تۇرعىن ءۇي قورىنا تۇبەگەيلى وزگەرىس قاجەت

جامبىل وبلىسىنداعى قۇرى­لىس يندۋسترياسىنىڭ ءوسىپ-وركەن­دەۋىنە اتسالىسىپ جۇرگەن كومپانيا باسشىلارى وبلىس اكىمى ق. بوزىمباەۆتىڭ ۇسىنىسىمەن وب­لىس ورتالىعىنداعى كوپ قاباتتى تۇرعىن ۇيلەردىڭ اۋلالارىن ابات­تاندىرۋعا ۇلەس قوسىپ, كوپتەگەن تارازدىقتاردىڭ العىسىن العان بولاتىن. ەندى, مىنە, مەملەكەتتىك «تۇرعىن ءۇي-كوممۋنالدىق شارۋا­شى­لىعىن جاڭعىرتۋ» باعدار­لاماسى بويىنشا توزىعى جەتكەن تۇرعىن ءۇي قورىن جاڭارتۋ قولعا الىنا باستادى. بۇگىن­دە وبلىس ورتالىعىن­داعى وسىدان جارتى عاسىردان استام ۋاقىت بۇرىن سالىنعان كوپ قاباتتى ۇيلەردىڭ ەسكىرگەن قاس­بەتى مەن شاتىرلارى جانە ينجەنەرلىك جۇيەسى جاڭعىرتىلۋدا. اتاپ ايتساق, وسى باعدارلاما شەڭ­­بەرىندە بيىل 92 ءۇي مۇنتاز­داي بولماق. يگىلىكتى ىسكە العاش­قى ترانشپەن 428 ميلليون تەڭگە ءبولىنىپ تە قويىپتى. تاراز قالاسىنىڭ اكىمى ب. ورىن­بەكوۆتىڭ ايتۋىنشا, تۇرعىن ءۇي جاردەماقىسى مەن نەسيە ارقىلى 11 ۇيگە جوندەۋ جۇمىسى باستالىپ كەتكەن. وقىرماندارعا تۇسىنىكتى بولۋ ءۇشىن ايتا كەتەيىك, بۇگىندە كوپ قاباتتى تۇرعىن ۇيلەردىڭ ءبارى جەكە مەنشىكتە ەكەنى بەلگىلى. سوندىقتان اتالعان باعدارلاماعا قاتىسۋ ءۇشىن كوندومينيمۋم قۇرىپ, تىركەلگەن تۇرعىن­دارعا مەملەكەت 7 جىل مەرزىمگە ءوسىمسىز نەسيە بەرەدى. ال وعان توزىعى جەتكەن تۇرعىن ۇيلەردى تاپ-تۇيناقتاي ەتۋگە ابدەن بولا­دى. كوندومينيمۋمگە بىرىگىپ, تىركەلگەن تۇر­عىندارعا مەملەكەت تاراپىنان ءوسىمسىز نەسيە بەرۋ سياقتى يگىلىكتى ءىس ناۋقاندىق اكتسيا ەمەس, ول الداعى ۋاقىتتا دا تۇراقتى جالعاسىن تابا بەرمەك. قۇرىلىس جانە تۇرعىن ءۇي-كوممۋنالدىق شارۋاشىلىعى ىستەرى اگەنتتىگىنىڭ توراعاسى س. نوكين  وبلىسقا كەلگەن جۇمىس ساپا­رىن­دا وڭىردە اتقارىلىپ جاتقان وسىنداي كوپتەگەن جاقسى ىستەرمەن تانىستى. «جامبىل­مەم­سا­راپ­تا­ما» ەنشىلەس مەملەكەتتىك كاسىپورىنىنىڭ اكىم­شى­لىك عيما­راتىنىڭ اشىلۋىنا قا­تىستى. بۇل جاڭا عيمارات جوبا­لار­دى مەملەكەتتىك ۆەدومستۆودان تىس  ساراپتاۋ جۇيەسىنىڭ قىزمەتىن جە­تىل­دىرۋدىڭ 3 جىلعا ارنالعان باع­دار­لاماسى بويىنشا سالىنىپتى. مەملەكەتتىك ساراپتاما قۇرى­لىس سالاسىندا ماڭىزدى ورىن الا­دى. ويتكەنى كەز-كەلگەن قۇر­ى­لىس نى­سا­نىن ساپالى جۇرگىزىپ ءجا­نە مەر­زىمدى ۋاقىتىندا تاپ­سىرۋ ءۇشىن ونىڭ زامانا تالابىنا ساي جوبا­لىق-سمەتالىق قۇجاتى بولۋى قا­جەت. ال ونداي جوبا­لاردى مۇقيات تەكسەرىپ, تولىق­تى­راتىن ءجا­نە جەتىلدىرەتىن مەملەكەتتىك ساراپتاما قىزمەت­كەر­لەرى. بىراق, وكىنىشكە قا­راي, ساراپتاما قىزمەتكەرلەرىنىڭ وسى ۋا­قىتقا دەيىن ءوز قاراشاڭى­راعى بولماي كەلىپتى. بۇل, ارينە, ساراپتاما ساپاسى­نا كەرى  اسەرىن تيگىزەتىنى انىق. سون­دىقتان وبلىس ورتا­لى­عىنان بوي كوتەرگەن جاڭا ءارى ءزاۋ­لىم مەكەمە ساراپتاما سالا­سىن­دا­عى جا­ڭا جوبالار مەن ۇسى­نىس­­تار­دىڭ ورداسىنا اينالادى دەپ سەنەمىز. كوسەمالى ساتتىباي ۇلى, جامبىل وبلىسى.