سكوتلاند-يارد باسشىلارى وتستاۆكاعا كەتتى

امەريكالىق مەدياماگنات رۋپەرت مەردوكقا قاراستى, قىزمەتكەرلەرى ۇلىبريتانيانىڭ قارا­پايىم ازاماتتارى مەن بەلگىلى قايراتكەرلەرىنىڭ تەلەفونداعى اڭگىمەلەرىن تىڭدايدى دەگەن كۇمان تۋدىرىپ وتىرعان News of the World تابلويدى توڭىرەگىندەگى داۋ-جانجال ءورشي تۇسۋدە. وسى وقيعالار اياسىندا لوندون پوليتسياسى قازىردىڭ وزىندە ءوزىنىڭ ەكىنشى باسشىسىنان ايىرىلدى. بۇل جولى پوليتسيا باستىعىنىڭ ورىنباسارى دجون يەيتس وتستاۆكاعا كەتتى. ونىڭ الدىندا سكوتلاند-يارد باسشىسى پول ستيۆەنسون وسىنداي شەشىم قابىلداعان بولاتىن. وسىدان از ۋاقىت بۇرىن قايتا باستالعان تەرگەۋ مالىمەتتەرى بويىنشا, باسىلىم جۋرناليستەرى كورولدىكتىڭ 3,7 مىڭعا جۋىق تۇرعىندارىنىڭ اڭگىمەلەسۋلەرىن تىڭداعان كورىنەدى. ەكى باسشىنىڭ ادالدىعى مەن كاسىبيلىگى ەش كۇمان تۋدىرمايدى, بىراق News of the World قىزمەتكەرلەرى مەن لوندون پوليتسياسى توڭىرەگىندەگى كۇماندار 2012 جىلعى وليمپيادا قارساڭىندا وفيتسەرلەر جۇمىسىنا كەرى اسەر ەتۋى مۇمكىن, دەپ مالىمدەگەن لوندون قالاسىنىڭ مەرى ب.دجونسون. ءوز اناسىنىڭ ۇيىنە سوقتىعىستى شۆەيتساريانىڭ شاففحاۋزەن كان­تونىنداعى وبەرحالاۋ كوم­مۋناسىنىڭ تۇرعىنى ۇشاقپەن ءوز اناسىنىڭ ءۇيىن كەلىپ سوققان. جۇمىسسىز جۇرگەن ينجەنەر-ەلەكتريك ءارى اۋەسقوي ۇشقىش كونراد شميدت ءتورت ورىندىق جەڭىل ۇشاقتى پروكاتقا العان كورىنەدى. ماشينانىڭ جارىلۋىنان ءۇي بىردەن وتقا ورانسا دا كونرادتىڭ اناسى روزماري شميدت ەسەڭگىرەپ قالعانى بولماسا, اجالدان امان قالىپتى. سويتسە ول جارىلىس بولعان ساتتە پودۆالدا جۇرگەن كورىنەدى. ءۇيىندى استىنان ايەلدى كورشىلەرى الىپ شىققان. 44 جاستاعى كونراد شميدت ەكى جىلدان بەرى جۇيكە اۋرۋىمەن اۋىراتىن كورىنەدى. ارىپتەستەرىن جاقتاپ شىقتى «الفا» قىزمەتىنىڭ ارداگەرلەرى ليتۆادا قۋ­دا­لاۋعا تۇسكەن وزدەرىنىڭ بۇرىنعى كومانديرى, تاياۋدا عانا ليتۆا وكىمەتىنىڭ سۇراۋى بويىنشا اۆستريادا قاماۋعا الىنعان ميحايل گولوۆاتوۆقا قاتىستى مالىمدەمە جاسادى. مالىمدەمە اۆتورلارى ليتۆا جاعىنىڭ تاعىپ وتىرعان ايىپ­تارىن «وعاشتىق» رەتىندە تەرىسكە شىعارۋدا. ايتا كەتۋ كەرەك, ارنايى بولىمشە جاۋىنگەرلەرى مەن دەسانتشىلارىنا 1991 جى­لى ۆيلنيۋستە ورىن العان وقيعالارعا قاتىستى ايىپ تا­عىل­عان بولاتىن. ال «الفا» ارداگەرلەرى بولسا ليتۆالىق سايا­سات­كەرلەر تاريحتى وزدەرىنىڭ كوكسەگەن نيەتتەرىنە وراي قا­سا­قانا بۇرمالاپ,  رەسەيدەن جاۋدىڭ بەينەسىن قالىپتاستىرىپ وتىر دەگەن قارسى سىن ايتۋدا. ءسوز ورايىندا اۆستريا وكىمەتى­نىڭ گولو­ۆاتوۆتى ليتۆاعا بەرۋدەن باس تارتىپ, قاماۋدان بوسات­قا­نىن جانە ونىڭ ەلدەن كەتۋىنە رۇقسات بەرگەنىن دە ايتا كەتۋ قاجەت. ءىرى ۋران كەن ورنى اشىلدى ءۇندىستاننىڭ وڭتۇستىگىندە اشىل­عان ۋران كەن ورنىنىڭ قورى الەم­دەگى ەڭ ىرىلەردىڭ ءبىرى بولىپ تابى­لادى, دەپ مالىمدەگەن ەلدىڭ يادرولىق ەنەرگەتيكا