جەلبىرە, كوك بايراق!

وبلىس جۇرتشىلىعى كونستيتۋتسيا كۇنى مەرەكەسىن جوعارى دەڭگەيدە اتاپ ءوتتى ەلىمىزدىڭ اتا زاڭى قابىلدانعان كۇندى سالتاناتپەن اتاپ ءوتۋ رەسپۋبليكا حالقىنىڭ بورىشى. ءوزىن شىن قا­زاقستاندىق, ەلىنىڭ ۇلتجاندى ۇل-قى­زى­مىن دەپ ەسەپتەيتىن ءاربىر ازاماتقا مىندەت سانالاتىن اتالمىش مەرەكەنى پاۆلودار وبلىسىنىڭ تۇرعىندارى ابىرويمەن اتقاردى. نەگىزگى شارالار وبلىس ورتالىعىندا ۇيىمداستى­رىل­دى. بۇل كۇنى ورىن العان ايتۋلى وقيعانىڭ ءبىرى – پاۆلودار قالاسىنىڭ ورتالىق كوشەلەرىنىڭ بىرىندە وتكەن  مەملەكەتتىك تۋدى كوتەرۋ ءراسىمى. بارشا الەمگە بەيبىتشىلىگى بەكەم, قازاقستان رەسپۋبليكاسى دەپ اتالاتىن جاڭا, تاۋەلسىز مەملەكەت بەينەسىن پاش ەتىپ كەلە جاتقان كوگىلدىر تۇستەس تۋى­مىز ەندى پاۆلودار قالاسىنىڭ قاق ورتاسىندا جەلبىرەپ تۇر. وسىلايشا, كونستيتۋتسيا كۇنى مەرەكەسى پاۆلو­دار­لىقتار ءۇشىن اسەرلى شارامەن باس­تالدى. لەرمونتوۆ كوشەسى بويىنداعى ساياباقتا مەملەكەتتىك تۋدى كوتەرۋگە ارنالعان سالتاناتتى شارا ءوتتى. ءانۇ­را­نىمىزدىڭ اسقاق ۇنىمەن بيىكتىگى 40, ال ەنى 10ح20 مەتر بولاتىن كوك بايراق كوتەرىلدى. «تۋعان جەرگە تۋىڭدى تىك» دەيدى دانا حالقىمىز. ولاي بولسا, كىندىك قانىمىز تامعان ۇلان-عايىر جەرگە الىپ تۋ تىگۋ – ءبىز ءۇشىن اسقان ابىروي, زور مارتەبە. تۋ­دىڭ كەڭدىگى – ەلىمىزدىڭ دارقاندىعى. ءبىز ۇلتتىق ءرا­مىزدەردى قۇرمەتتەي وتى­رىپ, جاس ۇر­پاقتىڭ بويىنا ۇلتجان­دى­لىقتى ءسىڭى­رە الامىز. باس بايرا­عىمىز بەيبىت اس­پانىمىزدا جەلبىرەي بەرسىن. قازاق­ستاننىڭ مەرەيى ۇستەم, ەلىمىزدىڭ ەڭسە­سى بيىك, تۋىمىزدىڭ تۇعىرى بەرىك بول­عاي. كونستيتۋتسيا كۇنى قۇتتى بول­سىن!», – دەدى وبلىس اكىمى باقىتجان ساعىنتاەۆ. ەل تىرەگى – ەلجاندى ۇرپاق. ال مەملەكەتتىك رامىزدەرگە دەگەن قۇر­مەت – وتانشىلدىق سەزىمنىڭ اسا ءبىر جار­قىن كورىنىستەرىنىڭ ءبىرى. سون­دىق­تان بولار, شاراعا جاستار قاۋىمى كوپ­تەپ تارتىلدى. سونداي-اق, سالتا­نات­تى راسىمگە ۇلى وتان سوعىسىنىڭ ارداگەرلەرى, تىل ەڭبەككەرلەرى, مەملەكەتتىك مەكەمە باسشىلارى مەن قالا تۇرعىندارى كوپتەپ جينالدى. «كوك تۋىمىز جەلبىرەپ تۇرعان بۇل ساياباق قالامىزداعى ەڭ ءبىر كوركەم, قاسيەتتى ورىنداردىڭ بىرىنە اينالاتىندىعىنا سەنىمدىمىن. بۇل اسىرەسە جاستار قا­ۋىمى ءۇشىن, ولاردى ۇلتجاندىلىققا, ەڭبەكقورلىققا تاربيەلەۋدە اسا ماڭىزدى. ەلوردامىز استانانىڭ ءتو­رىندە جەلبىرەپ تۇرعان بايراعىمىزدى كورگەندە «شىركىن, ءبىزدىڭ دە قالادا اسپانمەن تالاسقان وسىنداي الىپ تۋ ورناتىلسا عوي» دەپ ويلاعان ەدىم. بۇگىن وسى ءبىر ارمانىمىزعا قول جەتىپ وتىر!», – دەپ اتاپ ءوتتى قالالىق ارداگەرلەر كەڭەسىنىڭ مۇشەسى سوۆەت ءامىرحانوۆ. تۋدى سالتاناتتى جاعدايدا كوتەرۋ قۇرمەتى ۇلى وتان سوعىسىنىڭ ارداگەرى, پاۆلودار وبلىسى جانە پاۆلودار قالاسىنىڭ قۇرمەتتى ازاماتى قابدەش نۇركين اتامىز بەن وبلىس اكىمى با­قىت­جان ساعىنتاەۆ جانە وبلىستىق ءماس­ليحات حاتشىسى رينات گافۋروۆكە بۇيىردى. بۇل ەل تاۋەلسىزدىگىنىڭ 20 جىل­دىعىنا ارنالعان مەرەكەلىك ش­ا­را­­لاردىڭ رەسمي باستاۋى دەسە دە بولادى. بۇدان كەيىن جۇرتشىلىق قالانىڭ ورتالىق الاڭىنا جينالدى. سالتا­ناتتى شارا جيىرما مىڭعا جۋىق ادام قاتىسقان مەرەكەلىك شەرۋمەن باس­تالىپ, ونىڭ سوڭى حالىقتىق توي-دۋمانعا ۇلاستى. سونداي-اق پاۆلو­دار­لىقتار ەلوردامىز استانا قالا­سىن­دا ەلباسى نۇرسۇلتان نازارباەۆتىڭ قا­تىسۋىمەن وتكەن سالتاناتتى شەرۋدى تىكەلەي ەفير ارقىلى تاماشالادى. كەش­كە دەيىن سوزىلعان مەرەكەلەۋ جەرگىلىكتى ونەرپازدار مەن قازاقستاندىق ەسترادا جۇلدىزدارىنىڭ كونتسەرتىمەن, وتشاشۋمەن اياقتالدى. دانيار ءجۇمادىلوۆ.