لاۋازىمدى ادامى رۇقساتقا بەلگىلەر قويادى. شەكارا قىزمەتىنىڭ لاۋازىمدى ادامى شەكارا قىزمەتىنىڭ اسكەري بولىمىنە جۇرگىزىلگەن ءىس-شارالاردىڭ ناتيجەلەرى تۋرالى بايلانىس قۇرالدارى ارقىلى اقپارات جىبەرەدى. 10. تەڭىز كەمەلەرىنىڭ قۇرلىقتىق قايراڭ ۇستىندەگى سۋ كەڭىستىگىنە شىعۋى شەكارا قىزمەتى اسكەري ءبولىمىنىڭ لاۋازىمدى ادامدارى كەمەدە باقىلاۋدى اياقتاعاننان كەيىن قازاقستان رەسپۋبليكاسىنىڭ تەڭىز پورتتارىنان (ورنالاسۋ پۋنكتتەرىنەن), تەڭىز تەرمينالدارىنان نەمەسە ايلاقتىق قۇرىلىستارىنان جۇزەگە اسىرىلادى. تەڭىز كەمەلەرىن قۇرلىقتىق قايراڭ ۇستىندەگى سۋ كەڭىستىگىنە شىعارۋدى شەكارا قىزمەتى اسكەري ءبولىمىنىڭ كومانديرى كۋالاندىرعان كەمە ەكيپاجى قۇرامىنا ەنگىزىلگەن ادامدار جۇزەگە اسىرادى. 11. قۇرلىقتىق قايراڭ ۇستىندەگى سۋ كەڭىستىگىندە بولعان كەزدە رۇقساتقا سايكەس مىناداي تالاپتار ساقتالادى: 1) تەڭىز كەمەسىنىڭ كاپيتانى (كاپيتاننىڭ اۋىسىمدىق كومەكشىسى) شەكارا قىزمەتىنىڭ اسكەري بولىمىمەن ۇنەمى راديوبايلانىستا بولادى, كەمەنىڭ ورنالاسۋىنىڭ گەوگرافيالىق كوورديناتتارىن كورسەتە وتىرىپ, قازاقستان رەسپۋبليكاسىنىڭ مەملەكەتتىك شەكاراسىن ءاربىر كەسىپ ءوتۋ فاكتىسى تۋرالى حاباردار ەتەدى جانە ول تۋرالى كەمە جۋرنالىنا جازبا جۇرگىزەدى; 2) تەڭىز كەمەسىنىڭ ورنالاسقان جەرى تۋرالى اقپاراتتى ۇنەمى اۆتوماتتى تۇردە بەرۋدى قامتاماسىز ەتەتىن تەحنيكالىق باقىلاۋ قۇرالدارى ىستەن شىققان كەزدە تەڭىز كەمەسىنىڭ كاپيتانى (كاپيتاننىڭ اۋىسىمدىق كومەكشىسى) اقاۋ سەبەپتەرى تۋرالى شەكارا قىزمەتىنىڭ اسكەري بولىمىنە حابارلايدى. تەڭىز كەمەسىنىڭ ورنالاسقان جەرى تۋرالى اقپاراتتى ۇنەمى اۆتوماتتى تۇردە بەرۋدى قامتاماسىز ەتەتىن تەحنيكالىق باقىلاۋ قۇرالدارىنىڭ ىستەن شىعۋىنا اكەلگەن سەبەپتەردى ءتورت ساعات ىشىندە جويۋ مۇمكىن بولماعان جاعدايدا, تەڭىز كەمەسىنىڭ كاپيتانى (كاپيتاننىڭ اۋىسىمدىق كومەكشىسى) بۇل تۋرالى شەكارا قىزمەتىنىڭ اسكەري ءبولىمىن حاباردار ەتەدى جانە اقاۋدى جويۋ ءۇشىن تەڭىز پورتىنا (ورنالاسۋ پۋنكتىنە) قايتا ورالادى; 3) شەكارا قىزمەتى لاۋازىمدى ادامدارىنىڭ تالابى بويىنشا تەڭىز كەمەسىنىڭ كاپيتانى (كاپيتاننىڭ اۋىسىمدىق كومەكشىسى) كەمەنىڭ ورنالاسقان جەرىنە قاتىستى اقپاراتتى جانە كەمەنىڭ قازاقستان رەسپۋبليكاسىنىڭ مەملەكەتتىك شەكاراسىن بىرنەشە مارتە كەسىپ وتۋىنە بايلانىستى باسقا دا قاجەتتى اقپاراتتى ۇسىنادى. 