وڭتۇستىك قازاقستان وبلىسى سارىاعاش اۋدانىندا 26189 شاعىن جانە ورتا كاسىپكەرلىك جۇمىس ىستەپ كەلەدى.
ولاردىڭ ىشىندە 1518-ءى زاڭدى تۇلعالار بولسا, 10556-سى شارۋا قوجالىقتار, ال 14115-ءى جەكە كاسىپكەر. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە سارىاعاش اۋدانىنىڭ اكىمى قايرات ابدۋاليەۆ باياندادى.
اكىم ايتقانداي, شاعىن جانە ورتا كاسىپكەرلىكتە 45853 ادام جۇمىسپەن قامتىلعان. ولاردىڭ وندىرگەن ءونىم كولەمى 12514,3 ملن تەڭگەنى قۇراپ, 546,1 ملن تەڭگە كولەمىندە بيۋدجەتكە قوسىمشا سالىق تۇسىرگەن.
«وسى شاعىن كاسىپكەرلىكتى قولداۋ ماقساتىندا قارجى ۇيىمدارى ارقىلى 3292 تۇلعاعا 2010,9 ملن تەڭگە كولەمىندە نەسيە بەرىلدى. ولاردىڭ باسىم بولىگى اۋىل شارۋاشىلىعى سالاسىنا باعىتتالعان. ياعني, مال بورداقىلاۋ, مال باسىن كوبەيتۋ, جىلىجاي, ەگىن شارۋاشىلىعى جانە ساۋدا نۇكتەلەرىنىڭ اينالىمىن ارتتىرۋعا نەسيە بەرىلگەن», دەدى اۋدان اكىمى.
سونداي-اق, 2017 جىلى «يندۋستريالدى يننوۆاتسيالىق دامۋ» باعدارلاماسى شەڭبەرىندە يندۋستريالاندىرۋ كارتاسىنا جالپى قۇنى 560 ملن تەڭگەنى قۇرايتىن 3 ينۆەستيتسيالىق جوبا ۇسىنىلىپ وتىر.
باقتيار تايجان,
«ەگەمەن قازاقستان»
