ۇيىم ءسوماليدى قامقورلىعىنا الدى

كەشە سىرتقى ىستەر مينيسترلىگىندە اتالعان ۆەدومستۆونىڭ رەسمي وكىلى اسقار ابدراحمانوۆ جۋرناليستەر ءۇشىن كەزەكتى بريفينگ وتكىزدى. رەسمي وكىلدىڭ ايتۋىنشا, 17 تا­مىزدا ىستامبۇلدا تۇركيادا يس­لام ىنتىماقتاستىعى ۇيىمى (يىۇ) اتقارۋشى كوميتەتىنىڭ توتەنشە وتى­­رىسى وتەدى, بۇل وتىرىس سوماليدەگى گۋمانيتارلىق داعدارىسقا ج­ا­­نە ونى جەدەل ەڭسەرۋگە باعىت­تال­­عان يىۇ قامقورلىعىنداعى ءبىر­لەسكەن ءىس-قيمىلدارعا ارنالماق ەكەن. «يىۇ سىمك توراعاسى – قر سىرتقى ىستەر ءمينيسترى ە.قازى­حا­نوۆ­تىڭ توراعالىعىمەن وتەتىن وتى­­رىس جۇمىسىنا سومالي پرەزيدەنتى ش.احمەد, تۇركيا پرەمەر-ءمينيسترى ر.ەردوعان, يىۇ باس حاتشىسى ە. يحسانوعلۋ, ۇيىمعا مۇشە مەم­لە­كەتتەردىڭ مينيسترلەرى قات­ىسادى», دەدى ا. ابدراحمانوۆ. بريفينگ بارىسىندا بەلگىلى بول­­عانى, كەزدەسۋ قورىتىندىلارى بوي­ىنشا اتقارۋشى كوميتەت وتى­رى­سىنا­ قاتىسۋشىلار قورىتىندى كوم­ميۋنيكە قابىلدايدى ەكەن. ىس­­تام­بۇل­داعى كەزدەسۋ مۇشە مەم­لەكەتتەر تاراپىنان سوماليگە گۋ­ما­نيتارلىق جانە قارجىلىق كو­مەك­تىڭ ەلەۋلى شو­عىرلاندى­رى­لۋ­ى­نا ءمۇم­كىن­دىك جاسا­ماق, سونداي-اق, يىۇ-نىڭ سوماليگە كومەكتىڭ ار­نايى باعدارلاماسىن ار­نايى قور­لار­مەن قامتاماسىز ەتۋ دە كوز­دەلىپ وتىر­عان كورىنەدى. اسقار ابدراحمانوۆ كەزدەسۋ با­رى­سىندا ىستىقكولدە سوققىعا جى­عىلعان قازاقستاندىق تۋريست ەرلان بالماحاەۆتىڭ وپەراتسيا جاساۋ ءۇس­تىندە قازا تاپقانىن جەتكىزدى. ونىڭ ايتۋىنشا, قازاق­ستان­نىڭ قىرعىز­ستانداعى ەلشىلىگىنە قايتىس بولعان ازاماتتىڭ ءمۇر­دە­سىن الماتىعا جەتكىزۋ ءۇشىن ار­نا­يى جابدىقتالعان كولىك جىبەرىلگەن ەكەن. ا.ابدراحمانوۆتىڭ ءسوزى­نە قا­را­عاندا, قازىرگى تاڭدا قىر­عىز پو­لي­تسيا­سى قازاقستاندىق ءتۋريستى ءول­ىمشى ەتىپ سابادى دەگەن كۇ­­دىك­پەن ەكى ازا­ماتقا ىزدەۋ جا­ريا­لاعان كورىنەدى. بۇل ماسەلە بويىنشا قازاقستاننىڭ بىشكەكتەگى ەلشىلىگى قىرعىز­ستان­نىڭ ىشكى ىستەر مينيسترلىگىمەن تۇ­راقتى باي­لا­نىس­تا. بۇگىندە ولاردى قۇ­رىقتاۋ ءجو­نىن­دەگى شارالار اتقا­رىلۋدا ەكەن. بۇل كۇنگى بريفينگ بارىسىندا اقش-تا ەس-ءتۇسسىز جاتقان ا. اح­مە­توۆانى جاساندى تىنىس الۋ اپپا­راتىنان ۇزبەي قازاقستانعا جەتكىزۋ ماسەلەسى قاراستىرىلىپ جات­قانى جايلى دا ايتىلدى. بۇ­عان دەيىن «Work & Travel» باع­دار­لاماسى بويىنشا اقش-تا جۇمىس ىستەپ جۇرگەن پاۆلودارلىق اينۇر احمەتوۆا ماسساچۋسەتس شتا­تىن­داعى گوسپيتالدەردىڭ بىرىندە ەس-ءتۇسسىز جاتقانى حابارلانعان بو­لا­تىن. ول تۇندە ءوزى جۇمىس ىستەپ ءجۇر­گەن قوناقۇيدىڭ باسسەينىنە شو­­مى­لىپ, بەلگىسىز جاعدايدا سۋعا بات­قان. قوناقۇي قىزمەتكەرلەرى قىزدى سۋدان شىعارىپ, پوليتسيا مەن جەدەل جاردەم شاقىرعان. امەريكالىق پوليتسەيلەر وقيعانى 4 تامىز كۇنى ەلىمىزدىڭ اقش-تاعى باس كونسۋل­دى­عىنا حابارلاعان. «وتانداسىمىز اينۇر احمەتوۆا اقش-تاعى ماسساچۋسەتس شتا­تىن­دا­عى گوسپيتالدەردىڭ بىرىندە بۇرىن­عى­سىن­شا ەس-ءتۇسسىز جاتىر. وكىنىشكە قا­راي, 9 تامىزدا ونىڭ ميى تىرشىلىگىن توقتاتتى دەگەن دياگنوز قويىل­عان بولاتىن. الايدا بۇعان كۇمان­دان­عان اي­نۇر­دىڭ تۋىسقان­دا­رى اقش-تا تۇ­را­تىن تانىمال ءدا­رىگەر, پروفەسسور ۆلاديمير زەلمانمەن حا­بار­لاسقان ەكەن. اتالعان مامان وتا­ن­داسىمىزدىڭ ميى را­سىن­دا دا تىرشىلىك ەتۋگە قاۋقارسىز ەكەنىن ءجا­نە ونىڭ قالىپتى ومىرگە ورالۋى­نا ەش ءمۇم­كىندىگى جوق ەكەنىن راس­تادى», دەدى بريفينگ بارىسىندا ا. ابدراحمانوۆ. ءلايلا ەدىلقىزى.