ۇيىم ميسسياسىنان ورالدى

قازاقستان قارۋلى كۇشتەرىنىڭ وفيتسەرى پودپولكوۆنيك اسقار قوجاعاليەۆ باتىس ساحارادا (MINURSO) رەفەرەندۋم وتكىزۋ كەزىندە بەيبىتشىلىك پەن قاۋىپسىزدىكتى ساقتاۋ جونىندە ۇيىمداستىرىلعان بىرىككەن ۇلتتار ۇيىمىنىڭ ميسسياسىنان ورالدى, دەپ حابارلادى قورعانىس مينيسترلىگىنىڭ ءباسپاسوز قىزمەتى. قازاقستاندىق اسكەري قىزمەتشى تۋرا ءبىر جىل افريكا ەلىندە بولدى. سول ۋاقىت ىشىندە ول ەكى بازادا قىزمەت اتقاردى. سونىڭ بىرەۋىنە كوماندير بولىپ تاعايىندالدى. «بۇۇ-نىڭ ميسسياسىنا قاتىسا وتىرىپ, مەن قاجەتتى تاجىريبە جيناقتادىم جانە, ارينە, العان بىلىمىممەن بولىسۋگە دايىن­مىن. بۇدان بۇرىن باتىس ساحارا­داعى ميسسيالارعا قاتىسقان وفيتسەر­لەرىمىز وزدەرىن كاسىبي جانە ءتا­جىريبەلى ماماندار رەتىندە كورسەتە ءبىل­گەن بولاتىن», – دەيدى اسقار قوجاعاليەۆ. ميسسيادا اسكەري باقىلاۋشىلار بەل­گىلى ءبىر تاپسىرمالاردى اتقا­را­­دى. ياعني, ۋاقىتشا ءبىتىمنىڭ ساق­تا­­­لۋ­ىن قاداعالايدى, بولىنگەن جا­­ۋا­پ­كەرشىلىك ايماقتارىن پاترۋل­دەيدى. ءبىر ۋاقىتتا ءبىر بازادا بىردەن ءار مەملەكەتتىڭ اسكەري قىزمەتشىلەرى بولادى. اسقار قوجاعاليەۆتىڭ ايتۋىنشا, كىمنىڭ قاي ەلدەن كەلگەنىنە قاراماستان, ميسسياعا قاتىسۋشىلار ۇنەمى ءبىر-بىرلەرىنە دەمەۋ بولىپ, قولداۋ كورسەتۋگە جانە تاپسىرمالاردى جۇدىرىقتاي جۇمىلعان ۇجىم رە­تىندە ورىنداۋعا تىرىسادى. قازىرگى ۋاقىتتا باتىس ساحارا (MINURSO) جانە كوت-د يۆۋارداعى (UNOCI) بۇۇ-نىڭ ميسسيالارىنا اسكەري باقىلاۋشىلار رەتىندە قازاقستان قارۋلى كۇشتەرىنىڭ ءتورت وفيتسەرى قاتىسىپ جاتقانىن ايتا كەتكەن ءجون.