12. تەڭىز كەمەسى قازاقستان رەسپۋبليكاسىنىڭ تەڭىز پورتىنا (ورنالاسۋ پۋنكتىنە), تەڭىز تەرمينالىنا نەمەسە ايلاقتىق قۇرىلىسىنا كەلەردەن بۇرىن ءتورت ساعاتتان كەشىكتىرمەي, تەڭىز كەمەسىن باسقاراتىن دارا كاسىپكەر نەمەسە زاڭدى تۇلعا نەمەسە تەڭىز كەمەسىنىڭ كاپيتانى (كاپيتاننىڭ اۋىسىمدىق كومەكشىسى) بۇل تۋرالى شەكارا قىزمەتىنىڭ اسكەري بولىمىنە كەز كەلگەن بايلانىس قۇرالدارى ارقىلى اۋىزشا حابار بەرەدى. شەكارا قىزمەتىنىڭ لاۋازىمدى ادامدارى قازاقستان رەسپۋبليكاسىنىڭ تەڭىز پورتىنا (ورنالاسۋ پۋنكتىنە), تەڭىز تەرمينالىنا نەمەسە ايلاقتىق قۇرىلىسىنا كەلىپ, كەمەگە بايقاۋدى ۇيىمداستىرادى, وسى قاعيدالاردىڭ 6 جانە 7-تارماقتارىندا كورسەتىلگەن قۇجاتتاردى تەكسەرۋدى, كەمەنى تەكسەرىپ-قاراۋدى, كەمە ەكيپاجى مۇشەلەرىنىڭ ءتۇسىرىلۋىن باقىلاۋدى جۇزەگە اسىرادى, كەمە كاپيتانى (كاپيتاننىڭ اۋىسىمدىق كومەكشىسى) مەن ەكيپاجى مۇشەلەرىنە اۋىزشا سۇراۋ جۇرگىزەدى. 13. تەڭىز كەمەسىنەن ەكيپاج مۇشەلەرىن, ادامداردى ءتۇسىرۋ, كەز كەلگەن جۇكتەر مەن تاۋارلاردى ءتۇسىرۋ (تيەۋ) شەكارا قىزمەتىنىڭ باقىلاۋى اياقتالعاننان كەيىن جۇزەگە اسىرىلادى. باقىلاۋ اياقتالعان سوڭ شەكارا قىزمەتىنىڭ لاۋازىمدى ادامى رۇقساتقا كەمەنىڭ تەڭىز پورتىنا (ورنالاسۋ پۋنكتىنە) كەلۋى تۋرالى بەلگى قويادى. 3-تاراۋ. قازاقستان رەسپۋبليكاسىنىڭ قۇرلىقتىق قايراڭىندا ورنالاسقان كەلىسىمشارت اۋماعىنداعى جەر قويناۋىن پايدالانۋ جونىندەگى وپەراتسيالارعا تارتىلعان قازاقستاندىق اۋە كەمەلەرىنە باقىلاۋدى جۇزەگە اسىرۋ ءتارتىبى 14. شەكارا قىزمەتىنىڭ لاۋازىمدى ادامدارى اۋە كەمەسىنە كەلگەننەن كەيىن اۋە كەمەسىنە بايقاۋدى جانە قاراپ-تەكسەرۋدى ۇيىمداستىرادى. اۋە كەمەسىنىڭ كومانديرى (ۇشۋ ەكيپاجىنىڭ مۇشەسى) شەكارا قىزمەتىنىڭ لاۋازىمدى ادامدارىنا رۇقساتتى, مەملەكەتتىك اۆياتسيا سالاسىنداعى ۋاكىلەتتى ورگان بەكىتكەن ۇشۋ جوسپارىنىڭ (Flightplan) كوشىرمەسىن, شەكارا قىزمەتى اسكەري ءبولىمىنىڭ كومانديرى كۋالاندىرعان اۋە كەمەسى ەكيپاجىنىڭ قۇرامىن, كەمە جولاۋشىلارىنىڭ ءتىزىمىن جانە اۋە كەمەسى ەكيپاجىنىنىڭ مۇشەلەرى مەن جولاۋشىلاردىڭ جەكە باسىن كۋالاندىراتىن قۇجاتتاردى ۇسىنادى. شەكارا قىزمەتىنىڭ لاۋازىمدى ادامدارى قۇجاتتاردى ونداعى مالىمەتتەردىڭ دۇرىستىعى جانە ولاردىڭ دۇرىس رەسىمدەلۋى تۇرعىسىنان تەكسەرىپ, ولاردى اۋە كەمەسىنىڭ كومانديرىنە (ۇشۋ ەكيپاجىنىڭ مۇشەسىنە) قايتارادى. 15. شەكارا قىزمەتىنىڭ لاۋازىمدى ادامدارى اۋە كەمەسىنىڭ كومانديرى مەن ەكيپاجى مۇشەلەرىنە اۋىزشا سۇراۋ جۇرگىزەدى, سونداي-اق اۋە كەمەسىنىڭ كومانديرىمەن (ۇشۋ ەكيپاجىنىڭ مۇشەسىمەن) بىرلەسىپ, كەمەنى تەكسەرىپ قارايدى. 