قازاقستان رەسپۋبليكاسى ۇكىمەتىنىڭ قاۋلىسى №254

2011 جىلعى 14 ناۋرىز,   استانا, ۇكىمەت ءۇيى «ونىمدىلىك 2020» باعدارلاماسىن بەكىتۋ تۋرالى «قازاقستان رەسپۋبليكاسىن ۇدەمەلى يندۋستريالىق-يننوۆاتسيالىق دامىتۋ جونىندەگى 2010 - 2014 جىلدارعا ارنالعان مەملەكەتتىك باعدارلاما جانە قازاقستان رەسپۋبليكاسى پرەزيدەنتىنىڭ كەيبىر جارلىقتارىنىڭ كۇشى جويىلدى دەپ تانۋ تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 19 ناۋرىزداعى №958 جارلىعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان «ونىمدىلىك 2020» باعدارلاماسى (بۇدان ءارى – باعدارلاما) بەكىتىلسىن. 2. ورتالىق جانە جەرگىلىكتى اتقارۋشى ورگاندار جانە وزگە دە ۇيىمدار باعدارلامانى ىسكە اسىرۋ جونىندە شارالار قابىلداسىن. 3. جاۋاپتى ورتالىق جانە جەرگىلىكتى اتقارۋشى ورگاندار مەن ۇيىمدار (كەلىسىم بويىنشا) «سالالىق باعدارلامالاردى ازىرلەۋ جانە مونيتورينگىلەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 18 ناۋرىزداعى №218 قاۋلىسىمەن بەكىتىلگەن Cالالىق باعدارلامالاردى ازىرلەۋ, مونيتورينگىلەۋ قاعيدالارىنا سايكەس باعدارلامانىڭ ىسكە اسىرىلۋ بارىسى تۋرالى اقپارات بەرسىن. 4. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ يندۋستريا جانە جاڭا تەحنولوگيالار مينيسترلىگىنە جۇكتەلسىن. 5. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى   ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 14 ناۋرىزداعى №254 قاۋلىسىمەن بەكىتىلگەن تولىق ءماتىنى