بۇلاق كورسەڭ, كوزىن اش

بيىلعى «Coca-Cola بىلعارى دوپ-2011» فۋتبول ءتۋرنيرىنىڭ 6-شى ماۋسىمى ەۋروپانىڭ ءداستۇرلى «كۇز-كوكتەم» نۇسقاسى بويىنشا وتەتىن بولادى. «Coca-Cola بىلعارى دوپ»  – 2006 جىلدان بەرى ەلىمىزدىڭ بالالار اراسىندا وتكىزىلەتىن ەڭ ءىرى فۋتبول ءتۋرنيرى. وسى ۋاقىت ارا­لىعىندا تۋرنيرگە قاتىسۋشىلار سانى جىل سايىن كوبەيىپ كەلەدى. ەگەر باسىندا جارىستارعا قازاق­ستاننىڭ تەك ءىرى قالالارىنىڭ وقۋشىلارى عانا قاتىسسا, ەندى ەلىمىزدىڭ تۇكپىر-تۇكپىرىنەن ءوتى­نىشتەر كەلىپ تۇسۋدە. وتكەن ماۋسىمدا جارىسقا با­تىس قازاقستان, سولتۇستىك قا­زاق­ستان, اقتوبە, الماتى, اقمولا, قاراعاندى, جامبىل, قوستاناي, شىعىس قازاقستان, ماڭعىستاۋ, وڭتۇستىك قازاقستان, پاۆلودار, اتى­راۋ, قىزىلوردا وبلىستارى جانە استانا مەن الماتى قالا­لارىنىڭ 5 000 مەكتەپتەرىنەن 350 000 وقۋشى قاتىستى. وتكەن جىل­دارعا قاراعاندا, ءتۋرنيردىڭ دەمەۋ­شىسى «كوكا-كولا» كومپانياسى 2010 جىلعى ماۋسىمنان باستاپ, بارلىق جاس بويىنشا فينالدىق ويىندار كەزىندە قاتىسۋشىلاردى تەگىن تاماقتاندىرىپ, تۇراتىن جەرمەن قامتاماسىز ەتۋدە. دەمەك, ۇيىمداستىرۋشىلار بالالاردىڭ ءوزىن ەركىن سەزىنۋى ءۇشىن قولىنان كەلگەنىن جاساۋدا. حالىقارالىق ساراپشىلار ءبىرىنشى جىلدىڭ وزىندە ءتۋرنيردىڭ جوعارى دەڭگەيدە ۇيىمداستىرى­لۋىن اتاپ ءوتتى. «Coca-Cola بىل­عا­رى دوپتىڭ» فۋتبول اسسو­تسيا­تسيالارىنىڭ ەۋروپالىق كەڭە­سى­نەن العان ماراپاتى (ۋەفا پرە­زي­دەنتىنىڭ قولى قويىلعان «الەمدەگى بالالار-جاس­وسپىرىم­دەر فۋتبولىن دامىتۋ بويىنشا ەڭ كورنەكتى وقيعا – 2006» ديپ­لومى) تۋرنير وتكىزىلىپ كەلە جات­قان كەزدەن بەرگى ەڭ ۇلكەن وقيعا بولىپ سانالادى. بۇگىنگى تاڭدا وتاندىق سپورت­تى دامىتۋ جونىندەگى پرەزيدەنتتىك باعدارلاما شەڭبەرىندە 50 قازاقستاندىق بوزبالا برازيليا­نىڭ اتاقتى OLE Brazil مەكتەبىندە جاتتىعىپ ءجۇر. ولاردىڭ ىشىندە قازاقستاندىق الاڭداردا ءار­تۇر­لى جىلداردا وتكىزىلگەن تۋرنير ويىندارىندا وزدەرىن جاقسى جا­عىنان كورسەتىپ, بەدەلدى برا­زي­ليالىق مەكتەپتە وقۋ قۇقىعىنا يە بولعان «Coca-Cola بىلعارى دوپ» قاتىسۋشىلارى دا بار. تۋرنير «تۇلەكتەرىنىڭ» جار­قىن ۇلگىسى رەتىندە ۇلتتىق قۇ­رامانىڭ ويىنشىسى سەرگەي حيجنيچەنكونى اتاپ وتۋگە بولا­دى. ول 2006 جىلى جوعارى جاس ساناتىندا «Coca-Cola بىلعارى دوپ» ءتۋرنيرىنىڭ ۇزدىك شابyىل­شىcى بولىپ تانىلعان ەدى. ال قازىر حيجنيچەنكو – قازاقستان­نىڭ ۇلتتىق قۇراماسىنىڭ ۇزدىك ويىنشىسى, قاراعاندىلىق «شاح­تەردىڭ» شابۋىلشىسى, پرەمەر-ليگانىڭ ەڭ ناتيجەلى شابۋىل­شىلارىنىڭ ءبىرى. 2011-2012 ماۋسىمى «Coca-Cola بىلعارى دوپ» دامۋىندا جاڭا بەلەس بولاتىنى ءسوزسىز. ەلىمىز تاۋەلسىزدىگىنىڭ 20 جىلدىق مەرەيتويىنا وراي, قازاقستاندىق سپورتتىڭ حالىقارالىق ساحنادا ارتىپ كەلە جاتقان داڭقىن ەسكەرە وتىرىپ, ءتۋرنيردى ەۋروپالىق «كۇز-كوكتەم» ستاندارتى بويىن­شا ءوت­كىزۋ تۋرالى شەشىم قا­بى­ل­داندى. ۇيىمداستىرۋشىلار ما­مىر ايىنا قاراي بارلىق جاستىق كاتەگوريالار – كىشى (2000-2001 جج. تۋعاندار), ورتا (1998–1999 جج. تۋعاندار) جانە جوعارى (1996–1997 جج. تۋعاندار) جاستىق توپتاردىڭ في­نالدىق كەزدەسۋلەرىن وتكىزۋدى جوسپارلاپ وتىر. جەڭىمپاز اتاعى مەن بەدەلىنەن باسقا, جوعارى جاستaعى توپتاعى چەم­پيون كومانداعا 2012 جىلى ەڭ اتاقتى ەۋروپالىق فۋتبول الاڭ­دارىنىڭ بىرىنە بارۋ سياقتى قو­سىم­شا سىيلىق ۇسى­نى­لادى. بۇل 30-دان ارتىق ەلدەردىڭ كوماندا­لا­رى قاتىساتىن جانە بيىلدان بەرى قازاقستاندىق «Coca-Cola بىلعارى دوپ» فۋتبول ءتۋرنيرىن قۇرامىنا ءبى­رىكتىرگەن حالىقارالىق Copa Coca-Cola (كوپا كوكا-كولا) بالا­لار-جاسوسپىرىمدەر ءتۋرنيرىنىڭ ار­قا­سىندا مۇمكىن بولىپ وتىر. داستان كەنجالين.