ايتا كەتەيىك, جاقىندا عانا رۋمىنيانىڭ ياسسى قالاسىندا شاحماتتان وقۋشىلار اراسىندا وتكەن الەم چەمپيوناتىنا الەمنىڭ 45 ەلىنەن 570 سپورتشى قاتىستى, قازاقستان قۇراما كومانداسىنان 33 سپورتشى باق سىنادى. 9 تۋردان 8,5 ۇپاي جيناعان اسەل سەرىكباي الەم چەمپيونى اتاندى. ال نازەركە نۇرعالي 7,5 ۇپاي جيناپ, كۇمىس جۇلدەنى يەلەندى.
«شاحمات ويىنى جوعارى ينتەللەكتۋالدىق سپورت ءتۇرى. شاحمات – ادامنىڭ اقىل-ويىنىڭ دامۋىنا ىقپال ەتەتىن ءبىلىم. شاحمات ويىنى بالالارعا تەك قۋانىش سىيلايتىن ويىن عانا ەمەس, ويلاۋدى دامىتۋدىڭ ءتيىمدى قۇرالى. اسەل, نازەركە, مىنە وسىنداي ينتەللەكتۋالدى دوداداعى سىزدەردىڭ جەڭىستەرىڭىز مىڭداعان جاستىڭ شاحماتقا دەگەن قۇلشىنىسىن ارتتىرا تۇسكەنىنە سەنىمدىمىن. ەگەر ءاربىر جاس وسىلاي ءوز ماقساتىنا ۇمتىلاتىن بولسا, وندا قازاقستان مىندەتتى تۇردە الدىڭعى قاتارلى ەلگە اينالادى. الداعى ۋاقىتتاردا ۋرۋگۆايدا جاسوسپىرىمدەر اراسىندا, يتاليادا جاستار اراسىندا وتەتىن الەم چەمپيوناتتارىندا جانە اسەل ءۇندىستاندا بولاتىن جاسوسپىرىمدەر وليمپياداسىندا ەل نامىسىن قولدان بەرمەي, ابىرويىمىزدى تاعى دا اسقاقتاتادى دەپ سەنەمىز», دەدى وبلىس اكىمى.
اسەل سەرىكباي, نازەركە نۇرعالي جانە ولاردىڭ باپكەرى ۆاسيلي شيمەلكوۆ ايماق باسشىسىنا جانە بارلىق جانكۇيەرلەرىنە العىستارىن ءبىلدىردى.
وبلىس اكىمى اسەل سەرىكبايعا 500 مىڭ تەڭگەنىڭ, نازەركە نۇرعاليعا 300 مىڭ تەڭگەنىڭ, ال جاتتىقتىرۋشىسىنا 200 مىڭ تەڭگەنىڭ سەرتيفيكاتتارىن تابىس ەتتى.
