جىل باسىندا ىسكە قوسىلعان جىلىجايدىڭ كولەمى 0,35 گەكتار. ەرعالي جولداسبەكوۆتىڭ يەلىگىندەگى كورەيالىق قۇرىلعىمەن جابدىقتالعان جىلىجايدىڭ قارجىلىق قۇنى 70 ملن تەڭگە. بۇگىندە مۇندا ەگىلگەن قياردان 36 توننا ءونىم جينالىپ وتىر. نەگىزگى قۋاتتىلىققا جەتكەن كەزدە بۇل جىلىجايدان گەكتارىنا 150 توننا ءونىم الۋعا بولادى.
بۇگىندە تۇركىستان قالاسىندا جىلىجايلاردىڭ جالپى كولەمى 50,6 گەكتاردى قۇرايدى. ونىڭ ىشىندە ونەركاسىپتىك جىلىجايلار – 10,5 گەكتار. 2016 جىلى جىلىجايلاردان كوكتەمگى جانە كۇزگى اۋىسىمدا ورتا ەسەپپەن 1040 توننا قىزاناق, 1130 توننا قيار, 90 توننا باسقا دا كوكونىستەر, 200 مىڭ دانا گۇل, بارلىعى 2260 توننا كوكونىس وندىرىلگەن. قازىرگى تاڭدا جەرگىلىكتى جەردەگى جىلىجايلاردا وندىرىلگەن قىزاناقپەن قالا تۇرعىندارى 45, قيارمەن 67 پايىزعا قامتاماسىز ەتىلۋدە.
باقتيار تايجان,
«ەگەمەن قازاقستان»
