فۋتبول
ەلىمىزدە مەملەكەت پەن جەكە كاسىپكەرلىكتىڭ ارىپتەستىگى اياسىندا تۇڭعىش رەت وتەتىن سپورت فورۋمىنىڭ قارساڭىندا اتلانت مۇحيتىنىڭ ار جاعىنان قۋانىشتى حابار كەلىپ جەتتى.
وسىدان ءۇش جىل بۇرىن برازيلياعا فۋتبول ويناپ, شەبەرلىگىن شىڭداۋعا اتتانعان بالالاردىڭ ىشىندەگى راۋان ساريەۆ دەگەن وتانداسىمىز جاقىندا بەلۋ-وريزونتي قالاسىنىڭ «اتلەتيكو مينەيرو» كلۋبىمەن 3 جىلدىق كەلىسىم-شارتقا قول قويدى.
ر.ساريەۆ – قازاقستاننان برازيليانىڭ «ولە برازيل كلاب» اكادەمياسىندا وقىپ, جاتتىعۋ ءۇشىن بارعان 26 بالانىڭ ءبىرى. وسى كەزگە دەيىن ول «ولە برازيل» كومانداسىنىڭ ساپىندا سان-پاۋلۋ شتاتىنىڭ پاۋليستا ليگاسىندا ويناعان. ەندى جاڭا كوماندامەن كەلىسىم-شارتقا وتىرعاننان كەيىن ساريەۆ وسى ەلدىڭ ا سەرياسىندا ونەر كورسەتەتىن بولادى.
وتانداسىمىزدىڭ جاڭا كلۋبى 1908 جىلى قۇرىلعان برازيليانىڭ ەجەلگى كوماندالارىنىڭ ءبىرى. ونىڭ ساپىندا كەزىندە ۇلتتىق قۇرامانىڭ نەگىزگى قاقپاشىسى بولعان كلاۋديو تاففارەل, اندەرسون پولگا, جيلبەرتو سيلۆا, امانتينو مانچيني, جۋليانو بەلەتتي, سيسينو مەن باسقا دا اياقدوپ شەبەرلەرى ونەر كورسەتكەن. قازىر كوماندا ا سەرياسىندا 13 ورىندا تۇر. كوماندا ماتچتارىن بەلۋ-ءوريزونتيدىڭ 80 000 ادام سىياتىن «مينەيرو» ستاديونىندا وتكىزەدى. كلۋبتىڭ قازىرگى پرەزيدەنتى الەشاندرە كاليل, ال باپكەرى كۋكا دەگەن ازامات.
راۋاننىڭ ءوزى 1994 جىلى الماتى وبلىسى, ەسكەلدى اۋدانى, قارابۇلاق اۋىلىندا تۋعان. تۇڭعىش جاتتىقتىرۋشىسى احمەت بارزۋكاەۆ دەگەن كىسى. برازيلياعا بارعاندا ول 1993 جىلى تۋعان جەرگىلىكتى بالالاردان جاساقتالعان «ولە برازيل» كومانداسىندا نەگىزگى قۇرامدا 3 جىل ويناپ, 30-داي گول سوعىپ ءۇلگەرگەن. ونىڭ ايتۋىنشا, برازيلياعا بارعان 26 بالانىڭ التاۋىنان باسقاسى وزدەرىن جاسىل الاڭدا جاقسى قىرىنان كورسەتۋ ءۇشىن بارىن سالىپ ويناپ ءجۇر. سولاردىڭ اراسىندا مۇحتار قالىمبەتوۆ, بەرىك شايحوۆ سياقتى بالالار بار. ال التاۋى تارتىپكە شىداي الماي, وسى جەرگە كەلگەن جىلى-اق ەلگە قايتارىلعان ەدى.
حوككەي
«بارىسقا» باس بارماقپەن باعا
استانادا شايبالى حوككەيدەن قازاقستان رەسپۋبليكاسى پرەزيدەنتىنىڭ كۋبوگى جولىنداعى حالىقارالىق تۋرنير مارەسىنە جەتتى.
9 تامىز كۇنى باستالىپ, 4 كۇن بويى «قازاقستان» سپورت سارايىندا وتكەن تۋرنيردە جەرگىلىكتى «بارىس» رەسەيدىڭ «يۋگرا», «امۋر», وسكەمەننىڭ «قازتسينك-تورپەدو» كوماندالارىن ارتقا قالدىرىپ, باس جۇلدەگە يە بولدى.
