استانادا باس قوستى

2-3 قىركۇيەكتە استانادا قا­زاق ۇلتتىق مۋزىكا اكادەميا­سىن­دا ميكاەل تاريۆەرديەۆ اتىنداعى ورگانشىلاردىڭ ءVىى حالىق­ارا­لىق كونكۋرسىنىڭ ازيالىق اينا­لىمى وتەدى. وعان ەلىمىزدەن جەتى, كورەيا پەن جاپونيادان ءبىر-ءبىر ءۇمىت­كەردەن قاتىسسا, اتالمىش باي­­قاۋعا سىيلى قوناق رەتىندە بەلگىلى اكتريسا ناتاليا ارىنبا­سا­روۆا مەن ميكاەل تاريۆەرديەۆ مەيىرىمدىلىك قورىنىڭ پرەزيدەنتى, كونكۋرستىڭ ارت-ديرەكتورى ۆەرا تاريۆەرديەۆا شاقىرىلىپ وتىر. ال قازىلار القاسىنىڭ قۇرا­مىن­دا دجەيمس دەۆيد كريستي (اقش), وكۋبو ناومي ماتسۋي (جاپونيا), عابيت نەسىپباەۆ (قازاقستان), لادا لوبزينا (رەسەي) سىندى الەمگە تانىمال ورگانشىلار بار. ورگانشىلار كونكۋرسىنىڭ ازيا­لىق اينالىمى رەسپۋبليكادا العاش رەت وتكىزىلگەلى وتىر. سون­داي-اق, بۇل بايقاۋدىڭ كورنەكتى كومپوزيتور ميكاەل تاريۆەر­دي­ەۆ­تىڭ 80 جىلدىعىمەن سايكەس كەلەتىندىگىنە دە ەرەكشە ءمان بەرىلگەن. كەشە جوعارىدا اتالعان اكادەميا عيماراتىندا كونكۋرس جايىندا ءوت­كىزىلگەن ءباسپاسوز ءماسليحاتىندا ايگىلى ورگانشى دجەيمس دەۆيد كريستي ءوزىنىڭ بۇل بايقاۋعا ءتو­رە­لىك ەتەتىندىگىن قازاق ەلىنىڭ وزىنە دە­گەن قۇرمەتى دەي كەلە, كون­كۋرسقا قاتىسقالى وتىرعان تالانتتاردان مول ءۇمىت كۇتەتىندىگىن جەتكىزدى. كونكۋرس اياقتالعاننان كەيىن قا­زاق ۇلتتىق مۋزىكا اكادەميا­سى­نىڭ ورگان زالىندا «از ي يا» كونتسەرتى وتەدى. كونتسەرتتىڭ نەگىزگى ماقساتى – ەۋرازيالىق كەڭىستىك يدەيا­سىنىڭ ماڭىزدىلىعىن جەتكىزۋ بولسا, باعدارلامادا شىعىس تاقىرىپتارىنا بەت بۇرعان شى­عىس, رەسەي, ەۋروپا كومپوزيتور­لا­رىنىڭ تۋىندىلارى ورىن­دال­ماق. اتالعان شارادا ءسوز بەن مۋ­زىكا الماسىپ وتىرسا, ولجاس ءسۇ­لەي­مەنوۆتىڭ «از ي يا» كىتابى مەن شىڭعىس ايتماتوۆتىڭ «عا­سىر­­دان دا ۇزاق كۇن», «تەڭىز جا­عالاي جۇگىرگەن تارعىل توبەت, «قوش بول, گۇلسارى!», «اق كەمە», «كاسساندرا تاڭباسى» كىتاپ­تارىنان ءۇزىن­دىلەر مەن ولەڭدەردى رەسەي مەن قازاقستاننىڭ ەڭبەك سىڭىرگەن ءار­تى­سى ناتاليا ارىن­با­ساروۆا وقيدى. سونىمەن قاتار, ميكاەل تاريۆەرديەۆ اتىنداعى حالىقارالىق ور­گانشىلار كون­كۋرسى اياسىندا حيروكو ينوۋە (جا­پونيا), لادا لابزينا (رەسەي), ۆەنەرا سەيىتباتتالوۆا (قا­زاقستان) سىندى لاۋرەاتتار تىڭ­دار­ماندارىن ءوز ونەر­لە­رىمەن تام­سانتادى دەپ كۇتىلۋدە. ءابدىراحمان قىدىربەك. –––––––––––– سۋرەتتى تۇسىرگەن ورىنباي بالمۇرات.