ءوتىمدى ءونىم – ءوندىرىس ءورىسى

تاياۋدا قاراعاندىدا «قازاق­ستان­نىڭ ۇزدىك تاۋارى» اتتى وڭىرلىك باي­قاۋ كورمەسى ءوتتى. وعان 60-قا تارتا كاسىپورىن ءوز ونىمدەرىن قويدى. وبلىس اكىمى سەرىك احمەتوۆ كور­مەگە كەلۋشىلەرمەن كەزدەسۋدە  ءىستىڭ ناتيجەلى بولۋى كوپ جاع­دايدا ىسكەر توپتار مەن كاسىپ­كەرلەردىڭ باستا­ماشىلىعى مەن بەلسەندىلىگىنە باي­لانىستى دەپ اتا­عانداي اسىرەسە, ەلىمىز كەدەندىك وداققا ەنگەن شاقتا وتاندىق بيز­نەس­تىڭ باسەكەلەستىك قا­بىلەتتى كۇ­شەيتە الۋى اسا ماڭىزدى. سوعان ۇمتىلۋشىلارعا كومەك-قول­داۋ با­رىنشا كورسەتىلۋدە. يندۋس­تريا­لان­دىرۋ باعدارلاماسى اياسىندا ىسكە اسىرىلۋداعى 45 جوبا ءونىم وندىرۋشىلەرگە, جابدىقتاۋ­شى­لار­عا بۇرىن سوڭدى بولىپ كورمەگەن قو­لايلى جاعدايلار تۋعىزىپ وت­ىر. بۇل رەتتە ءبىرىنشى كەزەكتە سا­پا­سى جوعا­رى زاتتار مەن ماتە­ري­ال­دارعا جول اشىق. سول مۇمكىندىك ىزدەنىستى تە­رەڭ­دەتۋگە مىندەتتەيدى. كورمە-كونكۋرس بولعان سوڭ جە­ڭىمپازدارى اتالماي قالمادى. ول­اردى انىقتاۋ ءونىم ساپاسىنا, ون­ىڭ بىرەگەيلىگىنە جانە باسەكەگە قابى­لەت­تىگىنە سۇيەلدى. «وندىرىستىك باعىتتا­عى ۇزدىك تاۋارلار» نومي­نا­تسياسىندا سىناسقان 28 كاسىپ­ورىن اراسىنان «ارسەلور ميتتال تەمىرتاۋ» اق 1 دارەجەلى ديپلوممەن ماراپاتتالدى. 2015 جىلعا دەيىن بولات ءوندىرۋدى جىلىنا 6 ميلليون تونناعا جەتكىزۋدى كوزدە­گەن كومپانيانىڭ ونىمدەرى الىسقا اياندىعىنان اينىماي كەلەدى. ال «تۇرعىندار ءۇشىن تاۋار» جە­ڭىمپازى اتانۋعا ءۇمىت ارتقان 16 كا­سىپورىن ساپىندا «سانتە­حون­دى­رىس» وزىق تانىلدى. تۇرمىستىق سا­ني­تار­لىق-تەحنيكالىق بۇي­ىم­دار­دى شى­عا­راتىن بۇل زاۋىتقا كورشى مەملەكەتتەردەن تاپسىرىس ءاردايىم كوپ. بىل­تىر «قازاق­ستان­نىڭ ۇزدىك تاۋارى» كورمەسىندە «شاعىن جانە ورتا بيزنەس سالاسىنداعى ۇزدىك ەكس­پورت­تاۋ­شى» اتاعىن جەڭىپ العان كاسىپورىن بيىل ناۋرىز ايىندا حالىقارالىق ەكولوگيا اكادەميا­سى­نىڭ «تازا ەكو­لوگيالىق ءونىم» تىزىمىنە ەندى. «ۇزدىك ازىق-ت ۇلىك تاۋارلارى» نو­ميناتسياسىندا «قاراعاندى كون­فەتتەرى» اق كوش باسىنان كو­رىن­دى. ءتاتتى ونىمدەرىمەن اتاق-داڭقى ۇزاق جىلداردان بەرى تانىمال