اتالعان سىندا «بارىس» ءبىر-اق رەت جەڭىلدى. ءتۋرنيردىڭ ەكىنشى كۇنى ولار حاباروۆسكىنىڭ «امۋر» كلۋبىنان ۇتىلعان بولاتىن. سودان كەيىن رەسەيلىكتەردىڭ وسكەمەن كومانداسىن قالپاقپەن ۇرىپ الامىز دەگەن ءۇمىتى جەلگە ۇشتى. بۇل ويىندا قيىر شىعىستىڭ كلۋبى «قازتسينك-تورپەدو» كومانداسىنان 2:0 ەسەبىمەن جەڭىلىس تاپتى. مىنە, تۋرنيردە بىردە ۇتىپ, بىردە جەڭىلىپ جاتقان كوماندالار اراسىندا باسەكە قىزىپ, ەڭ سوڭىندا ءبىرىنشى ورىن الىپ, 6 ۇپاي جيناعان «بارىس» پەن 5 ۇپايمەن ەكىنشى ورىندا تۇرعان حانتى-ءمانسيدىڭ «يۋگرا» ۇجىمدارى فينالدا كەزدەسەتىن بولدى. ال ءۇشىنشى ورىن ءۇشىن كەزدەسۋ توپتا ءۇشىنشى ورىن العان «امۋر» مەن ەڭ سوڭعى ورىندى يەلەنگەن وسكەمەندىكتەر اراسىندا ءوتتى. ءسويتىپ, فينالدا «بارىس» تاعى دا بىلتىرعى ويىن ورنەگىن كورسەتىپ, قارسىلاستارىنان باسىم ءتۇستى. ال «امۋر» وسى جولى «قازتسينك-تورپەدودان» ەسەسىن قايتارا الدى.
بيىلعى تۋرنيردە «بارىستىڭ» شابۋىلشىسى برەندون بوچەنسكي 4 شايبا سوعىپ, سۇرمەرگەن اتاندى. «بارىستىڭ» قاقپاشىسى ۆيتالي ەرەمەەۆ بولسا, «ۇزدىك قاقپاشى», توممي ۆارگ («يۋگرا») – «ۇزدىك قورعاۋشى», يرجي نوۆوتنى («بارىس») – «ۇزدىك شابۋىلشى» اتاندى.
داستان كەنجالين.
ەلىمىزدە مەملەكەت پەن جەكە كاسىپكەرلىكتىڭ ارىپتەستىگى اياسىندا تۇڭعىش رەت وتەتىن سپورت فورۋمىنىڭ قارساڭىندا اتلانت مۇحيتىنىڭ ار جاعىنان قۋانىشتى حابار كەلىپ جەتتى.
وسىدان ءۇش جىل بۇرىن برازيلياعا فۋتبول ويناپ, شەبەرلىگىن شىڭداۋعا اتتانعان بالالاردىڭ ىشىندەگى راۋان ساريەۆ دەگەن وتانداسىمىز جاقىندا بەلۋ-وريزونتي قالاسىنىڭ «اتلەتيكو مينەيرو» كلۋبىمەن 3 جىلدىق كەلىسىم-شارتقا قول قويدى.
ر.ساريەۆ – قازاقستاننان برازيليانىڭ «ولە برازيل كلاب» اكادەمياسىندا وقىپ, جاتتىعۋ ءۇشىن بارعان 26 بالانىڭ ءبىرى. وسى كەزگە دەيىن ول «ولە برازيل» كومانداسىنىڭ ساپىندا سان-پاۋلۋ شتاتىنىڭ پاۋليستا ليگاسىندا ويناعان. ەندى جاڭا كوماندامەن كەلىسىم-شارتقا وتىرعاننان كەيىن ساريەۆ وسى ەلدىڭ ا سەرياسىندا ونەر كورسەتەتىن بولادى.
وتانداسىمىزدىڭ جاڭا كلۋبى 1908 جىلى قۇرىلعان برازيليانىڭ ەجەلگى كوماندالارىنىڭ ءبىرى. ونىڭ ساپىندا كەزىندە ۇلتتىق قۇرامانىڭ نەگىزگى قاقپاشىسى بولعان كلاۋديو تاففارەل, اندەرسون پولگا, جيلبەرتو سيلۆا, امانتينو مانچيني, جۋليانو بەلەتتي, سيسينو مەن باسقا دا اياقدوپ شەبەرلەرى ونەر كورسەتكەن. قازىر كوماندا ا سەرياسىندا 13 ورىندا تۇر. كوماندا ماتچتارىن بەلۋ-ءوريزونتيدىڭ 80 000 ادام سىياتىن «مينەيرو» ستاديونىندا وتكىزەدى. كلۋبتىڭ قازىرگى پرەزيدەنتى الەشاندرە كاليل, ال باپكەرى كۋكا دەگەن ازامات.
