«الاش ارالى» دەپ اتالسا دۇرىس بولار ەدى

ەگەمەن ەل اتانىپ, تاۋەلسىزدىك تۋىن تىكتەگەننەن بەرگى جەردە الاش ارىستارىنىڭ ءىزى قالعان قاسيەتتى سەمەي شاھارى وزگەرىس-جاڭالىقتاردان كەندە ەمەس. ون­ىڭ ەڭ باستىسى سول, وسىدان ءتورت جىل بۇرىن قالا اتى ەلباسى جارلىعىمەن ءبىر ىزگە ءتۇسىپ, سودان بەرىدە تەك سەمەي دەپ قانا اتالاتىن بولدى. بۇل تاۋەل­سىز­دىك­كە قول جەتكىزگەننەن بەرگى جەردەگى سەمەيلىكتەردىڭ كوكەيىندە ءجۇر­گەن اسىل ارمانى ەدى. ايتپاعىمىز – سەمەيدەگى ەركە ەرتىس وزەنى ايىرىعىنداعى تابيعاتى ەرەكشە ارال حاقىندا. الاش ارىستارىنىڭ ءىزى قالعان بۇل ارال تۋرالى «ەگەمەندە» بۇدان  بۇرىن دا جازعانبىز. كۇش يەسى قاجىمۇقان, كۇمىس كومەي ءانشى مايرا, ءدۇلدۇل اقىن يسا, حالقىمىزدىڭ ماڭ­دا­يىنا بىتكەن تاعى باسقا شىن مانىندەگى جا­رىق جۇلدىزدار دۋمانداتىپ دە­ما­لا­تىن, تۋعان حالقىنىڭ جاي-كۇيىن تالقىعا سالاتىن وسى جەر ءبۇ­گىن­دە قايتادان «پولكوۆنيك ارالى» دەپ اتالادى. ال ونىڭ نەگىزگى اتاۋى «تۇيەمويناق» بو­لا­تىن. پاتشالى رەسەيگە باعى­نىشتى بولعان ساتتەن باستاپ «پولكوۆنيك ارالى» دەپ اتالىپ كەتكەن عوي. ودان بەرگى كەڭەس زامانىندا ۇزاق جىل كيروۆ اتىنداعى ارال اتانعانى جانە بار. ال ءبىز بول­ساق, ەندىگى جەردە ونىڭ «الاش ارالى» اتانۋعا ابدەن قاقىسى بار دەگەنبىز. وكىنىشكە قاراي, باياعى جارتاس, ءبىر جارتاس قالپىندا. قالا­نىڭ جاڭا باسشىلىعى سوعان وراي ءوزىنىڭ ناقتى پىكىرىن ايتادى دەگەن سەنىمدەمىز. داۋلەت سەيسەن, سەمەي.