اقپاراتتىق تەحنولوگيالار الەۋەتى قانداي؟

ورتالىق ازياداعى اسا ءىرى «Di­gital Communications Kazak­h­stan-2011» كورمە-كونفەرەنتسياسى ۇستىمىزدەگى جىلدىڭ 14-16 قىر­كۇيەگىندە استاناداعى تاۋەلسىز­دىك سارايىندا وتەتىن بولادى. بۇل تۋرالى ۇيىمداستىرۋشىلار سارسەنبى كۇنى وتكەن ءباسپاسوز ءماسليحاتىندا حابارلادى. بۇگىندە اقپاراتتىق-ساندىق تەح­نولوگيالار قارقىندى دامۋ ۇستىندە. الەمدىك دەڭگەيدەگى جەتىستىكتەردى ءسوز ەتپەگەن كۇننىڭ وزىندە, ەلىمىزدەگى ساندىق جۇيە­نىڭ دامۋى مەن قولدانىس اياسى كۇننەن-كۇنگە جەتىلە تۇسۋدە. ۇيىمداستىرۋشىلار استانادا وتەتىن كورمە اقپاراتتىق-كوم­مۋنيكاتسيالىق تەحنولوگيالار سالاسى دامۋىنىڭ الەمدىك ترەندتەرىنە جاۋاپ بەرە الادى دەگەن ءپى­كىر بىلدىرەدى. دەمەك, قازاق­ستان­نىڭ بۇگىنگى ساندىق تەحنو­لو­گياسى اقپارات جۇيەسى دامىعان كەز كەلگەن الپاۋىت ەلدەرمەن ءبا­سە­كەگە تۇسە الادى دەپ وي تۇجى­رىم­داۋعا بولادى. استانادا وتكىزىلەتىن «Digital Communications Kazakh­stan- 2011» كورمە-كونفەرەنتسياسىنا قا­زاقستان, رەسەي, قىتاي جانە ەۋروپا ەلدەرىنەن كەلەتىن 400 دەلەگات پەن 65 بايانداماشىلار 3 كۇن بويى ۇيالى بايلانىس, تەلەكوممۋنيكاتسيا, ساندىق تەلەارنا, كەڭ جولاقتى ينتەرنەت, اقپا­رات­تىق تەحنولوگيالار, ەلەكتروندى ۇكىمەت, ەلەكتروندى ساۋدا, ينتەراكتيۆتى جارناما جانە الەۋ­مەت­تىك مەديا سالاسىنداعى وزەكتى تا­قىرىپتار جايلى كەڭىنەن اڭگىمە قوزعاماق. ۇيىمداس­تىرۋشى­لار­دىڭ ايتۋىنشا, كونفەرەنتسياعا قاتىسۋشىلار اراسىندا اكت يندۋسترياسىنىڭ كوشباسشىلارى – «ءىاۆ Europe» كومپانياسىنىڭ پرەزيدەنتى جانە باس ديرەكتورى الان ورو, «HP» يننوۆاتسيالىق ورتالىعىنىڭ ديرەكتورى پول دجەرەماەس, «TIMWE» كومپانيا­سىنىڭ نەگىزىن سالۋشى ريكاردو كارۆالو, «Huawei technologies» كومپانياسىنىڭ ورتالىق ازيا جانە كاۆكاز ەلدەرى بويىنشا پرە­زيدەنتى تان كيبين, رەسەيدەگى «Google» كومپانياسىنىڭ اتقا­رۋ­شى ديرەكتورى ۆلاديمير دولگوۆ, «SAP» كومپانياسىنىڭ ۆيتسە-پرەزيدەنتى ستيۆ تسيكاكيس, رەسەيدەگى «نتس» كومپانياسىنىڭ ايماقتىق ديرەكتورى اندرەي كور­ميلتسەۆ, Mail.Ru Group ۆيتسە-پرەزيدەنتى الەكسەي كاتكوۆ, «كار-تەل» Beeline كومپانيا­سى­نىڭ باس ديرەكتورى الەكسەي بليۋ­­مين, «قازاقتەلەكوم» اق-تىڭ باس­قارما توراعاسى قۋانىش­بەك ەسەكەەۆ پەن «قازنەتتىڭ» ايگىلى جوبا وكىلدەرى قاتىسادى. بايلانىس جانە اقپارات مي­نيس­ترلىگىنىڭ تىكەلەي قولداۋىمەن وتكىزىلەتىن اتالمىش شارانىڭ سوڭ­عى كۇنىندە «قازنەتتىڭ» بولا­شا­عى, ينتەرنەتتە اۆتورلىق قۇ­قىق­تى ساقتاۋ جايلى پىكىر­ساي­ىس­تار ۇيىمداستىرىلماق. كورمە-كونفەرەنتسيانىڭ ۇي­ىم­داستىرىلۋ ماقساتىنا ار­نايى توقتالعان بايلانىس جانە اقپا­رات مينيسترلىگى اقپاراتتىق تەحنولوگيالار سالاسىنداعى مەم­لەكەتتىك ساياسات دەپار­تامەن­تىنىڭ ديرەكتورى قۇرالاي ەلەۋسىزوۆا بۇل ءىس-شارانىڭ ەلىمىزدە IT تەح­نو­لوگيانى دامىتۋ جانە اق­پارات­تىق تەحنولوگيالار سالاسى­نىڭ الەۋەتىن ارتتىرۋ جولىن­دا­عى ەڭ ءتيىمدى قادام ەكەندىگىن تىلگە تيەك ەتتى. سونىمەن قاتار كور­مە ايا­سىندا تۇڭعىش رەت قازاق­ستان­نىڭ ءىت-مەنەدجەرلەرى قاۋىم­داس­تىعىن قۇرۋ جونىندە وتىرىس وتكىزى­لەتىنىن دە اتاپ ءوتتى. اراي ۇيرەنىشبەكقىزى.