15 ماۋسىم، 2011

جوعارى ماراپاتقا ۇسىنىلعان جۇمىستار قارالدى

248 رەت كورسەتىلدى
كەشە اقوردادا مەملەكەتتىك حاتشى قانات ساۋداباەۆتىڭ توراعالىعىمەن عىلىم مەن تەحنيكا سالاسىنداعى قازاقستان رەسپۋبليكاسى مەملەكەتتىك سىيلىعىن بەرۋ جونىندەگى كوميسسيانىڭ وتىرىسى ءوتتى. وتىرىستا جوعارى ماراپاتقا ۇسىنىلعان جۇمىستار بويىنشا تاقىرىپتىق سەكتسيالاردىڭ ۇسى­نىمدارى مەن مەملەكەتتىك عى­لى­مي-تەحنيكالىق ساراپتامانىڭ قو­رىتىندىلارى قارالدى. قازاقستان رەسپۋبليكاسى ءتاۋ­ەل­سىزدىگىنىڭ 20 جىلدىعىندا عى­لىم مەن تەحنيكا سالاسىنداعى وتانىمىزدىڭ مەملەكەتتىك سىي­لىعىن الۋعا نومينانتتاردى رەتتەۋ ءبىزدىڭ كوميسسياعا ەرەكشە جاۋاپكەرشىلىك جۇكتەيدى، دەدى قانات بەكمىرزا ۇلى. ول بۇدان كەيىن: ءبىز ۇسىنىلعان جۇمىستاردى با­عا­لاۋدا ەرەكشە ءپرينتسيپتى بولۋى­مىز جانە مەملەكەتتىك سىيلىق بەرىلەتىن جارلىقتا پرەزيدەنت نۇرسۇلتان نازارباەۆ كورسەتكەن جوعارى كريتەريلەردى باسشى­لىق­قا الۋعا ءتيىسپىز. بۇل كري­تە­ريلەردىڭ انىق جانە ناقتى ەكەنى بەلگىلى. مەملەكەتتىك سىيلىقتان ۇمىتكەر ءاربىر جۇمىس الدىمەن وتاندىق عىلىمدا سەرپىندى بو­لۋى، ءوز سالاسىندا الەمدىك انا­لوگ­تارعا سايكەس نەمەسە ودان دا جوعارى تۇرۋى جانە ەلدىڭ عىلى­مي-تەحنيكالىق دامۋىنا ەلەۋلى ۇلەس قوسۋى ءتيىس. سوندىقتان عى­لىم مەن تەحنيكا سالاسىنداعى قازاقستان رەسپۋبليكاسىنىڭ 2011 جىلعى مەملەكەتتىك سىي­لىعى تەك وتانىمىزدىڭ جوعارى ناگراداسى عانا ەمەس، ەلىمىزدىڭ ودان ءارى عى­لىمي-تەحنيكالىق پروگرەسىنىڭ ما­ڭىزدى كورسەتكىشى بولۋى ءتيىس. ءبىز­دىڭ مىندەتىمىز – مەملەكەت باسشى­سىنا ۇسىنىلعان جۇمىستاردىڭ ىشىنەن مەملەكەتتىك سىيلىقتى بەرۋ ءۇشىن ناعىز لايىقتى ەڭبەكتەردى ۇسىنۋ، دەپ اتاپ ءوتتى. وتىرىس قورىتىندىسى بوي­ىن­شا عىلىمي-تەحنيكالىق ساراپتامادان جانە كوميسسيا سەكتسيا­لارىندا الدىن الا قاراۋدان ءوت­كەن جۇمىستار ىرىكتەلىپ الىندى. ىرىكتەۋدەن وتكەن جۇمىستاردىڭ ءتىزىمى ودان ءارى كەڭىنەن قوعامدىق تالقىدان وتكىزۋ ماقساتىندا «ەگە­مەن قازاقستان» جانە «كازاحستانكايا پراۆدا» گازەتتەرىنىڭ جاقىن اراداعى نومىرلەرىندە جاريالاناتىن بولادى. سۇلەيمەن مامەت.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار