ءوز كەزەگىندە قر پرەمەر-ءمينيسترى باقىتجان ساعىنتاەۆ بوساڭسىماي, قول جەتكىزىلگەن جەتىستىكتى ارى قاراي ورىستەتۋدى تاپسىردى.
«قورىتىندىداعى مالىمەتتەر جالپى جامان ەمەس, بىراق ءتورت ايدا بولعان جەتىستىكتەر ءبىزدى بوساڭسىتپاۋى كەرەك. قازىر ۇلتتىق ەكونوميكا مينيسترى بازا سونشالىقتى كوپ بولماعانىن دا ايتتى, بىراق نەگىزگى جۇمىس ەكىنشى جارتىجىلدىقتا بولادى. سوندىقتان بارلىعىمىزعا ورتالىق جانە جەرگىلىكتى اتقارۋشى ورگاندارعا مەملەكەت باسشىسى قويعان مىندەتتەردى جۇزەگە اسىرۋدى جالعاستىرۋ قاجەت. وسى ورايدا, قر ينۆەستيتسيالار جانە دامۋ مينيسترلىگىنە وڭدەۋشى ونەركاسىپتەگى قالىس قالىپ كەلە جاتقان سالالارداعى جاعدايدى تۇزەتۋگە كوڭىل اۋدارۋى ءتيىس», دەدى ۇكىمەت باسشىسى.
تيمۋر سۇلەيمەنوۆتىڭ پىكىرى بويىنشا, اتالمىش كورسەتكىشتەر جىل بويىنا ساقتالمايدى. سەبەبى, 2016 جىلدىڭ العاشقى 5 ايىندا ءجىو ءاردايىم قۇلدىراپ كەلدى جانە 0,2%-كە دەيىن جەتكەن بولاتىن.
«سوندىقتان العاشقى جارتىجىلدىقتا بۇل ەففەكت تولىقتاي سارقىلادى جانە جىلدىڭ 2,5 پايىزدىق وسىمگە قول جەتكىزۋ ءۇشىن ءوسىمنىڭ جاڭا قورلارىن ىزدەستىرۋىمىز كەرەك بولادى», دەپ قورىتىندىلادى ت. سۇلەيمەنوۆ.
