ۋنيۆەرسيتەت مارتەبەسى بەرىلسە

2009 جىلى 22 قازاندا ۇكى­مەت باسشىسىنا جول­دا­عان ساۋا­لىمدا ارقالىق, سە­مەي, تاراز, قوس­تا­ناي, پاۆ­لودار, اقتوبە پەدا­گو­گيكالىق ينس­تي­تۋت­تارىنا ۋني­ۆەرسيتەت ءمار­تە­بەسىن بەرۋ تۋرالى جاز­عان ەدىم. پرە­مەر­دىڭ ماعان جول­داعان جاۋا­بىندا «مەملەكەتتىك پەداگوگيكالىق ينس­تي­تۋت­تاردى ۋنيۆەرسيتەت ەتىپ قاي­تا قۇرۋ ءما­سە­لەسىن بولا­شاقتا قا­راۋعا بولا­دى» دەلىنگەن. ودان بەرى ءبىرشاما ۋاقىت ءوتتى. سوندىقتان بۇل ماسەلەگە «ەگە­مەن» ارقىلى قايتا ورا­لىپ وتىر­مىن. ەلباسىنىڭ 2010 جىلعى 7 جەلتوقسانداعى №1118 جارلى­عى­مەن بەكىتىلگەن قازاقستان رەس­پۋب­ليكا­سىندا ءبىلىم بەرۋدى دامى­تۋ­دىڭ 2011-2020 جىلدارعا ارنال­عان مەملەكەتتىك باعدارلاما­سىن­دا پەداگوگ مارتەبەسىن كوتە­رۋ ءما­سەلەسى جان-جاقتى ايتىلعان. پەداگوگ مارتەبەسىن كوتەرۋ ماسەلەسى پەداگوگتاردى جوعارى وقۋ ورىن­دارىندا دايارلاۋمەن تىكەلەي باي­لانىستى. پەدا­گوگ­تاردىڭ ۋنيۆەرسيتەتتىك دارە­جەدەگى وقۋ ورىن­دا­رىندا دايار­لانۋى – زامان تالابى. مۇنداي ءۇردىس ەلىمىزدە بار. ايتالىق, اباي اتىن­داعى ۇلتتىق پەداگوگيكالىق ۋنيۆەرسيتەت پەن قازاق مەملەكەتتىك قىزدار پەدا­گو­گيكالىق ۋني­­ۆەرسيتەتى. نەلىكتەن اي­ماق­­تارداعى پەداگوگ دايار­لاي­تىن وقۋ ورىندارى وسىنداي دەڭ­گەيگە كوتەرىلمەي وتىر؟ باعدارلامادا 2015 جىلدان باستاپ 12 جىلدىق وقۋ ۇردىسىنە كوشۋ كوزدەلگەن. ياعني, جوعارى وقۋ ورىن­دارىنىڭ 1 كۋرس ستۋدەنتتەرىنە وقى­تى­لاتىن جالپى ءپان­دەردىڭ كەيبىرى 12 جىلدىق مەك­تەپتىڭ وقۋ باعدار­لا­ماسىنا ەنەدى. بۇل – پەداگوگتار دايارلاۋ ماسەلەسىن جاڭا ساپالىق دەڭ­گەيگە كوتەرۋدى قاجەت ەتەدى دەگەن ءسوز. بۇگىنگى تاڭدا جۇمىس ىستەيتىن ءاربىر بەسىنشى مۇعالىمنىڭ جاسى 50-دەن اسقان. جىل سايىنعى جاس كادرلاردىڭ پەداگوگ ماماندىعى بويىنشا جۇمىسقا كەلۋى 2,6 پايىزدى قۇ­راپ وتىر. بۇل ەلىمىزدەگى پە­داگوگيكالىق ماماندىقتىڭ ءمار­تەبەسىنە قىزىعۋشىلىق­تىڭ باسەڭدىگىن كورسەتەدى.  ءبىلىمدى پەداگوگ دايىنداۋ – بۇل بولاشاققا دەگەن ينۆەستيتسيا. سوندىقتان جوعارىدا اتال­عان پە­داگوگيكالىق ينس­تي­تۋتتاردى ۋنيۆەرسيتەت دەڭ­گەيى­نە كوتەرۋ­دىڭ ءمۇم­كىن­دىك­تەرى قاراس­تى­رىلعانى ءجون دەپ بىلەمىن. عاريفوللا ەسىم, سەنات دەپۋتاتى.