ەكىجاقتى ارىپتەستىك بايلانىس

الماتى وبلىسى اكىمىنىڭ ورىنباسارى تى­نىش­­باي دوسىمبەكوۆ باستاعان دەلەگاتسيا سول­تۇستىك قازاقستان وبلىسىندا بو­لىپ, وڭىرلىك  قا­رىم-قاتىناستى ودان ءارى بايان­دى ەتۋ­دىڭ ناقتى جولدارىن قاراستىردى. قۇرامى­نا ءتۇرلى قۇرى­لىم, بيزنەس وكىلدەرى ەنگەن توپتى ايماق باسشى­سى سەرىك ءبىلالوۆ قابىلداپ, بۇگىندە قىزۋ ءورىس العان ەگىن وراعىنىڭ بارىسىمەن تا­نىس­تىردى. كۇردەلى اۋا رايى جاعدايىنا قارا­ماستان بىتىك ەگىندى جيناۋعا بارلىق كۇش-جىگەر جۇمىلدى­رى­لىپ وتىر, وزىق تەحنولوگيالار كەڭى­نەن قولدا­نىلۋدا. جەتىسۋلىق دەلەگاتسيا جەتەكشىسى ءوز كەزەگىندە  ەكى­جاققا دا پايدالى ىسكەرلىك قارىم-قاتى­ناستىڭ 2008 جىلدان ورناعانىن, وسى ساپاردا استىقتى  ايماق­تان 100 مىڭ توننا بيداي ساتىپ الۋعا مۇددەلىلىك تانىتىپ وتىرعان­دارىن ايتا كەلىپ, كۇرىش, وسىمدىك مايى, سارىمساق ءونىم­دەرىمەن, اككۋمۋلياتور باتارەيا­لارى, قۇرىلىس ماتە­ريالدارى  سەكىلدى ونەركاسىپ تاۋارلارىمەن قام­تاماسىز ەتە الاتىن­دا­رىن جەتكىزدى. باسەكەگە قابى­لەتتى ونەركاسىپ جانە اۋىل شارۋاشىلىعى ونىمدەرىن كوپتەپ ءوندىرۋ, باعا­نىڭ قولجەتىمدىلىگىن قامتاماسىز ەتۋ ماسە­لەلەرىن قامتيتىن مەموران­دۋمعا قول قويىلدى. س. مۇقانوۆ اتىنداعى  عى­لىمي-امبەباپ كىتاپحانادا قوس ءوڭىردىڭ  كاسىپكەر­لەرى كەزدەسىپ, وتان­دىق تاۋارلار ۇلەسىن ارت­تىرۋ, نارىق قيىن­دىقتارىن بىرلەسە يگەرۋ ماسەلە­لەرىنە قاتىستى پىكىرلەر الىس­تى. جەرگىلىكتى جەرلەردە جۇمىس ىستەيتىن كاسىپ­ورىنداردىڭ ەڭبەك ىرعاعى­مەن تانىستى. ءومىر ەسقالي. سولتۇستىك قازاقستان وبلىسى.