فابريكا جى­لىنا 30 مىڭ توننا كونديتەر بۇي­ىمدارىن شىعارادى. ەداۋىر ءبو­لىگى گەرمانياداعى, يتا­لياداعى, ان­گ­لياداعى, پورتۋگا­ليا­­داعى فيرما­لىق دۇكەندەردە ساتى­لۋى قاراعاندى كامپيتىنىڭ ءوتىم­دىلىگى قاندايلىق ەكەنىن اڭعار­تا­رى انىق. سونداي-اق تاعام جانە حي­ميا ونەركاسىبى ءون­ىم­دەرىن قا­ل­بىرلاۋعا قولدانىلاتىن اق قا­ڭىل­تىردى جالتىراتۋ, ارلەۋمەن شۇعىلداناتىن «Ast Etalon Crown», ديامەترى 16-دان 800 مم-گە دەيىنگى پوليەتيلەن قۇبىر­لا­رىن شىعاراتىن قازاقستان-گەر­مان «كارال Plast», ستاديوندار مەن سپورت الاڭدارىنا جاساندى جاسىل توسەگىش جاسايتىن «كارات» جانە مارگارين, ماي ءوندى­رەتىن «ەۆرازيان فۋدس» كاسىپورىن­دارى جۇلدەلى ورىنداردى يەلەندى. – مۇنداي بايقاۋلاردىڭ ءداس­تۇر­لى تۇردە وتكىزىلىپ تۇرۋى ءوندى­رىس سالا­سىنا وتە پايدالى. ءتاجى­ريبە تولىق­تىرۋعا, ۇلگىلى ىستەردى ۇيرەنۋگە سەپتىك ەتەدى. تاۋ-كەن ءجا­نە مەتاللۋر­گيالىق قۇرال-جاب­دىق­تاردى شىعا­را­تىن ءبىزدىڭ كا­سىپورنىمىزدىڭ ءوز مىندەتىنە جاۋاپكەرشىلىگى جىلدان-جىل­عا بيىك. ساپا مەنەدجمەنتى بويىنشا زەرتحانا قىزمەتى ءونىمنىڭ فيزيكا­لىق-حيميالىق قاسيەتىن سىناقتان ءوت­كى­زۋدە سالالىق زەرتحانالار ىشىندە بيىل مىنە, ءۇشىنشى رەت الدىن­عى ور­ىننان كورىندى. ءونىمىمىز سا­پا­سى ون­ىڭ ساراپتاۋىنا ساي كەلۋىنە كۇش سالىنادى. «ارسەلور ميت­تال تەمىرتاۋ», «قازاقمىس» سىندى الىپ­تار­دىڭ سەنىمىنە يە بولۋىمىز ىسكە ءۇل­كەن مەدەت, ونى بەرىكتىرە بەرمەكپىز, – دەيدى شاحتينسك ستاندارتتى ەمەس جابدىق­تار جانە كىشى مەحانيزاتسيا زاۋى­تى­نىڭ ديرەكتورى ماقسات مۇ­رات­بەكوۆا. بۇلاردىڭ سىرتىندا وبلىس اكى­مىنىڭ ارنايى «ساپا اۋما­عىن­داعى جەتىستىكتەرى ءۇشىن» جۇلدەسى «ترەل قاراعاندى» جشس-ىنە تاپ­سى­رىلدى. ونەركاسىپتىك اۆتوماتيكا كەڭىنەن ءورىس الۋىنا وراي ءول­شەۋ-ەسەپتەۋ كەشەندەرىن جاساپ, شى­عاراتىن سەرىكتەستىك زاتتارى ترانسۇلتتىق كومپانيالار سۇرا­نىس­تارىن قامتاماسىز ەتەدى. ءيا, بۇگىندە ءوندىرىس ورلەۋ ءۇس­تىندە. ءوتىمدى ءونىم سونى تەرەڭدە­تۋ­دە. قازىرگى قاراعاندى ايماعىن­دا­عى  ءىس-ىزدەنىستەر سوعان نەگىز قالاۋدا. ايقىن نەسىپباي. قاراعاندى.