قول ۇشىن بەرسە دەيمىن

مەن نۇرىمبەتوۆ پولاتباي وزبەكستان رەسپۋبليكاسىنىڭ ازاماتىمىن, ۇل­تىم قارا­قال­پاق, نۇكىس قالاسىندا دۇنيەگە كەلگەنمىن. ماڭعىستاۋ وبلىسىنىڭ ورتالىعى اقتاۋ قالاسىنا 2003 جىلدان باستاپ 3 اي مەرزىمگە الىنعان ۆيزا ارقىلى كەلىپ-كەتىپ قۇرى­لىس­تاردا جۇمىس ىستەدىم. 2005 جىلى اقتاۋ قالاسىنىڭ تۇرعىنى, قازاقستان ازاماتشاسى قالتاەۆا قاراكوزگە ۇيلەندىم. ۆيزا مەرزىمىن ۇزارتىپ, پاتەر جالداپ تۇرىپ جاتتىق. 2006 جىلى ناۋرىزدا نۇرىمبەت ءايشابيبى, 2007 جىلى جەلتوقسان ايىندا نۇرىمبەت اسىلزادا دەگەن بالالارىمىز دۇنيەگە كەلدى. قالتاەۆا قارا­كوزبەن زاڭدى نەكەگە تۇرعانىما 6 جىل. 2008 جىلى قازاقستان رەسپۋبليكاسىنان زاڭسىز جۇمىس ىستەيتىن ميگرانتتاردى شىعارۋ ءۇشىن رەيدتەر باستالدى. وتباسىمدا ەكى بالام, جۇمىسسىز ايەلىم بولعاندىقتان جاسىرىن ج­ۇ­مىس ىستەپ ءجۇردىم. ۇنەمى پاتەر جالداپ, تاماق تابۋ ءۇشىن اقشا تابۋىم كەرەك بولدى. بىراق جالعاندىق جارعا جىقتى. ۇستالىپ قالدىم. ەكى اي ۋاقىتشا قاماۋدا جاتتىم. ءىسىم پروكۋ­را­تۋراعا بەرىلدى. وتباسىم, ەكى بالام, تاعى دا اياعى اۋىر ايەلىم بار ەكەندىگىن ايتىپ زاڭ ورىن­دارى­نا قانشا شاعىمدانعانىممەن ءوتىنى­شىم اياقسىز قالىپ, 2009 جىلدىڭ مامىر ايىندا ءتول­قۇجاتىما «قازاقستان رەسپۋبليكا­سى شەكا­را­­سىنان شىعارىلدى» دەگەن سوت شەشىمى باسىلدى. مەن سوت شەشىمىن ورىنداي المادىم, بۇل ءۇشىن ءوزىمدى وتە اۋىر ايىپتىمىن دەپ مويىن­دايمىن. بۇعان سەبەپ – وزبەكستان رەسپۋب­لي­كاسىنا قايتىپ بارعاندا مەنىڭ بارار جەر, باسار تاۋىم جوق ەدى, ياعني ول جاقتا ەشكىمىم قال­مادى. قارتايعان اتا-انام 2008 جىلى قىر­كۇيەك, قازان ايلارىندا بىرىنەن سوڭ ءبىرى قايتىس بولدى. ونىڭ ۇستىنە مۇندا ەكى بالام جانە اياعى اۋىر ايەلىم بار ەدى. مەنىڭ وتباسىمنىڭ سول كەزدەرى كورگەن قيىندىقتارىنان 2009 جىلى قىركۇيەك ايىندا ايەلىم ءولى ءسابي بوساندى. ءبىر ازاماتتاردىڭ كومەگىمەن 2009 جىلى اقتاۋ قالاسىنداعى شاعىن اۆتوتۇراقتىڭ كۇ­زەت­شىسى بولىپ ورنالاسىپ, كۇزەتشىگە ارنالعان 1 بولمەلى ۇيگە وتباسىممەن تۇراقتاندىم. اۆتو­تۇ­راقتىڭ جينالعان اقشاسىن اي سايىن قو­جايىنعا تاپسىرامىن, تۇندەلەتىپ ءۇي جوندەۋ جۇمىس­تارىنا جالدانامىن. تاپقان بولماشى تيىن-تە­بەنمەن بالالارىمدى اسىرادىم. مىنە, وسىنداي يت تىرلىكپەن وسى كۇنگە دە كەلىپ جەتتىك. ۇلكەن بالام ءايشابيبى جاقىندا مەكتەپ تابال­دى­رىعىن اتتاعالى وتىر. 2010 جىلى قىر­كۇيەك­تە ءۇشىنشى بالام نۇرىمبەت گۇلبانۋ دۇنيەگە كەلدى. قىستا سۋىق, جازدا ىستىق, ءومىر سۇرۋگە قولايسىز اۆتوتۇراقتا 3 بالاممەن لەكەرلەپ ءومىر كەشۋدەمىن. قولىمنان ءبارى كەلەدى, ادامشا تىرلىك ەتىپ, جۇمىس ىستەسەم دەيمىن. بارىنە كەدەرگى بولىپ وتىر­عان سەبەپ ەلدەن شىعارىلۋ جونىندەگى شەشىم. مەن قازاقستان زاڭنامالارىن بۇزعانىم ءۇشىن كى­نالىمىن, بۇل ءۇشىن ءتيىستى جازا وتەۋگە ءازىرمىن. ب­ى­راق مەن بۇعان ماجبۇرلىلىكتەن باردىم, ويتكەنى باۋىر ەتىم – بالالارىمدى تاستاپ كەتە الما­دىم. ماعان وسى گازەتكە جازعان حاتىمدى وقى­عان ءتيىستى قۇقىق قورعاۋ ورگاندارىنىڭ ازامات­تارى قول ۇشىن بەرىپ, قازاقستان رەسپۋبليكاسى ازاماتتى­عىن الۋعا ىق­پال ەتۋگە كومەكتەسسە ەكەن دەيمىن. وتباسى يەسى, اكە رەتىندە قازاقستاننىڭ 3 بىردەي ازاماتىن تاربيە­لەپ, جەتكىزگىم كەلەدى. قازاقستان رەسپۋبلي­كاسى­نىڭ گۇلدەنۋى ءۇشىن كۇش-قابىلەتىمدى ارناسام دەيمىن. مەنىڭ بۇل ءوتىنىشىم مەن سەكىلدى شاراسىز كۇيدە جۇرگەن كوپتەگەن ازاماتقا شاپاعاتىن تيگىزەدى دەگەن ۇمىتتەمىن. تاعى دا ۇستالىپ, قاماۋعا الىنام با دەگەن ۇرەيدەن وسى كۇنگە دەيىن بۇل ارىزدى جازۋعا دارمەنىم جەتپەدى. الەمگە تانىمال قازاق ەلى تاۋەلسىزدىگىنىڭ 20 جىلدىق تويى قارساڭىندا وسى باسىلىم ارقى­لى مۇڭىما قۇلاق اسادى دەگەن ۇمىتپەن قولىما قالام الدىم... پولاتباي نۇرىمبەتوۆ, ەلەكتروندى پوشتا – erlanskii@inbox.ru ايەلىمنىڭ اتا-اناسىنىڭ مەكەن-جايى - اقتاۋ قالاسى. يندەكس 130000, 28 شاعىن اۋدان, 28 ءۇي, 107 پاتەر.