ءوزارا سەرىكتەستىكتىڭ كەلەشەگى زور

ەرلان ىدىرىسوۆ قازاقستاننىڭ حالىق­ارا­لىق تەڭىز ۇيىمىمەن ىنتىماقتاستىقتى دا­مىتۋعا زور ءمان بەرەتىندىگىن اتاپ ءوتتى. ەلشى كاس­پي تەڭىزىنىڭ قۇقىقتىق مارتەبەسى بويىنشا جۇرگىزىلىپ جاتقان كەلىسسوزدەر, قازاقستان پورت­تارىنىڭ دامۋ پەرسپەكتيۆالارى جانە كا­سپي ماڭى مەملەكەتتەرىنىڭ ءتۇرلى سالاداعى قارىم-قاتىناستارى جونىندە ءسوز قوزعادى.
سونىمەن بىرگە, ە.ىدىرىسوۆ حتۇ باس حات­شىسىن قازاقستاننىڭ ەكونوميكالىق دا­مۋى­مەن جانە ونىڭ ايماقتىق رولىمەن تانىس­تىرىپ, ەل ۇكىمەتىنىڭ ۇلتتىق ستاندارتتاردى حا­لىقارالىق تالاپتارعا سايكەستەندىرۋ بوي­ىن­شا ماقساتتى جۇمىس جۇرگىزىپ جات­قان­دىعىن ايتىپ, وعان ەلىمىزدىڭ 2017 جىلعى اق­پاندا حتۇ-نىڭ مىندەتتى اۋديتىنەن ءساتتى وتۋ­ىنە جاردەم كورسەتكەنى ءۇشىن العىسىن ءبىلدىردى.
ءوز كەزەگىندە, كيتاك ليم قازاقستاننىڭ حا­لىق­ارالىق تەڭىز ۇيىمىمەن ىنتى­ماق­تاس­تىق­تى دامىتۋعا دەگەن ۇمتىلىسىن جوعارى با­ع­ا­لاپ, حتۇ-نىڭ قازاقستان تاراپىنا قا­جەت­تى قول­داۋ كورسەتۋگە تىرىساتىندىعىن اتاپ ءوتتى. ول, سونداي-اق, حتۇ-نىڭ قازاق­ستان­­­­عا جانە كاسپي ءوڭىرىنىڭ باسقا دا مەم­لە­­كەتتەرىنە ءوزىنىڭ مانداتى اياسىندا تەح­ني­كالىق جاردەم كورسەتۋگە دايىن ەكەن­دى­گىن ما­لىمدەدى.
كەزدەسۋ سوڭىندا ە.ىدىرىسوۆ قازاقستان دە­لە­­گاتسيالارىنىڭ حتۇ-نىڭ باسشىلىق جا­نە مامانداندىرىلعان ورگاندارىنىڭ جۇ­مىس­­تارىنا, اتاپ ايتقاندا, وسى جىلعى ق­ا­را­شا-جەلتوقسان ايلارىندا وتەتىن حتۇ-نىڭ ححح اسسامبلەياسىنا بەلسەندى قاتىسۋىنىڭ ما­ڭى­زدىلىعىنا توقتالدى.
ايتا كەتەيىك, حالىقارالىق تەڭىز ۇي­ى­مى – حالىقارالىق ساۋدا كەمەلەرى قا­تى­ناس­ىن­دا تەحنيكالىق ماسەلەلەر بويىنشا ىن­تى­ماق­تاس­تىق جانە اقپارات الماسۋ جونىن­دە­گى بۇۇ-نىڭ مامانداندىرىلعان مەكەمەسى بولىپ تا­بى­لاتىن حالىقارالىق ۇكىمەتارالىق ۇيىم. ءبىز­دىڭ ەلىمىز حالىقارالىق تەڭىز ۇيىمىنا 1994 جىلدان بەرى مۇشە.