16. باقىلاۋ اياقتالعاننان كەيىن شەكارا قىزمەتىنىڭ لاۋازىمدى ادامى ۇشۋ تاپسىرماسىنا (ۇشۋ پاراعىنا) جازبا جاسايدى جانە رۇقساتقا بەلگىلەر قويادى. شەكارا قىزمەتىنىڭ لاۋازىمدى ادامى شەكارا قىزمەتىنىڭ اسكەري بولىمىنە جۇرگىزىلگەن ءىس-شارالاردىڭ ناتيجەلەرى تۋرالى بايلانىس قۇرالدارى ارقىلى اقپارات جىبەرەدى. 17. اۋە كەمەلەرىنىڭ قۇرلىقتىق قايراڭ ۇستىندەگى اۋە كەڭىستىگىنە ۇشىپ شىعۋى شەكارا قىزمەتى اسكەري ءبولىمىنىڭ لاۋازىمدى ادامدارى كەمەدە باقىلاۋ جۇرگىزگەننەن كەيىن قازاقستان رەسپۋبليكاسىنىڭ اۋە ايلاقتارىنان, تىكۇشاق ايلاقتارىنان جانە قونۋ الاڭدارىنان, ونىڭ ىشىندە حالىقارالىق ۇشۋلار ءۇشىن اشىلماعاندارىنان دا جۇزەگە اسىرىلادى. اۋە كەمەلەرىن قۇرلىقتىق قايراڭ ۇستىندەگى اۋە كەڭىستىگىنە ۇشىپ شىعارۋدى شەكارا قىزمەتى اسكەري ءبولىمىنىڭ كومانديرى كۋالاندىرعان كەمە ەكيپاجى قۇرامىنا ەنگىزىلگەن ادامدار جۇزەگە اسىرادى. 18. قۇرلىقتىق قايراڭ ۇستىندەگى سۋ كەڭىستىگىندە ورنالاسقان قالقىمالى قوناقۇيلەردى قوسا العاندا, قازاقستان رەسپۋبليكاسىنىڭ اۋماعىنان جاساندى ارالدارعا, قوندىرعىلار مەن قۇرىلىستارعا, قالقىمالى بۇرعىلاۋ قوندىرعىلارىنا نە قالقىمالى قوناقۇيلەردى قوسا العاندا, جاساندى ارالداردان, قوندىرعىلار مەن قۇرىلىستاردان, قالقىمالى بۇرعىلاۋ قوندىرعىلارىنان قازاقستان رەسپۋبليكاسىنىڭ اۋماعىنا ادامداردى, جۇكتەر مەن تاۋارلاردى جەتكىزۋدى جۇزەگە اسىراتىن اۋە كەمەلەرىنىڭ ۇشۋلارى قازاقستان رەسپۋبليكاسىنىڭ اۋە كەڭىستىگىن پايدالانۋ سالاسىنداعى زاڭناماسىنا سايكەس ازاماتتىق جانە مەملەكەتتىك اۆياتسيا سالاسىنداعى ۋاكىلەتتى ورگاندارمەن كەلىسۋ بويىنشا جۇزەگە اسىرىلادى. 19. شەكارا قىزمەتىنىڭ لاۋازىمدى ادامدارى ورنالاسۋ پۋنكتىنە كەلىپ, اۋە كەمەسىن بايقاۋدى ۇيىمداستىرادى, وسى قاعيدالاردىڭ 15-تارماعىندا كورسەتىلگەن قۇجاتتاردى تەكسەرۋدى, كەمەنى تەكسەرىپ-قاراۋدى, كەمە ەكيپاجى مۇشەلەرىنىڭ ءتۇسۋىن بايقاۋدى جۇزەگە اسىرادى, كەمە كومانديرى مەن ەكيپاجى مۇشەلەرىنە اۋىزشا سۇراۋ جۇرگىزەدى. 20. اۋە كەمەسى ەكيپاجى مۇشەلەرىنىڭ ءتۇسۋى, كەز كەلگەن جۇكتەر مەن تاۋارلاردى ءتۇسىرۋ (تيەۋ) شەكارا قىزمەتىنىڭ باقىلاۋى اياقتالعان سوڭ جۇزەگە اسىرىلادى. باقىلاۋ اياقتالعاننان كەيىن شەكارا قىزمەتىنىڭ لاۋازىمدى ادامى رۇقساتقا اۋە كەمەسىنىڭ ورنالاسۋ پۋنكتىنە كەلۋى تۋرالى بەلگىلەر قويادى, سونداي-اق ول تۋرالى ۇشۋ تاپسىرماسىنا (ۇشۋ پاراعىنا) جازبا جاسايدى.