سول جىگىتتەر قايدا ەكەن؟

بۇدان 40 جىل بۇرىن, 1971 جىلعى قىركۇيەكتە قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىنە وقۋعا ءتۇسىپ, 1976 جىلى جۋرناليست ماماندىعىن الىپ شىققاندار كۋرس­تاستارى ەرمەك ازىمباەۆتى, قانجاپپار قوزىبەكوۆتى جانە فارحاد ءابدىحايىموۆتى ىزدەيدى. ەرمەك العاشقى كۋرستاردا-اق ماقالالارى «لەنينشىل جاستا» جاريالانىپ, كوزگە تۇسكەن. وقۋ­­دى بىتىرگەن سوڭ جولدامامەن سەمەي وبلىسىنىڭ شار اۋدانىنا جىبەرىلگەن ەدى. اۋداندىق گازەتتە ورىن بولماي, ءبىر حابارلاس­قا­نىندا كينوفيكاتسيا بولىمىندە ءىس­تەپ جۇرگەنىن ايتقان بولاتىن. كەيىن جىگىتتەر سەمەي قالاسىنان كورگەن ەكەن. پوليگوننىڭ زار­دا­بىنان بولار, دەنساۋلىعى سىر بەرە باستاعانداي دا ەدى. قانجاپپار ەكىنشى كۋرستىڭ ءبى­رىنشى سەمەسترىندە بىرەر ۋاقىت كەلىپ ءجۇردى دە, وقۋدىڭ قيىن­دى­عىنان با, الدە وتباسى جاعدايى­نان با, كورىنبەي كەتتى. ءوزى جام­بىل وبلىسىنىڭ تالاس اۋدانى­نان كەلگەن ەدى. كەيىن جىگىتتەر الماتى قالاسىندا سىرتىنان كورىپتى. فارحاد ەكىنشى كۋرستان سوڭ سىرتتاي بولىمگە اۋىسىپ, وقۋىن بىتىرگەن. كەيىنىرەك وڭتۇستىك قا­زاقستان وبلىسىنىڭ ءبىر اۋدانى­نان كورىپ ەدىم. حابارلاسىپ, ماتەريال جازىپ تۇرامىن دەگەن. بىراق حابارلاسپادى. ەرمەك ازىمباەۆتى, قانجاپ­پار قوزىبەكوۆتى, فارحاد ءابدى­حايى­موۆتى كورگەن-بىلگەندەر, ءبىر دەرەگىن بىلەتىندەر مىنا قالتا­فون نومىرىنە حابارلاسسا ەكەن: 8-7015118628. ەرجۇمان سمايىل, قازاقستاننىڭ ەڭبەك سىڭىرگەن قايراتكەرى.