كەشە...

...جىلجىمالى ەمحانا تومارلىعا كەلدى اۋىلداعى تۇرعىننىڭ ءبارى ءبىر­دەي قالاداعى دارىگەرلەرگە كو­رىنۋگە بارا المايدى. اسىرەسە, قا­لاداعى ەمدەۋ ورىندارىنا قا­تى­ناۋ ۇلكەندەرگە قيىن. مىنە, وس­ىندايدا اۋىلدارداعى قاريا­لار, ءتۇرلى ساناتتاعى مۇگەدەكتەر ءۇشىن جىلجىمالى ەمحانانىڭ كومەگى زور. كەشە «نۇر وتان» حدپ اتى­راۋ قالالىق فيليا­لى­نىڭ ۇيىم­داستىرۋىمەن جىلجى­مالى ەمحانا تومارلى اۋىلىنا كەلدى. جىل­جىمالى ەمحانا مەڭ­گەرۋشىسى مەي­رام تولەپوۆتىڭ اي­تۋىنشا, اۋىل تۇرعىندارىنا ءجۇ­رەك, كوز, قۇلاق سىرقاتتارىن ەمدەيتىن دارىگەرلەر قىزمەت كورسە­تەدى. سونداي-اق, ەمحانادا ءتىس ەمدەۋ, گينەكولوگيا, تەراپەۆت, ۋل­ترادىبىستىق اپپارات, رەپرودۋكتيۆتىك دەنساۋلىق ساقتاۋ كابينەتتەرى بار. جولداسبەك شوپەعۇل, اتىراۋ وبلىسى.   ...قارابۇلاقتا ناۋبايحانا اشىلدى «سانجار» فيرماسى ەسكەلدى اۋدانىندا جاڭا ناۋبايحانا اش­تى. كۇنىنە ون مىڭ بولكە نان پىسىرگەن كاسىپورىن جاڭا تەحنولوگيامەن اس اتاسى – ناننىڭ بىرنەشە ءتۇرىن ءپىسىرۋدى قولعا الدى. ناۋبايحانانىڭ اشىلۋىنا وب­­لىس, اۋدان باسشىلارىمەن بىرگە تۇر­­­عىندار قاتىستى. مۇندا ءتاۋ­لى­گىنە مىڭ جارىم توننا ۇن ءوڭ­دەلسە, جوعارى ساپالى نان ءپىسىرۋ ءۇشىن جوعارى سورتتى ۇن پاي­دا­لا­نىلۋدا. تۇركيالىق قۇرال-جاب­دىق­­پەن جا­راقتاندىرىلعان كا­سىپ­ور­ىن­دا 40 مينۋتتا عانا 192 بولكە داي­ىن نان شىعارۋعا مۇمكىندىك بار. جاڭا تەحنولوگيانىڭ جانە ءبى­لىكتى ماماندار كومەگىمەن 30 ءتۇر­لى نان ونىمدەرى دايىندالۋدا. ءون­ىم­گە دەگەن سۇرانىس كۇن سايىن ارت­­قاندىقتان, ناۋبايحانا تال­دى­­قور­عانداعى 285 ساۋدا نۇكتە­لە­رى­مەن بايلانىس ورناتىپ ۇلگەرگەن. كۇمىسجان بايجان, الماتى وبلىسى.   ...فۋتبول الاڭى پايدالانۋعا بەرىلدى جامبىل وبلىسىنىڭ اكىمى قانات بوزىمباەۆ قالاداعى تولە بي كو­شە­سىندەگى 91-ءۇيدىڭ اۋلا­سىن­دا پاي­دالانۋعا بەرىلگەن شا­عىن فۋتبول الاڭىندا بولدى. گول­لانديانىڭ جا­ساندى جامىل­عىسى توسەلگەن ول ءبۇلدىرشىن­دەر­دىڭ دوپ قۋ­ۋىنا داي­­ىن ەكەن. جا­سىل جامىل­عى­نىڭ كولەمى 22ح44 مەتر جانە اينا­لا­سى 5 مەترلىك بيىك شار­باق­پەن قورشالعان. جوبالىق قۇنى 7 ملن. 350 مىڭ تەڭ­گە بولاتىن بۇل تارتۋ وبلىستىق فۋتبول فەدەراتسيا­سى­نىڭ قاراجاتىنا سالى­نىپ­­­تى. ءوت­كەن جىلى تاراز قالا­سىندا وس­ىنداي 4 الاڭ پايدالانۋعا بە­رىلگەن بو­لاتىن. الداعى ۋاقىتتا وبلىس بوي­ىن­شا 13 شاعىن فۋتبول الاڭى سالىنباق. كوسەمالى ساتتىباي ۇلى, جامبىل وبلىسى.