وڭتۇستىكتەن 150 مىڭ وڭتۇستىكقازاقستاندىق كورەرمەن رەتىندە بارادى. ولاردىڭ 3750-ءى − مەكتەپ وقۋشىلارى. سونداي-اق, 139 مۇمكىندىگى شەكتەۋلى جانە زەينەتكەرلىك جاسىنداعى ازاماتتاردى اپارۋ جوسپارلانىپ وتىر.
وبلىستىق كاسىپكەرلىك, يندۋستريالىق-يننوۆاتسيالىق دامۋ جانە تۋريزم باسقارماسىنىڭ ءبولىم باسشىسى پەريزات قونىسباەۆانىڭ ايتۋىنشا, باراتىن ازاماتتاردىڭ سانى بەلگىلى. ولاردى تاسىمالداۋ جاعى قاراستىرىلعان. ازىرگە استانا قالاسىنداعى جوعارى وقۋ ورىندارىنىڭ جاتاقحانالارىنان الدىن الا تاپسىرىسپەن ورىن الىنعان ەكەن.
ءبولىم باسشىسى كورمەگە باراتىنداردىڭ 15 پايىزى ۇشاقپەن, 110 مىڭ 200 ازامات پويىزبەن جەتەدى. ولاردىڭ بيلەتتەرى الدىن الا بروندالىپ قويعان دەگەن دەرەكتى ايتتى.
وبلىستىق جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى ماقسات مىرزاباەۆ:
− كورمەگە بارامىن دەگەن ازاماتتارعا الدىن الا پويىز, ۇشاققا بيلەتتەردى ساتۋدى باستادىق. 16750 ورىندى دايىنداپ وتىرمىز, – دەدى.
وبلىستىق اۋىل شارۋاشىلىعى باسقارماسى باسشىسىنىڭ ورىنباسارى اسقار قانىبەكوۆتىڭ ايتۋىنشا, كورمەگە وڭتۇستىكتەن 12 976 توننا اۋىلشارۋاشىلىق ونىمدەرى جونەلتىلەدى. استانا قالاسى مەن اقمولا وبلىسىنىڭ باۋ-باقشا ونىمدەرىنە دەگەن قاجەتتىلىگىن ەسكەرە وتىرىپ, 37 ءىرى جانە ورتا اۋىل شارۋاشىلىعى تاۋار وندىرۋشىلەرى ءوز كەرۋەنىن اتتاندىرماق.
ازىق-ت ۇلىك تاۋارلارى 25 جۇك جانە مۇزداتقىشى بار ارنايى كولىكتەرمەن تاسىمالدانادى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