دەپارتامەنتىنىڭ وكىلى شريكۋمار بانەردجي. بانەردجيدىڭ ايتۋىنشا, اندرا پرادەش شتاتىنداعى تۋمالاپاللي كەنىشىندەگى دالەلدەنگەن كەن قورى 49 مىڭ توننا ۋراندى قۇرايدى. شەنەۋنىك اتاپ كورسەتكەندەي, سوڭعى باعالاۋلار بويىنشا ۋچاسكەدەگى كەن قىرتىسىنىڭ جالپى كولەمىنىڭ 150 مىڭ تونناعا جەتۋى مۇمكىن. تۋمالاپاللي كەن ورنىنا قاتىستى جۇمىستار ۇستىمىزدەگى جىلدىڭ سوڭىنا دەيىن باستالادى دەپ كۇتىلۋدە. قازىرگى ۋاقىتتا ءۇندىستان اەس-تە بۇكىل وندىرىلەتىن ەلەكتر قۋاتتارى كولەمىنىڭ 3 پايىزعا جەتپەيتىن مولشەرىن عانا وندىرەدى. 2050 جىلعا قاراي ەل وكىمەتى ول كورسەتكىشتى 25 پايىزعا دەيىن جەتكىزۋدى كوزدەپ وتىر. قانتوگىسكە ۇلاسقان قاقتىعىس قىتايدىڭ شىڭجاڭ-ۇيعىر اۆتونوميالى اۋدانىن­دا پوليتسيامەن بولعان قاقتىعىس سالدارىنان 20 ادام قازا تاپتى, دەپ حابارلادى فرانس-پرەسس اگەنتتىگى. وسى اگەنتتىكتىڭ قۋدالاۋدا جۇرگەن ۇيعىر بەلسەندىلەرى توبىنا سىلتەمە جاساي وتىرىپ حابارلاۋىنشا, قازا تاپقان­دار­دىڭ ءبارى ۇيعىرلار كورىنەدى. بۇكىلالەمدىك ۇيعىر كونگرەسى ۇيىمىنىڭ ايتۋى بويىنشا, پوليتسەيلەر حوتان قالاسىنا تاياۋ جەردە 14 ادامدى ءولىمشى قىلىپ ساباپ, 6 ادامدى اتىپ ءولتىر­گەن. تارتىپسىزدىكتەر ۇيعىرلاردىڭ ءوز تۋىسقاندارىن تۇرمە­لەر­دەن بوساتۋدى تالاپ ەتىپ, پوليتسەيلەردى كەپىلدىككە الۋعا تال­پى­نىس جاساۋىنا بايلانىستى ورىن العان كورىنەدى. ءناتي­جەسىندە 70 ادام تۇتقىنعا الىنعان. ليۆيا مەن اقش اراسىنداعى كەلىسسوز ليۆيا باسشىسى مۋامار كاددا­في­دىڭ وكىلدەرى مەن اقش-تىڭ ارنايى تۇلعالارى تۋنيس اۋماعىندا بەتپە-بەت كەلىسسوزدەر جۇرگىزگەن. ليۆيا ۇكىمەتىنىڭ وكىلى مۋسسا يبراگيم­نىڭ ايتۋىنشا, بۇل ەلدەر اراسىنداعى قا­رىم-قاتىناستاردى تالقىلاۋدىڭ تەك ءبىرىنشى ساتىسى عانا. اقش مەملەكەتتىك دەپارتامەنتىنىڭ وكىلى كاددافي دەلەگاتسياسىمەن كەزدەسۋ فاكتىسىن راستاعان, بىراق ونىڭ ءبىر عانا  ماقساتپەن – ليۆيا كوسەمىنە وتستاۆكاعا كەتۋى ءجونىن­دە ناقتى تالاپ قويۋ ماقساتىمەن وتكەنىن اتاپ كورسەتكەن. سونداي-اق, مەمدەپارتامەنت بۇدان كەيىنگى جەردە ەشقانداي كەزدەسۋدىڭ جوسپارلانىپ وتىرماعانىن دا حابارلاعان. ۆەنگريا سوتىنىڭ شەشىمى ۆەنگريا سوتى ۆيزەنتال ورتالىعى 1942 جىلى سەربيانىڭ نوۆي-ساد قالاسىندا 1,2 مىڭ ەۆرەيلەردى, سەربتەر مەن سىعانداردى ولتىرۋگە قاتىسى بار دەپ ايىپتاعان شاندور كەپيرونى اقتاپ شىقتى. 97 جاستاعى ۆەنگر شاندور كەپيرو ىسىنە قاتىستى سوت ۇستىمىزدەگى جىلعى مامىر ايىندا ۆەنگريا استاناسى بۋداپەشتە باستالعان بولاتىن. سوتتىڭ كەپيرونى اقتاۋ تۋرالى شەشىمىن زالدا وتىرعاندار دۋ قول شاپالاقتاۋمەن قارسى الىپتى. ال ناتسيستىك قىلمىسكەرلەردى ىزدەستىرۋمەن اينا­لى­ساتىن ۆيزەنتال ورتالىعى بۇل سوت پروتسەسى ناتسيستىك قىلمىسكەرلەرگە قاتىستى ەڭ سوڭعى جانە ەڭ شۋلى پرو­تسەستەردىڭ ءبىرى بولادى دەپ ۇمىتتەنگەن كورىنەدى. ينتەرنەت ماتەريالدارى نەگىزىندە ازىرلەندى.