قازاقستاندىق دەلەگاتسياعا قورعانىس جانە اەروعارىش ونەركاسىبى ۆيتسە-ءمينيسترى ارمان رامازانوۆ باسشىلىق جاسادى. كورمە ىستانبۇل قالاسىندا (تۇركيا) ۇيىمداستىرىلدى.
اتالعان ءىس-شارانىڭ ۇيىمداستىرۋشىلارى قازاقستان رەسپۋبليكاسىنىڭ قورعانىس مينيسترلىگى مەن تۇرىك رەسپۋبليكاسىنىڭ قارۋلى كۇشتەر قورى بولدى.
ال كورمە ەۋرازيا وڭىرىندەگى ەڭ ىرىلەرىنىڭ ءبىرى جانە قاتىسۋشى مەملەكەتتەر مەن حالىقارالىق كومپانيالار سانى بويىنشا العاشقى بەستىككە كىرەدى.
كورمە بارىسىندا قازاقستاندىق دەلەگاتسيا ءىرى تۇركيا كومپانيالارىنىڭ باسشىلارىمەن بىرقاتار كەزدەسۋلەر وتكىزدى, ولاردىڭ شەڭبەرىندە كەمە قۇراستىرۋ, اۆياتسيالىق تەحنيكانى جوندەۋ جانە جاڭالاۋ, زىمىراندار مەن باسقا وق-دارىلەردى شىعارۋ مەن جاڭالاۋ, سونداي-اق بايلانىس جۇيەسى ءۇشىن بىرلەسكەن ەلەكترونيكانى ءوندىرۋ سالاسىنداعى جوبالاردى ىلگەرىلەتۋ بويىنشا ودان ءارى جۇمىس ءتارتىبى بەلگىلەندى.
سونىمەن قاتار, «قازاقستان ينجينيرينگ» ۇك» اق پەن «اسەلسان» كومپانيالارى اراسىندا جەتكىزۋ جانە ءوندىرۋ سالاسىنداعى مەموراندۋمعا قول قويىلدى.