راۋاننىڭ ءوزى 1994 جىلى الماتى وبلىسى, ەسكەلدى اۋدانى, قارابۇلاق اۋىلىندا تۋعان. تۇڭعىش جاتتىقتىرۋشىسى احمەت بارزۋكاەۆ دەگەن كىسى. برازيلياعا بارعاندا ول 1993 جىلى تۋعان جەرگىلىكتى بالالاردان جاساقتالعان «ولە برازيل» كومانداسىندا نەگىزگى قۇرامدا 3 جىل ويناپ, 30-داي گول سوعىپ ءۇلگەرگەن. ونىڭ ايتۋىنشا, برازيلياعا بارعان 26 بالانىڭ التاۋىنان باسقاسى وزدەرىن جاسىل الاڭدا جاقسى قىرىنان كورسەتۋ ءۇشىن بارىن سالىپ ويناپ ءجۇر. سولاردىڭ اراسىندا مۇحتار قالىمبەتوۆ, بەرىك شايحوۆ سياقتى بالالار بار. ال التاۋى تارتىپكە شىداي الماي, وسى جەرگە كەلگەن جىلى-اق ەلگە قايتارىلعان ەدى.
حوككەي
«بارىسقا» باس بارماقپەن باعا
استانادا شايبالى حوككەيدەن قازاقستان رەسپۋبليكاسى پرەزيدەنتىنىڭ كۋبوگى جولىنداعى حالىقارالىق تۋرنير مارەسىنە جەتتى.
9 تامىز كۇنى باستالىپ, 4 كۇن بويى «قازاقستان» سپورت سارايىندا وتكەن تۋرنيردە جەرگىلىكتى «بارىس» رەسەيدىڭ «يۋگرا», «امۋر», وسكەمەننىڭ «قازتسينك-تورپەدو» كوماندالارىن ارتقا قالدىرىپ, باس جۇلدەگە يە بولدى.
اتالعان سىندا «بارىس» ءبىر-اق رەت جەڭىلدى. ءتۋرنيردىڭ ەكىنشى كۇنى ولار حاباروۆسكىنىڭ «امۋر» كلۋبىنان ۇتىلعان بولاتىن. سودان كەيىن رەسەيلىكتەردىڭ وسكەمەن كومانداسىن قالپاقپەن ۇرىپ الامىز دەگەن ءۇمىتى جەلگە ۇشتى. بۇل ويىندا قيىر شىعىستىڭ كلۋبى «قازتسينك-تورپەدو» كومانداسىنان 2:0 ەسەبىمەن جەڭىلىس تاپتى. مىنە, تۋرنيردە بىردە ۇتىپ, بىردە جەڭىلىپ جاتقان كوماندالار اراسىندا باسەكە قىزىپ, ەڭ سوڭىندا ءبىرىنشى ورىن الىپ, 6 ۇپاي جيناعان «بارىس» پەن 5 ۇپايمەن ەكىنشى ورىندا تۇرعان حانتى-ءمانسيدىڭ «يۋگرا» ۇجىمدارى فينالدا كەزدەسەتىن بولدى. ال ءۇشىنشى ورىن ءۇشىن كەزدەسۋ توپتا ءۇشىنشى ورىن العان «امۋر» مەن ەڭ سوڭعى ورىندى يەلەنگەن وسكەمەندىكتەر اراسىندا ءوتتى. ءسويتىپ, فينالدا «بارىس» تاعى دا بىلتىرعى ويىن ورنەگىن كورسەتىپ, قارسىلاستارىنان باسىم ءتۇستى. ال «امۋر» وسى جولى «قازتسينك-تورپەدودان» ەسەسىن قايتارا الدى.
بيىلعى تۋرنيردە «بارىستىڭ» شابۋىلشىسى برەندون بوچەنسكي 4 شايبا سوعىپ, سۇرمەرگەن اتاندى. «بارىستىڭ» قاقپاشىسى ۆيتالي ەرەمەەۆ بولسا, «ۇزدىك قاقپاشى», توممي ۆارگ («يۋگرا») – «ۇزدىك قورعاۋشى», يرجي نوۆوتنى («بارىس») – «ۇزدىك شابۋىلشى» اتاندى.
داستان كەنجالين.
